Naakstudie vir R2 miljard verkoop

’n Naakstudie deur die Italiaanse kunstenaar Amedeo Modigliani is een van die duurste kunswerke wat tot nog toe op ’n veiling verkoop is.Dié 1917-skildery, deel van die Nu couché-reeks, is Maandagaand vir US$157,2 miljoen (bykans R2 miljard) by Sotheby’s in New York verkoop – die hoogste veilingsprys in die veilingshuis se geskiedenis.Leonardo da Vinci se Salvator Mundi is verlede jaar op ’n veiling van Christie’s vir ’n verbysterende US$450 miljoen verkoop.Voor die veiling het Sotheby’s geraam dat die werk vir sowat US$150 miljoen verkoop sal word – ook ’n nuwe rekord vir Sotheby’s vir ’n geskatte prys vir ’n kunswerk.Volgens CNN was Christie’s se vorige rekord in 2015 toe geraam is dat Pablo Picasso se Les Femmes d’Alger, “weergawe O”, vir US$140 miljoen sal verkoop, wat uiteindelik ’n prys van US$179,4 miljoen behaal het.Nu couché was deel van Sotheby’s se veiling van impressionistiese en moderne kuns en is “vir byna ses keer meer verkoop as die vorige koopprys in 2003”, volgens die veilingshuis se amptelike Twitter-rekening.Die duurste prys vir ’n Modigliani, ook een van die reeks naakstudies Nu couché (1917-’18), is US$170,4 miljoen, wat Liu Yiqian, ’n Chinese miljardêr, in 2015 betaal het. - Netwerk24

Naakstudie vir R2 miljard verkoop

Kommentaar

Republikein 2026-03-20

Meld asseblief aan om kommentaar te lewer

Naakstudie vir R2 miljard verkoop

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.