N$1,5 miljard vir een jaar se salarisse

CoW melk belastingbetaler

09 September 2019 | Regering
Denver Kisting – Vir die 2019-’20-boekjaar gaan die belastingbetaler meer as N$1,5 miljard vir die Windhoekse stadsraad (CoW) se salarispakkette moet opdok.

Dit beteken CoW se maandelikse salarisrekening beloop nagenoeg N$129 miljoen.

Vir die huidige finansiële jaar beloop die verwagte bedryfsverlies N$494,6 miljoen.

Die afdeling: infrastruktuur, water en tegniese dienste is die grootste salaristrekker – N$316 miljoen per jaar – met die stadspolisie kort op hul hakke met N$309 miljoen per jaar.

Ondanks die huidige werklikheid dring die Staatdienswerkersvakbond (Napwu) aan op ’n 15%-salarisverhoging terugwerkend tot 1 Julie.

Dit is ongeveer vyf keer meer as die huidige inflasiekoers van 3,6%.

Mnr. O’brien Hekandjo, hoof van CoW se elektrisiteitsdepartement, het Vrydag toe hy as uitvoerende hoof waargeneem het, gesê loononderhandelings begin môre.

Al wat hy in dié stadium kan bevestig, is dat die bedryfsbegroting in sy geheel met 5% toegeneem het, het Hekandjo gesê.

Hy sê CoW probeer alles in sy vermoë om sy uitgawes binne perke te handhaaf.

Mnr. Samuel Mutonga, waarnemende strategiese hoof van finansies en kliëntediens, sê die jongste tariefaanpassings bring ’n verhoging van 8%, 10% en 11% vir huishoudings van Katutura, Doradopark en Olympia onderskeidelik teweeg sónder die kosteimplikasies van water en krag.

Dié uitgawes word volgens verbruik aangeslaan.

“Die gemiddelde word bereken geskoei op die totaal van heffings en belastings, vullisverwydering en rioolbestuur van die steekproefhuishoudings. Dit moet egter in gedagte gehou word bogenoemde mag verskil afhangend van die eiendomwaardering,” het hy gesê.

Die plaaslike owerheid het tans 2 006 werknemers.

Ofskoon verskillende salarisskale geld, kom die huidige besteding aan salarispakkette op ongeveer N$65 000 per persoon per maand neer.

Advertensies by die duisende

Advertensies vir die kantoor van die uitvoerende hoof sal na verwagting N$880 000 in die huidige boekjaar beloop – N$80 000 minder as die N$800 000 wat vir geleentheidsbestuur en –beplanning begroot is.

Die bestuur van verandering en die meegaande beleidsontwikkeling vir die kantoor van die uitvoerende hoof alleen sal die belastingbetaler na verwagting N$2,25 miljoen kos, terwyl CoW N$1,47 miljoen vir beraadslaging vir dié kantoor begroot het.

’n Halfmiljoen is begroot vir “plaaslike samewerking en interne betrekkinge” teenoor die N$150 000 vir die kantoor se korporatiewe maatskaplike verantwoordelikheid.

N$5,4 miljoen is vir dié kantoor se regsonkostes begroot, terwyl CoW beplan om N$450 000 aan verversings vir die uitvoerende hoof se kantoor te bestee.

Sonder die tersaaklike uitgawe vir opleiding is N$1,4 miljoen vir reis en verblyf vir dié kantoor vir die jaar begroot.

Stadspolisie jaag uitgawes op

Om hul werksaamhede te verrig, word meer as N$3 miljoen vir die huidige boekjaar vir die stadspolisie se brandstofverbruik begroot.

Eweneens verwag die stadspolisie om N$3,4 miljoen te bestee aan die instandhouding van voertuie, terwyl die belastingbetaler nagenoeg N$1,1 miljoen vir padtekens en straatnaamborde se herstel en instandhouding moet opdok.

Uit hondelisensies hoop die stadspolisie om N$22 800 te in, terwyl hulle daarvoor mik om N$8,5 miljoen uit verkeersboetes te verdien en boetes weens oortredings wat met munisipale wette verband hou.

[email protected]

Soortgelyk

 

Okahandja-kleinhoewe oorstroom weer

7 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

7 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

7 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

7 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

7 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

7 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...

PDM, ECN hof toe gesleep

7 ure gelede | Politiek

Denver Kisting – Mnr. Norman Tjombe, die Windhoekse prokureur wat vier ontstoke Popular Democratic Movement (PDM)-lede verteenwoordig, het gister bevestig hulle gaan hof toe.Alle aanduidinge...

Volksmoorduitstalling veroorsaak onmin

7 ure gelede |

Jemima Beukes - Die bekendstelling van ’n Ovaherero- en Nama-volksmoorduitstalling getiteld “Learning from the past” is vir ‘n tweede keer uitgestel te midde van bewerings...

Etosha-heining: ‘Sny middelman uit'

7 ure gelede | Omgewing

Francoise Steynberg - Die ministerie van die omgewing en toerisme gaan baie geld spaar deur die middelman uit te sny met die opgradering van die...