N$2,5 miljard se vleis uitgevoer
Die landbousektor, en veral beesboerdery, speel ’n belangrike rol in die ekonomiese ontwikkeling van die land.
Die uitvoerverdienste van Namibië se grootste vleisverwerker vir die afgelope twee jaar is ’n bewys van die reusebydrae wat die boerderybedryf tot die land se ekonomie lewer.
Meatco het in dié tyd sowat N$2,5 miljard se vleis na markte in die buiteland uitgevoer.
Volgens Meatco toon syfers die voorlopige waarde van sy vleisuitvoere vir die 2016/2017-boekjaar beloop nagenoeg N$1 216 miljard. Dié finansiële jaar het op 31 Januarie geëindig en die geouditeerde syfers sal eers teen einde Maart beskikbaar wees, sê me. Neu-Nique Rittmann, senior korporatiewe kommunikasiebeampte by Meatco.
Sy sê die vleiskorporasie het in die 2015/2016-boekjaar N$1 285 540 566 se vleis na die buiteland uitgevoer.
“Boerdery, en meer spesifiek beesboerdery, is ’n belangrike en strategiese deel van Namibië se ekonomie,” sê sy.
“Die bedryf skep ’n inkomste vir boere wanneer hulle hul diere aan abattoirs verkoop. Die abattoir verdien weer ’n inkomste uit die uitvoer van vleisprodukte na Europa en ander markte, en plaas dit terug in ons produsente se sakke.
“Die uitbreiding van die boerderysektor sal ’n direkte impak hê deur werkloosheid te verminder. Dit sal gebeur weens die landbousektor se rol in die ekonomiese ontwikkeling van ’n land. Dié sektor het reeds ’n belangrike bydrae tot die ekonomiese vooruitsig van vooruitstrewende lande gemaak en die rol daarvan in ontwikkelende ekonomieë is van uiterste belang.”
Meatco het sy algehele produsenteprys vir verpakte gewig in 2015-’16 met 15c per kg verhoog in vergelyking met die vorige jaar.
Die gemiddelde produsenteprys vir 2015-’16 was N$29,98 per kg, teenoor die N$29,83 vir die 2014-’15-boekjaar. Dit het tot uitbetalings van N$849 483 330, of sowat 62,35% van sy opbrengs uit beesvleis, aan produsente gelei.
Die pryse is egter nie net deur marktendense in Suider-Afrika gedryf nie. Die totale premie wat bo die Suid-Afrikaanse prys betaal is, was N$61,03 miljoen. Dit verteenwoordig N$2,27 per kg, met die meerderheid van die premies wat aan boere betaal is wat natuurlik geproduseerde B- en C-graad beeste gelewer het (N$3,21 en N$1,93 onderskeidelik).
“Deur tot die ekonomie by te dra, skep die landbousektor nie net werk vir plaaswerkers nie, maar ook vir organisasies soos Meatco en ander bedrywe in die voorsieningsketting. Die groei van dié sektor is van belang vir die nasie, die ontwikkeling van vaardighede vir nuwe boere en om die uitset van Namibiese boere te vermeerder.”
Meatco sê dit is belangrik dat boere, veral dié in die kommunale gebiede, voortdurend daarna streef om die gehalte van diere te verbeter sodat vleisproduksie kan verhoog.
Hoe lyk die slagstatistiek?
“As ons na 2016 se statistieke tot en met Oktober kyk, is Meatco bekommerd oor die toename in die hoeveelheid koeie en verse wat geslag is. Hierdie neiging kan die nasionale kudde benadeel en kan hoofsaaklik toegeskryf word aan die feit dat produsente hul kuddes moes verklein om by die beskikbare weiding aan te pas en om plek te maak vir speenkalwers wat nie meer op die hoef uitgevoer kon word nie.”
In Oktober 2016 het Meatco 3 252 méér beeste geslag as waarvoor begroot was. Dit kan toegeskryf word aan die droogte wat boere gedwing het om hul beeste te slag voor die diere se toestand te veel verswak het.
Ouderdom
Die statistiek vir die periode Januarie tot Oktober 2016 wys dat 16% van die totale aantal beeste wat aan Meatco gelewer is, A-graad diere was. AB-graad diere het 18% opgemaak, B-graad diere 37% en C-graad diere 28%.
