N$140 m. vir klimaatsimpak in Kunene
Die eerste minister het Namibië se toewyding aan die wêreld en die streek se klimaatsveranderingsdoelwitte bevestig.
Francoise Steynberg - Namibië se Omgewingsbeleggingsfonds (EIF) het N$140 miljoen van die Groen Klimaatsfonds (GCF) ontvang om klimaatsverandering in die Kunenestreek te takel.
EIF se uitvoerende hoof, mnr. Benedict Libanda, het die ooreenkoms by die 24ste Konferensie van Partye van die Verenigde Nasies (VN) se Klimaatsberaad (COP24) in Katowice, Pole, onderteken.
Die eerste minister, me. Saara Kuugongelwa-Amadhila, die minister van die omgewing en toerisme, mnr. Pohamba Shifeta, en die adjunkminister van internasionale betrekkinge en samewerking, me. Christine Hoebes, was ook tydens die ondertekening van die ooreenkoms teenwoordig.
Kuugongelwa-Amadhila het Namibië se toewyding aan die wêreld en die streek se klimaatsveranderingsdoelwitte bevestig.
Sy het gesê die Kunenestreek is een van die droogste gebiede in Afrika suid van die Sahara waar gemeenskappe die impak van klimaatsverandering die ergste ervaar.
"Hierdie vyfjaarprojek sal die kleinboere in die Kunenestreek ondersteun om vroeë waarskuwingstelsels te ontwikkel en gereelde droogterisiko's te verminder," het die eerste minister gesê.
Mnr. Andreas Biermann, adjunkdirekteur van die GCF, het die EIF vir hul uitstaande leierskap in Afrika en vir die ontwerp en implementering van klimaat-aksieprojekte geloof.
Dit is die derde projek van die EIF wat deur die GCF goedgekeur is.
"Die EIF is een van die klimaatsveranderingsagentskappe wat die beste in die wêreld bestuur word. Dit word bewys deur hul doeltreffendheid in die finansiering van klimaatsverandering," het hy gesê.
"Die kabinet het, ter ondersteuning van die bepalings van ons Grondwet wat volhoubare ontwikkeling bevorder, besluit om 30% van alle omgewingsbelasting, wat van moontlike besoedelende produkte ingesamel word, aan die EIF toe te ken, om projekte en programme vir klimaatsverandering te finansier," het Kuugongelwa-Amadhila gesê.
“Ons is in die moeilikheid. Ons is diep in die moeilikheid met klimaatsverandering,” het mnr. António Guterres, die VN se sekretaris-generaal, by die amptelike opening van COP24 gesê.
"Die hoeveelheid koolstofdioksied in die atmosfeer is die hoogste in drie miljoen jaar en die konsentrasie kweekhuisgasse neem toe."
Volgens die Wêreld- Meteorologiese Organisasie (WMO) se onlangse verklaring is die 20 warmste jare wat al aangeteken is in die afgelope 22 jaar.
Die afgelope vier jaar was die warmste sedert 1996.
EIF se uitvoerende hoof, mnr. Benedict Libanda, het die ooreenkoms by die 24ste Konferensie van Partye van die Verenigde Nasies (VN) se Klimaatsberaad (COP24) in Katowice, Pole, onderteken.
Die eerste minister, me. Saara Kuugongelwa-Amadhila, die minister van die omgewing en toerisme, mnr. Pohamba Shifeta, en die adjunkminister van internasionale betrekkinge en samewerking, me. Christine Hoebes, was ook tydens die ondertekening van die ooreenkoms teenwoordig.
Kuugongelwa-Amadhila het Namibië se toewyding aan die wêreld en die streek se klimaatsveranderingsdoelwitte bevestig.
Sy het gesê die Kunenestreek is een van die droogste gebiede in Afrika suid van die Sahara waar gemeenskappe die impak van klimaatsverandering die ergste ervaar.
"Hierdie vyfjaarprojek sal die kleinboere in die Kunenestreek ondersteun om vroeë waarskuwingstelsels te ontwikkel en gereelde droogterisiko's te verminder," het die eerste minister gesê.
Mnr. Andreas Biermann, adjunkdirekteur van die GCF, het die EIF vir hul uitstaande leierskap in Afrika en vir die ontwerp en implementering van klimaat-aksieprojekte geloof.
Dit is die derde projek van die EIF wat deur die GCF goedgekeur is.
"Die EIF is een van die klimaatsveranderingsagentskappe wat die beste in die wêreld bestuur word. Dit word bewys deur hul doeltreffendheid in die finansiering van klimaatsverandering," het hy gesê.
"Die kabinet het, ter ondersteuning van die bepalings van ons Grondwet wat volhoubare ontwikkeling bevorder, besluit om 30% van alle omgewingsbelasting, wat van moontlike besoedelende produkte ingesamel word, aan die EIF toe te ken, om projekte en programme vir klimaatsverandering te finansier," het Kuugongelwa-Amadhila gesê.
“Ons is in die moeilikheid. Ons is diep in die moeilikheid met klimaatsverandering,” het mnr. António Guterres, die VN se sekretaris-generaal, by die amptelike opening van COP24 gesê.
"Die hoeveelheid koolstofdioksied in die atmosfeer is die hoogste in drie miljoen jaar en die konsentrasie kweekhuisgasse neem toe."
Volgens die Wêreld- Meteorologiese Organisasie (WMO) se onlangse verklaring is die 20 warmste jare wat al aangeteken is in die afgelope 22 jaar.
Die afgelope vier jaar was die warmste sedert 1996.
Kommentaar
Republikein
Geen kommentaar is op hierdie artikel gelaat nie