N$491 miljoen nodig vir Etosha-heining
Die direkteur van wildlewe en nasionale parke verduidelik in watter toestand die omheining van die land se grootste nasionale park is.
Francoise Steynberg
Die konstruksie van die oorblywende deel van die Etosha Nasionale Park se heining van 712 km sal na raming N$491 miljoen kos.
Dít volgens die ministerie van die omgewing en toerisme se direkteur van wildlewe en nasionale parke, mnr. Colgar Sikopo.
“Olifant- en leeuwerende heinings kos sowat N$689 285 per kilometer,” het Sikopo in 'n mediaverklaring gesê.
Hy het gesê om die toestand van die omheining te verbeter, het die ministerie in 2012 reeds met die konstruksie en elektrifisering van 'n olifant- en roofdierwerende heining begin.
Sikopo sê die begrotingstoekenning oor die afgelope boekjare hiervoor was soos volg: N$35 miljoen (2012-'13), N$40 miljoen (2013-'14), N$40 miljoen (2014-'15), N$20 miljoen (2015-'16), N$29 miljoen, maar met die helfte verminder tot N$14,5 miljoen (2016-'17) en N$12 miljoen (2017-'18).
Vir die huidige boekjaar is N$23,8 miljoen toegeken.
“In die afgelope ses jaar is slegs 112 km van die heining opgeknap en 712 km bly dus oor, wat na raming N$491 miljoen gaan kos.
“Teen die huidige spoed en vlak van konstruksie, sal dit nóg 10 jaar neem om die heining op te knap,” het hy gesê.
'n Video oor dele van die heining wat in 'n swak toestand is, is onlangs op sosiale media versprei.
Sikopo het hierop gereageer in 'n verklaring en gesê gemeenskappe en boere rondom Etosha, asook die publiek “moenie paniekerig raak nie, want die situasie kry ons onmiddellike aandag”.
SIEKTES
Sikopo sê hoewel daar geen Afrika-buffels - die draers van bek-en-klouseer - in Etosha is nie, is dié siekte hoogs aansteeklik vir diere met gesplete hoewe.
“Dit is belangrik dat beheermaatreëls soos die park se heining toegepas word, want enige uitbreking van hierdie siekte onder ons vee kan 'n verwoestende effek op beide die vee- en wildbedryf hê.”
Hy sê miltsiekte is ook al voorheen in Etosha aangemeld en dis belangrik om te voorkom dat vee in Etosha wei.
“Ons is bewus daarvan dat sommige dele van die beeswerende heining in 'n slegte toestand is weens die verwoesting wat olifante op 'n daaglikse basis saai - veral tydens die reënseisoen. Die mees geraakte gebied is teen die noordelike grens.”
Sikopo verduidelik: “Die heining strek van waar die nuwe heining stop by Aupindi-hoek tot by die gebied wes van Onanke by Kleinrivier. Hierdie gebied is meestal onmoontlik om tydens die reënseisoen van die park af te bereik. Dit word daagliks deur olifante verwoes, veral die Ekumarivier-gebied, verby die Oshigamborivier tot by Kleinrivier.
Hy sê tydens die droë seisoen word grondwater te sout vir olifante en hulle beweeg suid- en ooswaarts dieper in die park in.
“Sodra die reën begin en water is in die veld beskikbaar, beweeg olifanttroppe uit die park uit op soek na somerweiding.”
TEKORT AAN
PERSONEEL
Volgens Sikopo is daar net een span van ses personeellede en een voertuig by Onanke wat dié deel van die heining onderhou.
“Dit is nie moontlik om meer personeel in te bring om die heining te onderhou nie, want die ander personeel fokus op kwessies soos wildbeskerming en wetstoepassing - veral met die huidige vlakke van renoster- en olifantstropery, asook daaglikse gevalle van mens-dier-konflik,” verduidelik hy.
Sikopo sê dit is “ongelukkig” dat die direktoraat van wildlewe en nasionale parke meer as 400 vakante poste oor die hele land het.
Hy sê die situasie skep 'n “gaping en uitdaging” met die implementering van aktiwiteite soos die opknap van Etosha se grensheining.
Voorts is begrotingsbeperkings ook 'n groot uitdaging, “maar die ministerie doen alles om meer met minder te doen”.
Sikopo sê daar word na alle moontlike maniere gekyk om die grensheining te onderhou, soos om personeellede van ander stasies in die land na Etosha te verskuif.
Die Etosha Nasionale Park is 22 935 vierkante kilometer groot.
Die grensheining is 822 km lank en grens aan die Oshikoto-, Oshana-, Omusati- en Kunenestreek.
Dit bestaan uit verskillende tipes heinings, maar behels meestal wildwerende heinings met 'n veeheining van 80 km wat 1,2 meter hoog is.