In vergelyking met die vorige jaar het die aantal A- en AB-grade met 7% gedaal. Die B-grade het met 3% toegeneem terwyl C-grade met 9% toegeneem het.
In vergelyking met dieselfde tyd in 2015, het beesgetalle met 18 096 afgeneem. Meatco het teen die einde van Oktober slegs 78 834 diere geslag terwyl hy tussen Januarie en Oktober 2015 altesaam 96 930 diere geslag het.
Vetgraad
In terme van die vetverspreiding was daar vanjaar ’n toename van 1% in 0-graad diere vanaf 9% in 2015 tot 10% in 2016. Die 1-graad diere het van 22% tot 24% vermeerder, terwyl die 2- tot 4-graad diere van 68% tot 65% afgeneem het. Die 5- en 6-graad diere het konstant op 1% gebly.
Geslag
Die droogte en streng regulasies vir uitvoere het daartoe gelei dat meer koeie en verse as in 2015 gelewer is. Die aantal koeie wat by Meatco geslag is, het van 15% in 2015 tot 22% in 2016 vermeerder, terwyl die hoeveelheid verse van 13% in 2015 tot 14% in 2016 toegeneem het.
Produsenteprys
Ondanks 2016 se uitdagings was daar ’n verbetering in produsentepryse. Die gemiddelde gewig van A-graad diere was 220,25 kg en die gemiddelde produsenteprys wat vir A-graad diere betaal is, was N$33,90. In 2015 was die gemiddelde gewig 213,79 kg en die gemiddelde produsenteprys N$31,82.
AB-graad diere se gemiddelde gewig in 2015 was 225,59 kg en die gemiddelde produsenteprys was N$29,02. In 2016 het beide verbeter tot ? gemiddelde gewig van 235,99 kg en ’n gemiddelde produsenteprys van N$31,66.
B-grade se gemiddelde gewig het met 3,21 kg toegeneem van 241,31 kg in 2015, tot 244,52 kg in 2016. Die gemiddelde produsenteprys vir B-grade het ook met N$2,73 toegeneem van N$27,03 in 2015, tot N$29,76 in 2016.
Die C-graad diere se gemiddelde gewig het van 242,14 kg in 2015 afgeneem tot 235,19 kg in 2016, maar die gemiddelde produsenteprys vir C-graad diere het met N$2,21 van N$23,07 tot N$25,28 toegeneem.
Die gemiddelde produsenteprys het vanjaar met N$1,73 van N$27,75 tot N$29,48 verbeter. Die gemiddelde gewig vir die betrokke periode, het met 5,1 kg van 231,28 kg in 2015, tot 236,38 kg in 2016 toegeneem.
Meatco sê hy gebruik die statistieke wat slagbesonderhede soos ouderdom, vetgraad, geslag, produsenteprys en graadverspreiding aandui, om vir die volgende jaar te beplan.
“Hierdie statistieke is nodig om voortdurend bekostigbaarheid, buigbaarheid, doeltreffendheid en aanpasbaarheid te verseker,” sê Meatco.
Brexit se uitwerking op Meatco
Oor die bemarkingsjaar wat voorlê, sê Meatco die Verenigde Koninkryk is een van die mees kritieke markte vir sy sukses aangesien sowat 18% van die maatskappy se opbrengs per jaar daaruit verdien word.
Daarom is sekere aanpassings gemaak uit vrees vir die impak van Brexit op dié vleisuitvoere.
Meatco het egter die hoeveelheid produk wat aan die Verenigde Koninkryk gelewer word, met 20% verminder weens die lae opbrengs wat dié mark teenoor die ander twee internasionale markte (Noorweë en die Europese Unie) verdien word. As gevolg hiervan sal die Brexit-skuif vir ten minste die volgende twee jaar nie ’n beduidende uitwerking op Meatco se sake hê nie.
Sodra die Verenigde Koninkryk die Europese Unie (EU) verlaat, sal dit waarskynlik sy eie handelsooreenkomste en beleid formuleer wat die huidige Ekonomiese Vennootskapooreenkoms (EPA) en ander handelsooreenkomste tussen Namibië en die Verenigde Koninkryk kan raak. Tariewe kan moontlik op invoerprodukte ingestel word, wat tot verlaagde opbrengs in hierdie mark kan lei.
Meatco se strategie om volumes in hierdie mark te verminder, sal vir die volgende twee jaar voortgaan, sê die maatskappy.“Dit sal ons in die posisie stel om produkte in ander markte te plaas wat dan sal verseker dat Brexit geen, of net ’n minimale impak, op Meatco het.”
