Naellopers wil wêreld opnuut skok in 200 m

Andrew Poolman – Beatrice Masilingi en Christine Mboma is vasberade om vandag opnuut teen alle verwagtinge in die atletiekwêreld te skok.Die 18-jarige Namibiese naellopers het beide 'n moeilike loting gekry vir hul onderskeie uitdunwedlope in die Olimpiese Spele se 200 meter vir vroue.Vandat die twee op omstrede wyse deur Wêreldatletiek verbied is om vir hul onteenseglike beste item – die 400 meter – aan te tree op grond van hul natuurlike hoë testosteroonvlakke, is hul visier op die halwe baanrondte ingestel – waarin die vinnigste vroue ter wêreld egter vir hulle die wêreld warm sal maak.Mboma en Masilingi het in die 400 onder die topdrie vinnigstes vanjaar getel, maar in die 200 is as medaljekandidate is hul kanse hier nie naastenby so ooglopend nie.Trouens, dit sal 'n prestasie wees indien een of beide hul uitdunne vroeg vanoggend oorleef het om tot die drie semifinale vandag deur te dring, wat om 12:25, 12:32 en 12:39 Namibiese tyd geskeduleer is.Die onvergelyklike Jamaikaanse legende Shelly-Ann Fraser-Pryce en die ervare Nederlander Dafne Schippers is beide saam met Masilingi in dieselfde uitdun geplaas. Wat seisoensbestes betref, is Fraser-Pryce (21.79) hier in 'n klas van haar eie, met Schippers (22.70) en Masilingi (22.65) nietemin sterk geplaas om die ander twee beskikbare posisies op te eis, sonder om op die plekke vir die vinnigste verloorders te reken.In Mboma se 200-uitdun is die VSA se Gabrielle Thomas loshande die vinnigste sover vanjaar (21.61), terwyl Niger se Aminatou Seyni tevore al 'n 22.58 gehardloop het. Mboma het vanjaar haar beste tyd op 22.67 aangeteken.Die vroue 200-finaal is op die laaste item op môre se Olimpiese atletiekprogram. Ná haar tweede Olimpiese goud in die 100 meter die naweek is Jamaika se Elaine Thompson-Herah gewis die gunsteling, benewens die gedugte Fraser-Pryce en Bahamas se Shaunae Miller-Uibo.FOTOBeatrice Masilingi ontvang haar resiesnommer vir haar Olimpiese deelname van mnr. Dawie Ausgustyn, missiehoof van die Namibiese span. Foto verskaf

Naellopers wil wêreld opnuut skok in 200 m

Kommentaar

Republikein 2025-12-16

Meld asseblief aan om kommentaar te lewer

Naellopers wil wêreld opnuut skok in 200 m

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.