N$2,5m se bedrogklag teen August Maletzky

Denver KistingDie Namibiese polisie ondersoek klagte van bedrog, vervalsing en uitgifte teen mnr. August Maletzky, 'n lekeregsman, ten bedrae van N$2,5 miljoen.Dít nadat hy glo 'n huis wat hy in Windhoek-Wes teen N$10 000 per maand gehuur het, onder die neus van die eienaar, mnr. Samuel Dias (80), verkoop het.Daarnaas is die Teenkorrupsiekommissie (ACC) na wat verneem word ook op Maletzky se spoor weens bewerings van korrupsie wat met dieselfde saak verband hou.'n Gebroke Dias, 'n diabeet, het gister breedvoerig aan Republikein vertel hoe hy van sy aftreegeld gebruik het om destyds die huis te koop.Volgens hom het die burgeroorlog in sy vaderland, Angola, en die beter gehalte van hoër onderwys in Namibië hom genoop om die huis te koop, aangesien al drie sy kinders hier kom studeer het. “En ek het nooit planne gehad om die huis te verkoop nie omdat dit vir ons 'n Namibiese tuiste gebied het. Ek het voorsien dat my kleinkinders ook hier sou kom studeer en in die huis sou woon.”Hy sê benewens dat hy nooit toestemming gegee dat sy huis verkoop word nie, is dit boonop teen die helfte minder as die markwaarde – nagenoeg N$5 miljoen – verkwansel.Tydens 'n besoek aan die koerant se kantoor gister het Maletzky egter voet by stuk gehou hy het die volste reg gehad om die huis van die hand te sit. Volgens hom het hy in Julie verlede jaar die volmag bekom om die huis namens Dias te verkoop.Dias sê egter dié dokument, waarvan 'n afskrif in Republikein se besit is en wat saamgestel is deur 'n plaaslike prokureur, mnr. Titus Mbaeva, is vervals. Maletzky ontken dit. Mbaeva het gistermiddag gesê hy is nie by magte om sonder toestemming kommentaar te lewer nie.“Maar,” vra Dias, “hoe kon ek volmag toestaan aan 'n man (Maletzky) wat ek in daardie stadium nie eens 'n jaar lank geken het nie om my huis te verkoop?”Hoofinspekteur Kauna Shikwambi van die polisie se skakelafdeling het by navraag gesê die strafregtelike klagte is op 7 Februarie aanhangig gemaak. Hoewel die saak aanvanklik deur die toerismebeskermingseenheid ondersoek is omdat Dias 'n buitelander is, word dit tans behartig deur die eenheid gemoeid met ondersoeke na kommersiële misdaad.Intussen het Dias se regsverteenwoordiger, mnr. Jorge Neves, bevestig hulle gaan vandag of môre die hoërhof nader om boubedrywighede by die huis stop te sit en die nuwe “eienaar” van die huis en huurders van die woonstel op die erf van die grond af te sit.Dias het gister vertel hy het in Desember 'n oproep uit Windhoek ontvang waartydens hy gevra is of hy sy huis hier verkoop het omdat daar op die perseel gebou word.Toe hy, sy 65-jarige vrou, Mawete, en hul dogter, Maria, uiteindelik op 4 Februarie in Windhoek aankom, het hulle hul huisraad op 'n hopie aangetref en die nuwe “eienaar” was reeds met omvattende bouwerk besig.Hulle het net die hoofhuis aan Maletzky verhuur en die woonstel en die motorhuis oop gehou vir wanneer hulle in Windhoek is.Volgens Maletzy het hy en 'n assistent op 1 Januarie vanjaar Luanda toe gevlieg om Dias se gedeelte van die koopsom, U$62 000 (sowat N$780 000 teen die destydse wisselkoers) in kontant, aan hom te oorhandig. Met hul aankoms by die lughawe het hy glo die geld aan 'n verteenwoordiger van Dias oorhandig omdat Dias nie daar was nie, en die ander man aangevoer het hy is gestuur om die geld te ontvang.Op 'n vraag oor hoe 'n mens soveel kontant aan iemand gee wat nie die regmatige eienaar is nie, sê Maletzky Dias het hom nooit agterna gebel om te sê die geld het hom nie bereik nie.Hy sê eweneens 'n aantyging dat hy aanhou huur betaal het selfs nadat die kooptransaksie afgehandel is, is onwaar. Volgens hom is die koop eers teen Desember verlede jaar deur en hy het toe ophou huur betaal. “Die huur het boonop niks met die verkoop te doen nie.”Buitendien, sê hy, die polisie het hom teen gistermiddag nog nie eens gekontak weens die klagte nie. “Dit sal geen probleem wees as die polisie my kontak nie.”Die adjunkdirekteur van die ACC, adv. Erna van der Merwe, het gesê sy sal vandag meer inligting verstrek.

N$2,5m se bedrogklag teen August Maletzky

Kommentaar

Republikein 2025-05-01

Meld asseblief aan om kommentaar te lewer

N$2,5m se bedrogklag teen August Maletzky

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie