N$1,3 miljard kort vir Neckartal

Ronelle Rademeyer - Die tesourie sal vanjaar 'n haas uit die hoed moet pluk om die Italiaanse konstruksiereus Salini S.p.A. vir die afhandeling van die bouwerk aan die Neckartaldam by Keetmanshoop te betaal.Die ministerie van landbou, water en bosbou het in die huidige boekjaar sowat N$1,3 miljard te min daarvoor begroot. N$414,6 miljoen is in die 2017-'18-boekjaar vir die dam opsy gesit, terwyl N$1,7 miljard nodig is om die werk te voltooi. Dit beteken die ministerie kom sowat N$1,285 miljard op sy begroting tekort.Hierdie syfers het aan die lig gekom toe mnr. John Mutorwa, minister van landbou, water en bosbou, vroeër sy ministerie se begrotingspos in die Nasionale Vergadering (NV) gemotiveer het.Mnr. Abraham Nehemia, adjunk permanente sekretaris van water en bosbou in dié ministerie, sê die dam moet in Desember voltooi wees. “Die kontruksie moet afgehandel wees. In Januarie en Februarie volgende jaar sal daar net nog opruimingswerk en rehabilitering van die terrein gedoen word.”Hy het Vrydag in 'n onderhoud aan Republikein erken daar is ver onderbegroot en gesê die ministerie hoop die minister van finansies sal tydens die begrotingshersiening later vanjaar deur middel van 'n hertoedeling die geld daarvoor vind.Op die vraag oor wat tot die onderbegroting gelei het, het hy gesê weens die fiskale konsolidering moet oral besnoei word. Nehemia het gesê hy is vol vertroue dat die geld later vanjaar tydens die begrotingshersiening beskikbaar gestel sal word.Mnr. Calle Schlettwein, minister van finansies, sê die fiskus betaal waarvoor begroot is. “My ministerie maak voorsiening vir die bedrag waarvoor die verantwoordelike ministerie begroot het.”Hy sê wanneer daar onderbegroot word op projekte, veroorsaak dit ernstige probleme in die nasionale begroting.Die begroting is egter nie dié ministerie se enigste kopseer sover dit die dam betref nie.DispuutDie ministerie was ook met Salini in 'n dispuut gewikkel oor wanneer die projek 'n aanvang geneem het, asook oor die risiko van wisselkoersskommelinge.Die konstruksietender, waarvan die toekenning destyds in groot omstredenheid gehul was, is in 2013 deur 'n hofbevel tersyde gestel. Dit is later egter weer aan Salini toegeken.Dié internasionale kontrakteur het geweier om die tweede toekenningsdatum as die aanvangsdatum vir die projek te aanvaar en gëeis dat die eerste datum geld.Nehemia sê 'n arbitrasiekomitee is aangestel om oor die kwessie te beslis. Hy wou egter nie sê wat die beslissing behels het nie, aangesien hy “nie verdere spanning tussen die kontrakteur en die ministerie wil veroorsaak nie”.“Die kwessie is afgehandel. Al wat nou belangrik is, is dat die dam voltooi word,” het hy gesê.Salini het verlede week weer bouwerk aan die dam hervat nadat die werk die vorige week gestaak is weens 'n uitstaande betaling van N$180 miljoen deur die ministerie.Schlettwein het Woensdag in die NV gesê ondanks voorsiening wat in die nasionale begroting vir die betaling van die staat se agterstallige rekeninge gemaak is, is dit steeds onderhewig aan die kontantvloei van die staatskas.Estelle de Bruyn van Republikein se politieke redaksie berig hy het op 'n mondelinge vraag van die leier van die amptelike opposisie, mnr. McHenry Venaani, oor die wanbetaling van kontrakteurs geantwoord.Schlettwein het gesê wat die Neckertaldam betref, is daar heelwat kwessies wat tot 'n dispuut tussen die regering en die kontrakteurs gelei het. “Daar is heelwat kwessies en ek kan nie regtig nou reguit hierop antwoord nie. Al die ander agterstallige betalings sal gedoen word, afhangende van die beskikbare kontantvloei,” het hy gesê.

N$1,3 miljard kort vir Neckartal

Kommentaar

Republikein 2026-06-11

Meld asseblief aan om kommentaar te lewer

N$1,3 miljard kort vir Neckartal

Kommentaar

Republikein 2026-06-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.