Meatco het in dié tyd sowat N$2,5 miljard se vleis na markte in die buiteland uitgevoer.
Volgens Meatco toon syfers die voorlopige waarde van sy vleisuitvoere vir die 2016/2017-boekjaar beloop nagenoeg N$1 216 miljard. Dié finansiële jaar het op 31 Januarie geëindig en die geouditeerde syfers sal eers teen einde Maart beskikbaar wees, sê me. Neu-Nique Rittmann, senior korporatiewe kommunikasiebeampte by Meatco.
Sy sê die vleiskorporasie het in die 2015/2016-boekjaar N$1 285 540 566 se vleis na die buiteland uitgevoer.
“Boerdery, en meer spesifiek beesboerdery, is ’n belangrike en strategiese deel van Namibië se ekonomie,” sê sy.
“Die bedryf skep ’n inkomste vir boere wanneer hulle hul diere aan abattoirs verkoop. Die abattoir verdien weer ’n inkomste uit die uitvoer van vleisprodukte na Europa en ander markte, en plaas dit terug in ons produsente se sakke.
“Die uitbreiding van die boerderysektor sal ’n direkte impak hê deur werkloosheid te verminder. Dit sal gebeur weens die landbousektor se rol in die ekonomiese ontwikkeling van ’n land. Dié sektor het reeds ’n belangrike bydrae tot die ekonomiese vooruitsig van vooruitstrewende lande gemaak en die rol daarvan in ontwikkelende ekonomieë is van uiterste belang.”
Meatco het sy algehele produsenteprys vir verpakte gewig in 2015-’16 met 15c per kg verhoog in vergelyking met die vorige jaar.
Die gemiddelde produsenteprys vir 2015-’16 was N$29,98 per kg, teenoor die N$29,83 vir die 2014-’15-boekjaar. Dit het tot uitbetalings van N$849 483 330, of sowat 62,35% van sy opbrengs uit beesvleis, aan produsente gelei.
Die pryse is egter nie net deur marktendense in Suider-Afrika gedryf nie. Die totale premie wat bo die Suid-Afrikaanse prys betaal is, was N$61,03 miljoen. Dit verteenwoordig N$2,27 per kg, met die meerderheid van die premies wat aan boere betaal is wat natuurlik geproduseerde B- en C-graad beeste gelewer het (N$3,21 en N$1,93 onderskeidelik).
“Deur tot die ekonomie by te dra, skep die landbousektor nie net werk vir plaaswerkers nie, maar ook vir organisasies soos Meatco en ander bedrywe in die voorsieningsketting. Die groei van dié sektor is van belang vir die nasie, die ontwikkeling van vaardighede vir nuwe boere en om die uitset van Namibiese boere te vermeerder.”
Meatco sê dit is belangrik dat boere, veral dié in die kommunale gebiede, voortdurend daarna streef om die gehalte van diere te verbeter sodat vleisproduksie kan verhoog.
Hoe lyk die slagstatistiek?
“As ons na 2016 se statistieke tot en met Oktober kyk, is Meatco bekommerd oor die toename in die hoeveelheid koeie en verse wat geslag is. Hierdie neiging kan die nasionale kudde benadeel en kan hoofsaaklik toegeskryf word aan die feit dat produsente hul kuddes moes verklein om by die beskikbare weiding aan te pas en om plek te maak vir speenkalwers wat nie meer op die hoef uitgevoer kon word nie.”
In Oktober 2016 het Meatco 3 252 méér beeste geslag as waarvoor begroot was. Dit kan toegeskryf word aan die droogte wat boere gedwing het om hul beeste te slag voor die diere se toestand te veel verswak het.
Ouderdom
Die statistiek vir die periode Januarie tot Oktober 2016 wys dat 16% van die totale aantal beeste wat aan Meatco gelewer is, A-graad diere was. AB-graad diere het 18% opgemaak, B-graad diere 37% en C-graad diere 28%.
In vergelyking met die vorige jaar het die aantal A- en AB-grade met 7% gedaal. Die B-grade het met 3% toegeneem terwyl C-grade met 9% toegeneem het.
