Namas sê Salini moet ondersoek word
Catherine Sasman - Die Nama Tradisionele Leiersvereniging (NTLA) ondersteun die staking deur werkers van Salini Namibia by die Neckartaldamprojek en het die regering aangemoedig om beweringe van onbillike arbeidspraktyke, teenstrydige subkontraktering en aankooppraktyke te ondersoek.
Die NTLA het voorgestel die doelstellings van die Harambee-voorspoedplan moet oorweeg word om meer geleenthede vir Namibiërs by die konstruksieprojek te reël.
Die NTLA se sekretaris-generaal, mnr. Lazarus Kairabeb, het voorgestel die 2014-ooreenkoms tussen Salini en die Metaal- en Verwante Werkersunie (Manwu) moet hersien word, “om voorsiening te maak vir baie meer ontvanklike voorwaardes en vloeibaarheid in arbeidsverhoudinge en kollektiewe bedingingsprosedures”.
Die NTLA het namens die Namibiese subkontrakteurs aan die minister van water, landbou en bosbou, mnr. John Mutorwa, geskryf oor hul mening dat hulle deur die Italiaanse maatskappy geminag word.
In korrespondensie aan Mutorwa asook aan die direkteur van projekte by die ministerie, mnr. Leopold Niipare, het die NTLA onder meer bewerings geopper van onregverdige kontrakte of die gebrek daaraan, láát betalings ná werk voltooi is, en die gebrek aan meganismes om plaaslike subkontrakteurs te beskerm.
In Mei het Salini Impregilo in ’n brief aan die ministerie en die raadgewende ingenieursmaatskappy Knight Piésold Consulting, gesê Kairabeb se eise is "generiese beskuldigings" en "sonder spesifieke voorbeelde". Hulle het gesê dit sou dus “uiters moeilik” wees om sulke aantygings te ondersoek. Nietemin, gegrond op Kairabeb se “skamele inligting”, het Salini Namibia, ’n filiaal van Salini Impregilo, verskeie ondersoeke gelas, maar geen oortredinge is gevind nie.
Voorts het hulle gesê Kairabeb sou spesifieke besonderhede en toepaslike dokumente aan Salini Namibia moet voorsien sodat ’n meer gedetailleerde reeks ondersoeke onderneem kan word wat dan aan Niipare voorgelê sou word.
Vroeër vandeesmaand het Niipare in ’n brief voorgestel Kairabeb voorsien voorbeelde van die beweerde kontrakbreuk tussen Salini Namibia en subkontrakterende firmas.
Kairabeb wou weet of die “bedelbriewe” deur subkontrakteurs aan Salini Namibia wat maand na maand om betaling vra, nie genoeg bewys is dat iets fout is nie.
“Geen wonder die projek is in só ’n benarde posisie nie. Dit kom daarop neer dat werkers en subkontrakteurs se regte glad nie in ag geneem word nie,” het Kairabeb gesê.
Die NTLA het voorgestel die doelstellings van die Harambee-voorspoedplan moet oorweeg word om meer geleenthede vir Namibiërs by die konstruksieprojek te reël.
Die NTLA se sekretaris-generaal, mnr. Lazarus Kairabeb, het voorgestel die 2014-ooreenkoms tussen Salini en die Metaal- en Verwante Werkersunie (Manwu) moet hersien word, “om voorsiening te maak vir baie meer ontvanklike voorwaardes en vloeibaarheid in arbeidsverhoudinge en kollektiewe bedingingsprosedures”.
Die NTLA het namens die Namibiese subkontrakteurs aan die minister van water, landbou en bosbou, mnr. John Mutorwa, geskryf oor hul mening dat hulle deur die Italiaanse maatskappy geminag word.
In korrespondensie aan Mutorwa asook aan die direkteur van projekte by die ministerie, mnr. Leopold Niipare, het die NTLA onder meer bewerings geopper van onregverdige kontrakte of die gebrek daaraan, láát betalings ná werk voltooi is, en die gebrek aan meganismes om plaaslike subkontrakteurs te beskerm.
In Mei het Salini Impregilo in ’n brief aan die ministerie en die raadgewende ingenieursmaatskappy Knight Piésold Consulting, gesê Kairabeb se eise is "generiese beskuldigings" en "sonder spesifieke voorbeelde". Hulle het gesê dit sou dus “uiters moeilik” wees om sulke aantygings te ondersoek. Nietemin, gegrond op Kairabeb se “skamele inligting”, het Salini Namibia, ’n filiaal van Salini Impregilo, verskeie ondersoeke gelas, maar geen oortredinge is gevind nie.
Voorts het hulle gesê Kairabeb sou spesifieke besonderhede en toepaslike dokumente aan Salini Namibia moet voorsien sodat ’n meer gedetailleerde reeks ondersoeke onderneem kan word wat dan aan Niipare voorgelê sou word.
Vroeër vandeesmaand het Niipare in ’n brief voorgestel Kairabeb voorsien voorbeelde van die beweerde kontrakbreuk tussen Salini Namibia en subkontrakterende firmas.
Kairabeb wou weet of die “bedelbriewe” deur subkontrakteurs aan Salini Namibia wat maand na maand om betaling vra, nie genoeg bewys is dat iets fout is nie.
“Geen wonder die projek is in só ’n benarde posisie nie. Dit kom daarop neer dat werkers en subkontrakteurs se regte glad nie in ag geneem word nie,” het Kairabeb gesê.
Kommentaar
Republikein
Geen kommentaar is op hierdie artikel gelaat nie