N$230 miljoen huislenings opgeroep

Augetto Graig – Die handelsbanke in Namibië het teen die middel van 2021 huislenings ter waarde N$230 miljoen opgeroep as ’n regstreekse gevolg van die ekonomiese impak van Covid-19.Teen ’n gemiddelde huisprys van N$2 miljoen sou dit beteken sowat 115 huisgesinne se huise is afgevat.Dié inligting is vervat in die nuutste verklaring deur die Vereniging van Handelsbanke (BAN) en kom uit ontledings gedoen deur die sentrale Bank van Namibië (BoN).Die bankiersverslag wys op die langdurige nagevolge van die 2020 inkrimping (-8,5%) van die ekonomie, en die druk wat die pandemie op Namibiese besighede en lewensbestaan plaas – ’n tol wat gesien word in die verlies van broodwenners, in afleggings, sluiting van besighede en ’n algemene toename in lenings wat nie verhaal kan word nie, in terme van residensiële en kommersiële eiendom asook ander batefinansiering, sê hulle.BAN haal die BoN se verslag vir die kwartaal tot September 2021 aan dat die totale waarde van lenings wat nie terugbetaal kon word nie tot meer as N$7,2 miljard geklim het, in vergelyking met N$6,6 miljard teen 30 September 2020.Die verhouding van onverhaalbare lenings het tot 6,9% gestyg, terwyl agterstallige lenings tot 12,4% geklim het in vergelyking met 9,8% die vorige jaar.Volgens die vereniging is dit nie tot voordeel van die handelsbanke om ’n huislening op te roep nie, omdat huisverkope deur die regstelsel jare kan duur en die banke intussen die finansiële las van die betrokke eiendom moet dra. Sedert die toepassing van hoërhofreël 108 is dit nog moeiliker om ’n huis of woonstel te verkoop indien dit die inwoners se primêre woning is, volgens BAN.Die vereniging sê handelsbanke het die impak van Covid-19 op die ekonomie probeer versag deur aansoeke vir tydelike opskorting van terugbetalings ter waarde meer as N$11 miljard goed te keur.– augetto@republikein.com.naFOTO verskafMnr. Brian Katjaerua is die uitvoerende hoof van die vereniging van handelsbanke (BAN).

N$230 miljoen huislenings opgeroep

Kommentaar

Republikein 2025-05-01

Meld asseblief aan om kommentaar te lewer

N$230 miljoen huislenings opgeroep

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie