Nagklubgangers gyselaar gehou
'n Taxibestuurder het glo op 'n passasier geskiet wat uit die taxi gespring het sonder om te betaal.
Die polisie is Sondag omstreeks 05:00 na die Vibe-nagklub na die suidelike nywerheidsgebied in Windhoek ontbied nadat mense in die gebou gyselaar gehou is.
Volgens die Namibiese polisie se misdaadverslag was die verdagte glo gegrief toe hy vroeër uit die nagklub gegooi is.
“Hy het die bestuur met 'n vuurwapen aangehou en drie skote afgevuur. Die polisie het ingetree en die verdagte ontwapen en in hegtenis geneem,” lui die verslag.
“Beslag is gelê op 'n gelaaide haelgeweer en 17 patrone, asook drie leë patroondoppies. Niemand is beseer nie en die ondersoek duur voort.”
'n Klag van poging tot moord is teen 'n 40-jarige taxibestuurder van Walvisbaai aanhangig gemaak toe hy 'n 29-jarige passasier Saterdag omstreeks 11:15 glo in die skouer geskiet het.
Die taxibestuurder het twee passasiers opgelaai. Toe hy stadiger by die verkeerslig in Nathanial Maxuililostraat in Walvisbaai gery het, het een passasier glo uitgespring en weggehardloop sonder om te betaal. “Die taxibestuurder het sy 29-jarige passasier gejaag en in die regterskouer geskiet. Die slagoffer is in die Walvisbaaise staatshospitaal opgeneem en is in 'n stabiele toestand,” sê die polisie. Die taxibestuurder is in hegtenis geneem en beslag is op sy vuurwapen gelê.
CHINESE BEROOF
By Witvlei in die Omahekestreek is twee Chinese mans (onderskeidelik 50 en 29 jaar oud) glo Vrydag omstreeks 11:30 op die plaas Rooigrond beroof.
“Die twee Chinese het met 'n Toyota Legend-dubbelkajuitbakkie na die plaas gery om die werkers van hul houtskoolbedryf te betaal. Hulle het gestop om die plaashek oop te maak toe vier onbekende verdagtes hulle glo oorval, met hul vuiste aangerand en met toue vasgebind het,” lui die misdaadverslag.
Die verdagtes was glo met 'n pistool gewapen en het die twee Chinese van N$200 700, die voertuig en 'n 160 liter-drom petrol beroof. Die totale waarde van die gesteelde goedere word op N$502 700 beraam en is nog nie teruggevind nie. Drie verdagtes is in hegtenis geneem. Nóg 'n gewapende rooftog het Saterdag om 02:58 in Istanbulstraat in Otjomuise in die hoofstad plaasgevind. Dit word beweer dat onbekende mans by 'n huis ingegaan het en die huisbewoner met 'n pistool aangehou en van 'n selfoon en TV beroof het. Die waarde van die gesteelde goedere is onbekend en is nog nie teruggevind nie. Niemand is in hegtenis geneem nie.
'n Vrou (33) is Saterdag omstreeks 04:00 glo deur 'n 25-jarige man op Oshivello in die Oshikotostreek verkrag. Dit word beweer dat die man in haar kamer ingegaan het terwyl sy geslaap het en haar verkrag het. Die slagoffer was glo onder die invloed van alkohol. Die man is in hegtenis geneem en sou Maandag in die landdroshof op Tsumeb verskyn.
Op Keetmanshoop het 'n 20-jarige vrou Vrydag 'n klag van verkragting aanhangig gemaak nadat sy glo verlede Woensdag omstreeks 02:00 by die Groenliggies-kroeg verkrag is.
“Dit word besweer dat 'n verdagte die slagoffer met 'n mes gedreig het en haar by die nuutgeboude leë huise by die !Homs Ai-mark in Tseiblaagte verkrag het. Die verdagte is onbekend en nog nie in hegtenis geneem nie.
Op Aroab is 'n 24-jarige man Vrydag omstreeks 18:00 met drie Mandrax-tablette en twee ballies suiwer dagga in hegtenis geneem. Hy sou Maandag in die landdroshof op Keetmanshoop op klagte van die besit van dagga en handel in Madrax verskyn.
