'Nagmerrie' wag op Steinhoff-aandeelhouers

Christo Wiese, vorige voorsitter van Steinhoff International, het sy belang in die beleërde groep van 21% tot 6,2% verklein.Die aandeelhoueraktivis Theo Botha het die naweek via Twitter gesê Maandag gaan 'n nagmerrie wees vir Steinhoff-aandeelhouers as die mark op dié nuus reageer.Die verkoop van 70% van sy aandele in Steinhoff is Vrydag aan die Nederlandse owerheid vir finansiële markte bekend gemaak. Daar was geen verdere besonderhede oor die transaksie in die aankondiging nie. Die JSE se Sens-nuusdiens het ook nie Vrydag enige aankondiging daaroor gehad nie.Die transaksie beteken Wiese is nie meer die grootste aandeelhouer in Steinhoff nie. Volgens syfers wat Bloomberg teen einde Januarie saamgestel het, is die Openbare Beleggingskorporasie (OBK), batebestuurder van die staatspensioenfonds, nou die grootste enkele aandeelhouer in Steinhoff met 'n belang van 7,5%.Steinhoff se aandeelprys het van sowat R60 in Desember met sowat 90% tot rondom R6 geval nadat die boekhouskandaal by die internasionale meubelhandelaar bekend geword en Markus Jooste, die uitvoerende hoof, onder 'n wolk bedank het.Wiese (76), wat as een van die rykste mense in Suid-Afrika gereken word, se welvaart het meer as halveer tot US$2,3 miljard toe Steinhoff se aandeelprys ineengestort het. Die groep se markwaarde het met sowat US$14 miljard gekrimp.Steinhoff se aandeelprys het Vrydag met 1,33% tot R5,94 gedaal. Sy Suid-Afrikaanse kleinhandelfiliaal Steinhoff Africa Retail (Star) het Vrydag 'n handelsverslag oor die drie maande tot einde Desember uitgereik en gewys sy omset het met 15,5% tot R18,4 miljard gegroei.Star se aandeelprys het egter Vrydag met 7,24% tot R20,13 gedaal.– Netwerk24

'Nagmerrie' wag op Steinhoff-aandeelhouers

Kommentaar

Republikein 2025-10-28

Meld asseblief aan om kommentaar te lewer

'Nagmerrie' wag op Steinhoff-aandeelhouers

Kommentaar

Republikein 2025-10-28

Meld asseblief aan om kommentaar te lewer

MELD AAN

Advertensie