Namcor-raad ontmoet oor dooie punt
Minister Leon Jooste sê sterk bewyse is nodig om die skorsing van die besturende direkteur te regverdig.
Catherine Sasman - Die raad van die Nasionale Petroleumkorporasie (Namcor) sal na verwagting vandag sê of dissiplinêre stappe teen mnr. Immanuel Mulunga, die besturende direkteur, geneem gaan word.
Mulunga en die raad is haaks met mekaar nadat die raad op 27 November besluit het om die kontrakte van ten minste nege werknemers te beëindig wat Mulunga op 'n tydelike basis aangestel het.
Die raad, onder voorsitterskap van mnr. Patrick Kauta, bevraagteken die geldigheid van die omstandighede rondom dié aanstellings.
Die aanstellings het die semistaatsinstelling reeds N$4,7 miljoen gekos.
Mulunga word daarvan beskuldig dat hy vriende aangestel het sonder om die poste te adverteer óf om die kandidate aan onderhoude te onderwerp.
Mulunga het verlede week gesê daar was niks onbehoorliks aan die aanstellings nie, aangesien 'n beleid van die maatskappy dit vir hom as besturende direkteur moontlik maak om sulke tydelike aanstellings te maak.
Kauta het verlede week die minister van staatsondernemings, mnr. Leon Jooste, en die minister van myne en energie, mnr. Obeth Kandjoze, se toestemming gevra om Mulunga te skors sodat 'n forensiese ondersoek na die aanstellings, sowel as na 'n twyfelagtige tendertoekenning aan 'n maatskappy in Maleisië gedoen kan word.
The Villager het verlede week berig Mulunga het een van sy tydelike aanstellings, mnr.Sam Hasheela, aangesê om 'n tenderdokument vir die verskaffing van smeermiddels só op te stel dat dit voorsiening maak vir 'n beperkte bie-proses.
Drie maatskappye het getender en Mulunga het dit aan Hyrax Oil toegeken.
Mnr. Alex Wayne, die verteenwoordiger van die maatskappy in Namibië, is glo 'n vriend van Mulunga.
Die berig sê Mulunga het die beperkte bie-proses geregverdig deur te sê die produkte was dringend nodig.
Mulunga wou verlede week nie homself hieroor uitlaat nie en het alle vrae na Namcor se woordvoerder, mnr. Utaara Hoveka, verwys.
Hoveka het gesê hy kan nie kommentaar lewer nie, aangesien “hoër owerhede” die kwessie hanteer.
Minister Jooste het Kauta se versoek oor Mulunga se voorgestelde skorsing bevestig.
Hy het egter gesê só 'n stap is 'n “uiterste maatreël” wat slegs geregverdig kan word met “buitengewone omstandighede” gebaseer op sterk bewyse.
Mulunga en die raad is haaks met mekaar nadat die raad op 27 November besluit het om die kontrakte van ten minste nege werknemers te beëindig wat Mulunga op 'n tydelike basis aangestel het.
Die raad, onder voorsitterskap van mnr. Patrick Kauta, bevraagteken die geldigheid van die omstandighede rondom dié aanstellings.
Die aanstellings het die semistaatsinstelling reeds N$4,7 miljoen gekos.
Mulunga word daarvan beskuldig dat hy vriende aangestel het sonder om die poste te adverteer óf om die kandidate aan onderhoude te onderwerp.
Mulunga het verlede week gesê daar was niks onbehoorliks aan die aanstellings nie, aangesien 'n beleid van die maatskappy dit vir hom as besturende direkteur moontlik maak om sulke tydelike aanstellings te maak.
Kauta het verlede week die minister van staatsondernemings, mnr. Leon Jooste, en die minister van myne en energie, mnr. Obeth Kandjoze, se toestemming gevra om Mulunga te skors sodat 'n forensiese ondersoek na die aanstellings, sowel as na 'n twyfelagtige tendertoekenning aan 'n maatskappy in Maleisië gedoen kan word.
The Villager het verlede week berig Mulunga het een van sy tydelike aanstellings, mnr.Sam Hasheela, aangesê om 'n tenderdokument vir die verskaffing van smeermiddels só op te stel dat dit voorsiening maak vir 'n beperkte bie-proses.
Drie maatskappye het getender en Mulunga het dit aan Hyrax Oil toegeken.
Mnr. Alex Wayne, die verteenwoordiger van die maatskappy in Namibië, is glo 'n vriend van Mulunga.
Die berig sê Mulunga het die beperkte bie-proses geregverdig deur te sê die produkte was dringend nodig.
Mulunga wou verlede week nie homself hieroor uitlaat nie en het alle vrae na Namcor se woordvoerder, mnr. Utaara Hoveka, verwys.
Hoveka het gesê hy kan nie kommentaar lewer nie, aangesien “hoër owerhede” die kwessie hanteer.
Minister Jooste het Kauta se versoek oor Mulunga se voorgestelde skorsing bevestig.
Hy het egter gesê só 'n stap is 'n “uiterste maatreël” wat slegs geregverdig kan word met “buitengewone omstandighede” gebaseer op sterk bewyse.
Kommentaar
Republikein
Geen kommentaar is op hierdie artikel gelaat nie