In vergelyking met dieselfde tyd in 2015, het beesgetalle met 18 096 afgeneem. Meatco het teen die einde van Oktober slegs 78 834 diere geslag terwyl hy tussen Januarie en Oktober 2015 altesaam 96 930 diere geslag het.
Vetgraad
In terme van die vetverspreiding was daar vanjaar ’n toename van 1% in 0-graad diere vanaf 9% in 2015 tot 10% in 2016. Die 1-graad diere het van 22% tot 24% vermeerder, terwyl die 2- tot 4-graad diere van 68% tot 65% afgeneem het. Die 5- en 6-graad diere het konstant op 1% gebly.
Geslag
Die droogte en streng regulasies vir uitvoere het daartoe gelei dat meer koeie en verse as in 2015 gelewer is. Die aantal koeie wat by Meatco geslag is, het van 15% in 2015 tot 22% in 2016 vermeerder, terwyl die hoeveelheid verse van 13% in 2015 tot 14% in 2016 toegeneem het.
Produsenteprys
Ondanks 2016 se uitdagings was daar ’n verbetering in produsentepryse. Die gemiddelde gewig van A-graad diere was 220,25 kg en die gemiddelde produsenteprys wat vir A-graad diere betaal is, was N$33,90. In 2015 was die gemiddelde gewig 213,79 kg en die gemiddelde produsenteprys N$31,82.
AB-graad diere se gemiddelde gewig in 2015 was 225,59 kg en die gemiddelde produsenteprys was N$29,02. In 2016 het beide verbeter tot ? gemiddelde gewig van 235,99 kg en ’n gemiddelde produsenteprys van N$31,66.
B-grade se gemiddelde gewig het met 3,21 kg toegeneem van 241,31 kg in 2015, tot 244,52 kg in 2016. Die gemiddelde produsenteprys vir B-grade het ook met N$2,73 toegeneem van N$27,03 in 2015, tot N$29,76 in 2016.
Die C-graad diere se gemiddelde gewig het van 242,14 kg in 2015 afgeneem tot 235,19 kg in 2016, maar die gemiddelde produsenteprys vir C-graad diere het met N$2,21 van N$23,07 tot N$25,28 toegeneem.
Die gemiddelde produsenteprys het vanjaar met N$1,73 van N$27,75 tot N$29,48 verbeter. Die gemiddelde gewig vir die betrokke periode, het met 5,1 kg van 231,28 kg in 2015, tot 236,38 kg in 2016 toegeneem.
Meatco sê hy gebruik die statistieke wat slagbesonderhede soos ouderdom, vetgraad, geslag, produsenteprys en graadverspreiding aandui, om vir die volgende jaar te beplan.
“Hierdie statistieke is nodig om voortdurend bekostigbaarheid, buigbaarheid, doeltreffendheid en aanpasbaarheid te verseker,” sê Meatco.
Brexit se uitwerking op Meatco
Oor die bemarkingsjaar wat voorlê, sê Meatco die Verenigde Koninkryk is een van die mees kritieke markte vir sy sukses aangesien sowat 18% van die maatskappy se opbrengs per jaar daaruit verdien word.
Daarom is sekere aanpassings gemaak uit vrees vir die impak van Brexit op dié vleisuitvoere.
Meatco het egter die hoeveelheid produk wat aan die Verenigde Koninkryk gelewer word, met 20% verminder weens die lae opbrengs wat dié mark teenoor die ander twee internasionale markte (Noorweë en die Europese Unie) verdien word. As gevolg hiervan sal die Brexit-skuif vir ten minste die volgende twee jaar nie ’n beduidende uitwerking op Meatco se sake hê nie.
Sodra die Verenigde Koninkryk die Europese Unie (EU) verlaat, sal dit waarskynlik sy eie handelsooreenkomste en beleid formuleer wat die huidige Ekonomiese Vennootskapooreenkoms (EPA) en ander handelsooreenkomste tussen Namibië en die Verenigde Koninkryk kan raak. Tariewe kan moontlik op invoerprodukte ingestel word, wat tot verlaagde opbrengs in hierdie mark kan lei.
Meatco se strategie om volumes in hierdie mark te verminder, sal vir die volgende twee jaar voortgaan, sê die maatskappy.“Dit sal ons in die posisie stel om produkte in ander markte te plaas wat dan sal verseker dat Brexit geen, of net ’n minimale impak, op Meatco het.”
Kommentaar
Republikein
Geen kommentaar is op hierdie artikel gelaat nie