N$100 miljoen aan reiskoste gespaar

Covid-19 beperk regeringstogte

16 September 2020 | Regering
Ogone Tlhage – Die reisbeperking van hooggeplaaste regeringsamptenare as gevolg van die Covid-19-inperking het die land vanjaar sowat N$101 miljoen in reiskoste gespaar.

Pres. Hage Geingob en ander regeringsamptenare het sedert Maart reise vanuit Namibië beperk ter nakoming van wêreldwye inperkings om die verspreiding van die coronavirus te bekamp.

Geingob het in Februarie vanjaar aangekondig dat hy tot Junie geen internasionale reise sou onderneem nie. Hy het sy ministeries aangemoedig om nie internasionaal te reis nie, tensy dit noodsaaklik en in die land se beste belang is.

In die begroting was N$222 miljoen uitgesit vir die regering, insluitend die president, se reiskoste. Tot hede is N$15.8 miljoen hiervan bestee. Dit is slegs 7.1% van die bedrag waarvoor begroot is.

“Die geld wat in hierdie tydperk bestee is, was vir binnelandse reise gebruik. Die reise was hoofsaaklik vir Covid-19-verwante missies,” het die woordvoerder van die ministerie van finansies, mnr. Tonateni Shidhudhu, gesê.

Volgens inligting verskaf deur die ministerie van finansies, het die regering gedurende dieselfde tydperk verlede jaar N$116 miljoen van die toegekende begrotingsbalans van N$263 miljoen bestee.



GEINGOB SE TERSAAKLIKE REISE

Die staatshoof se reise is in 2018 deur The Namibian uiteengesit. Die dagblad het vasgestel dat Geingob sedert sy aanstelling in 2015 reeds sowat 15 lande besoek het.

Hy het onder meer China, Kenia, Mauritius, Kanada, Brittanje, Angola, Malawi, Nigerië, Ethiopië en Portugal besoek.

Aan die einde van 2018 het Geingob byna N$850 000 in reistoelaag ontvang.

Volgens Geingob is dié reise nood­saaklik en 'n belangrike deel van sy aanstelling.

“Op my ouderdom is dit nie aldag lekker om te reis nie. Die privaatstraler maak dit egter veel geriefliker.”

[email protected]

Soortgelyk

 

Air Namibia hervat op 28 Oktober vlugte na SA

6 ure gelede | Vervoer

Die nasionale redery het vanmiddag aangekondig hy hervat op 28 Oktober vlugte vanaf Windhoek na Johannesburg en Kaapstad.Die redery sal nie soos in die verlede...

77 leerlinge van dieselfde skool toets binne vier dae...

7 ure gelede | Gesondheid

Nog agt leerlinge van die senior sekondêre skool Oshakati het positief vir Covid-19 getoets wat die totaal leerlinge van die skool wat positief getoets het...

Geingob sê oor Covid-19-weg vorentoe

9 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Covid-19: Aankondiging kom oor pad vorentoe

11 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Geingob onder skoot oor ‘wit’ opmerkings

23 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

23 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

23 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

23 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

23 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...