Dié heining is reeds in die vroeë 1960's opgerig en is dus meer as 50 jaar oud.
Die konstruksie van die oorblywende deel van die Etosha Nasionale Park se heining van 712 km sal na raming N$491 miljoen kos.
Dít volgens die ministerie van die omgewing en toerisme se direkteur van wildlewe en nasionale parke, mnr. Colgar Sikopo.
“Olifant- en leeuwerende heinings kos sowat N$689 285 per kilometer,” het Sikopo in 'n mediaverklaring gesê.
Hy het gesê om die toestand van die omheining te verbeter, het die ministerie in 2012 reeds met die konstruksie en elektrifisering van 'n olifant- en roofdierwerende heining begin.
Sikopo sê die begrotingstoekenning oor die afgelope boekjare hiervoor was soos volg: N$35 miljoen (2012-'13), N$40 miljoen (2013-'14), N$40 miljoen (2014-'15), N$20 miljoen (2015-'16), N$29 miljoen, maar met die helfte verminder tot N$14,5 miljoen (2016-'17) en N$12 miljoen (2017-'18).
Vir die huidige boekjaar is N$23,8 miljoen toegeken.
“In die afgelope ses jaar is slegs 112 km van die heining opgeknap en 712 km bly dus oor, wat na raming N$491 miljoen gaan kos.
“Teen die huidige spoed en vlak van konstruksie, sal dit nóg 10 jaar neem om die heining op te knap,” het hy gesê.
'n Video oor dele van die heining wat in 'n swak toestand is, is onlangs op sosiale media versprei.
Sikopo het hierop gereageer in 'n verklaring en gesê gemeenskappe en boere rondom Etosha, asook die publiek “moenie paniekerig raak nie, want die situasie kry ons onmiddellike aandag”.
SIEKTES
Sikopo sê hoewel daar geen Afrika-buffels - die draers van bek-en-klouseer - in Etosha is nie, is dié siekte hoogs aansteeklik vir diere met gesplete hoewe.
“Dit is belangrik dat beheermaatreëls soos die park se heining toegepas word, want enige uitbreking van hierdie siekte onder ons vee kan 'n verwoestende effek op beide die vee- en wildbedryf hê.”
Hy sê miltsiekte is ook al voorheen in Etosha aangemeld en dis belangrik om te voorkom dat vee in Etosha wei.
“Ons is bewus daarvan dat sommige dele van die beeswerende heining in 'n slegte toestand is weens die verwoesting wat olifante op 'n daaglikse basis saai - veral tydens die reënseisoen. Die mees geraakte gebied is teen die noordelike grens.”
Sikopo verduidelik: “Die heining strek van waar die nuwe heining stop by Aupindi-hoek tot by die gebied wes van Onanke by Kleinrivier. Hierdie gebied is meestal onmoontlik om tydens die reënseisoen van die park af te bereik. Dit word daagliks deur olifante verwoes, veral die Ekumarivier-gebied, verby die Oshigamborivier tot by Kleinrivier.
Hy sê tydens die droë seisoen word grondwater te sout vir olifante en hulle beweeg suid- en ooswaarts dieper in die park in.
“Sodra die reën begin en water is in die veld beskikbaar, beweeg olifanttroppe uit die park uit op soek na somerweiding.”
TEKORT AAN
PERSONEEL
Volgens Sikopo is daar net een span van ses personeellede en een voertuig by Onanke wat dié deel van die heining onderhou.
“Dit is nie moontlik om meer personeel in te bring om die heining te onderhou nie, want die ander personeel fokus op kwessies soos wildbeskerming en wetstoepassing - veral met die huidige vlakke van renoster- en olifantstropery, asook daaglikse gevalle van mens-dier-konflik,” verduidelik hy.
Sikopo sê dit is “ongelukkig” dat die direktoraat van wildlewe en nasionale parke meer as 400 vakante poste oor die hele land het.
Hy sê die situasie skep 'n “gaping en uitdaging” met die implementering van aktiwiteite soos die opknap van Etosha se grensheining.
Voorts is begrotingsbeperkings ook 'n groot uitdaging, “maar die ministerie doen alles om meer met minder te doen”.
Sikopo sê daar word na alle moontlike maniere gekyk om die grensheining te onderhou, soos om personeellede van ander stasies in die land na Etosha te verskuif.
Die Etosha Nasionale Park is 22 935 vierkante kilometer groot.
Die grensheining is 822 km lank en grens aan die Oshikoto-, Oshana-, Omusati- en Kunenestreek.
Dit bestaan uit verskillende tipes heinings, maar behels meestal wildwerende heinings met 'n veeheining van 80 km wat 1,2 meter hoog is.
Dié heining is reeds in die vroeë 1960's opgerig en is dus meer as 50 jaar oud.
Kommentaar
Republikein
Geen kommentaar is op hierdie artikel gelaat nie