N$930 miljoen vir groen projekte
Die minister van inligting en kommunikasietegnologie, mnr. Tjekero Tweya, het Donderdag bekend gemaak dat die kabinet klimaatverwante finansiering van N$930,5 miljoen goedgekeur het.
Dié finansiering voldoen aan die vereistes van die Groen Klimaatsfonds en die Franse Ontwikkelingsagentskap (AFD).
'n Bykomende N$197 miljoen dollar is deur die Wêreldomgewingsfasiliteit van die Verenigde Nasies se Raamwerk vir die Konvensie van Klimaatsverandering (UNFCCC) verseker.
Namibië en Frankryk het op 7 Junie 'n ooreenkoms van meer as N$900 miljoen oor die volhoubare gebruik van natuurlike hulpbronne en energiefinansiering (Sunref) in die hoofstad onderteken.
Die minister van die omgewing en toerisme, mnr. Pohamba Shifeta, het gesê die ooreenkoms sal sorg dat Namibië vooruitgang toon in skoon energie, volhoubare landbou en toerisme.
Me. Martha Stein-Sochas, streeksdirekteur van die Franse Ontwikkelingsagentskap (AFD) in Suider-Afrika, het gesê die programdoelwitte is om by te dra tot Namibië se vermindering van en aanpassing by die gevolge van klimaatsverandering.
Dit stel ook ten doel om Namibië se banksektor te ontwikkel om groen projekte beter te verstaan en om die arbeidsmark aan te moedig om nuwe sakegeleenthede te skep.
Die program sal deur die Omgewingsbeleggingsfonds (EIF) in Namibië gehuisves en ondersteun word.
Kredietfasiliteite van 45 miljoen euro (sowat N$648 miljoen) sal deur die AFD aan First National Bank, en 15 miljoen euro elk (sowat N$216 miljoen) aan Bank Windhoek en Nedbank vir klein en medium projekte verskaf word.
Nog 1 miljoen euro (sowat N$14 miljoen) gaan aan die EIF.
- Nampa
Dié finansiering voldoen aan die vereistes van die Groen Klimaatsfonds en die Franse Ontwikkelingsagentskap (AFD).
'n Bykomende N$197 miljoen dollar is deur die Wêreldomgewingsfasiliteit van die Verenigde Nasies se Raamwerk vir die Konvensie van Klimaatsverandering (UNFCCC) verseker.
Namibië en Frankryk het op 7 Junie 'n ooreenkoms van meer as N$900 miljoen oor die volhoubare gebruik van natuurlike hulpbronne en energiefinansiering (Sunref) in die hoofstad onderteken.
Die minister van die omgewing en toerisme, mnr. Pohamba Shifeta, het gesê die ooreenkoms sal sorg dat Namibië vooruitgang toon in skoon energie, volhoubare landbou en toerisme.
Me. Martha Stein-Sochas, streeksdirekteur van die Franse Ontwikkelingsagentskap (AFD) in Suider-Afrika, het gesê die programdoelwitte is om by te dra tot Namibië se vermindering van en aanpassing by die gevolge van klimaatsverandering.
Dit stel ook ten doel om Namibië se banksektor te ontwikkel om groen projekte beter te verstaan en om die arbeidsmark aan te moedig om nuwe sakegeleenthede te skep.
Die program sal deur die Omgewingsbeleggingsfonds (EIF) in Namibië gehuisves en ondersteun word.
Kredietfasiliteite van 45 miljoen euro (sowat N$648 miljoen) sal deur die AFD aan First National Bank, en 15 miljoen euro elk (sowat N$216 miljoen) aan Bank Windhoek en Nedbank vir klein en medium projekte verskaf word.
Nog 1 miljoen euro (sowat N$14 miljoen) gaan aan die EIF.
- Nampa
Kommentaar
Republikein
Geen kommentaar is op hierdie artikel gelaat nie