Volgens die Namibiese polisie se misdaadverslag was die verdagte glo gegrief toe hy vroeër uit die nagklub gegooi is.
“Hy het die bestuur met 'n vuurwapen aangehou en drie skote afgevuur. Die polisie het ingetree en die verdagte ontwapen en in hegtenis geneem,” lui die verslag.
“Beslag is gelê op 'n gelaaide haelgeweer en 17 patrone, asook drie leë patroondoppies. Niemand is beseer nie en die ondersoek duur voort.”
'n Klag van poging tot moord is teen 'n 40-jarige taxibestuurder van Walvisbaai aanhangig gemaak toe hy 'n 29-jarige passasier Saterdag omstreeks 11:15 glo in die skouer geskiet het.
Die taxibestuurder het twee passasiers opgelaai. Toe hy stadiger by die verkeerslig in Nathanial Maxuililostraat in Walvisbaai gery het, het een passasier glo uitgespring en weggehardloop sonder om te betaal. “Die taxibestuurder het sy 29-jarige passasier gejaag en in die regterskouer geskiet. Die slagoffer is in die Walvisbaaise staatshospitaal opgeneem en is in 'n stabiele toestand,” sê die polisie. Die taxibestuurder is in hegtenis geneem en beslag is op sy vuurwapen gelê.
CHINESE BEROOF
By Witvlei in die Omahekestreek is twee Chinese mans (onderskeidelik 50 en 29 jaar oud) glo Vrydag omstreeks 11:30 op die plaas Rooigrond beroof.
“Die twee Chinese het met 'n Toyota Legend-dubbelkajuitbakkie na die plaas gery om die werkers van hul houtskoolbedryf te betaal. Hulle het gestop om die plaashek oop te maak toe vier onbekende verdagtes hulle glo oorval, met hul vuiste aangerand en met toue vasgebind het,” lui die misdaadverslag.
Die verdagtes was glo met 'n pistool gewapen en het die twee Chinese van N$200 700, die voertuig en 'n 160 liter-drom petrol beroof. Die totale waarde van die gesteelde goedere word op N$502 700 beraam en is nog nie teruggevind nie. Drie verdagtes is in hegtenis geneem. Nóg 'n gewapende rooftog het Saterdag om 02:58 in Istanbulstraat in Otjomuise in die hoofstad plaasgevind. Dit word beweer dat onbekende mans by 'n huis ingegaan het en die huisbewoner met 'n pistool aangehou en van 'n selfoon en TV beroof het. Die waarde van die gesteelde goedere is onbekend en is nog nie teruggevind nie. Niemand is in hegtenis geneem nie.
'n Vrou (33) is Saterdag omstreeks 04:00 glo deur 'n 25-jarige man op Oshivello in die Oshikotostreek verkrag. Dit word beweer dat die man in haar kamer ingegaan het terwyl sy geslaap het en haar verkrag het. Die slagoffer was glo onder die invloed van alkohol. Die man is in hegtenis geneem en sou Maandag in die landdroshof op Tsumeb verskyn.
Op Keetmanshoop het 'n 20-jarige vrou Vrydag 'n klag van verkragting aanhangig gemaak nadat sy glo verlede Woensdag omstreeks 02:00 by die Groenliggies-kroeg verkrag is.
“Dit word besweer dat 'n verdagte die slagoffer met 'n mes gedreig het en haar by die nuutgeboude leë huise by die !Homs Ai-mark in Tseiblaagte verkrag het. Die verdagte is onbekend en nog nie in hegtenis geneem nie.
Op Aroab is 'n 24-jarige man Vrydag omstreeks 18:00 met drie Mandrax-tablette en twee ballies suiwer dagga in hegtenis geneem. Hy sou Maandag in die landdroshof op Keetmanshoop op klagte van die besit van dagga en handel in Madrax verskyn.
Kommentaar
Republikein
Geen kommentaar is op hierdie artikel gelaat nie