Nambala, Shikongo loods aanslag in Tokio

Hesron Kapanga in Tokio – Letu Hamhola, afrigter van die Namibiese atlete by die Paralimpiese Spele in Tokio, sê hy is bly om die kameraderie te sien vandat Ananias Shikongo sy silwermedalje gewen het. Maar dit is opnuut tyd om hul fokus te verskerp.Hamhola sê: “Die span was opgewonde en bly oor sy medalje. Dit was lekker om die gees tussen die Namibiërs te sien, maar nou sal hulle hul aandag op die oorblyende renne moet instel. Ons fokus verskyf nou na die oorblywende naellope.”Ananias Shikongo (T11-naelloper) en Sem Shimanda, sy naelloopgids, het Sondag silwer in die 400 meternaelloop by die Paralimpiese Spele in Japan opgeraap.Shikongo sal vandag aan die T11 100-meteruitdunne deelneem. Dis sy laaste item, terwyl Johannes Nambala môre-oggend vir die T13-400-uitdunne sal opwarm. Lahja Ishitile sal die beste van haar 200-uitdunne wil maak wat ook môre afgehandel word.Nambala het gesê: “Die 400 is my beste item, dus is ek gereed vir my aanslag. Ek hardloop teen ’n sterk veld in my uitdun, maar ek is oortuig ek sal dit na die finaal maak. Die ondersteuning van die huis af is fantasties. Ek gaan my bes probeer om Namibië trots te maak.”Namibië het in 2016 by die Paralimpiese Spele in Rio de Janeiro vyf medaljes verower. Nambala het twee silwer verwerf, terwyl Shikongo een goud (200) en twee bronsmedaljes (100 en 400) gekry het. Shikongo is nou die eerste Namibiër met vier medaljes by twee verskillende Paralimpiese Speles.– Nampa

Nambala, Shikongo loods aanslag in Tokio

Kommentaar

Republikein 2025-12-18

Meld asseblief aan om kommentaar te lewer

Nambala, Shikongo loods aanslag in Tokio

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.