‘n Wetsvraag oor mediese beroepe
WONDER MAAR NET SKRYF:
Groot prominensie word deesdae in die pers verleen aan en gewag gemaak van die werksaamhede van die “Health Professionals Councils of Namibia” (die HPCNA) asof hulle die mag of reg het of sou hê om te waak oor gesondheidstandaarde in Namibië.
‘n Vraag wat egter met reg gevra kan word, is waar die HPCNA sy bestaansreg en magte (bevoegdhede), funksies en pligte verkry en of die HPCNA inderdaad ‘n owerheidsliggaam is wat sekere magte, bevoegdhede, funksies en pligte het of mag verrig in die juridiese sfeer in Namibië.
Die mees basiese vorm van die “rule of law” is dat niemand verhewe bo die reg is nie. Toegepas op owerheidsliggame ingestel deur wet, beteken dit dat die betrokke liggaam slegs dit mag doen wat die liggaam deur die betrokke wet gemagtig is om te doen.
Ek kry geen wet (en is ook nie op enige sodanige wet gewys nie) wat die HPCNA skep of instel en daaraan sekere magte, bevoegdhede, funksies en pligte verleen nie.
Die mag of reg om te waak oor gesondheidstandaarde van die verskillende gesondheidsberoepe in Namibië berus by die verskillende rade self, naamlik die “Social Work and Psychology Council of Namibia”, die “Allied Health Professions Council of Namibia”, die “Nursing Council of Namibia”, die “Pharmacy Council of Namibia” en die “Medical and Dental Council of Namibia”, ingestel deur die onderskeie wette uitgevaardig in 2004, en nie by die HPCNA oorhoofs nie.
Die vyf betrokke rade moes ‘n gesamentlike registrateur aanstel om die werk van registrateur in die onderskeie wette ten opsigte van elke betrokke raad te verrig. Indien die registrateur namens ‘n betrokke gesondheidsberoep optree, tree hy of sy op as registrateur van die raad van die betrokke beroep (bv. in die geval van die aptekersberoep en die Aptekersraad as registrateur van daardie raad) en nie as registrateur van die HPCNA nie.
Groot prominensie word deesdae in die pers verleen aan en gewag gemaak van die werksaamhede van die “Health Professionals Councils of Namibia” (die HPCNA) asof hulle die mag of reg het of sou hê om te waak oor gesondheidstandaarde in Namibië.
‘n Vraag wat egter met reg gevra kan word, is waar die HPCNA sy bestaansreg en magte (bevoegdhede), funksies en pligte verkry en of die HPCNA inderdaad ‘n owerheidsliggaam is wat sekere magte, bevoegdhede, funksies en pligte het of mag verrig in die juridiese sfeer in Namibië.
Die mees basiese vorm van die “rule of law” is dat niemand verhewe bo die reg is nie. Toegepas op owerheidsliggame ingestel deur wet, beteken dit dat die betrokke liggaam slegs dit mag doen wat die liggaam deur die betrokke wet gemagtig is om te doen.
Ek kry geen wet (en is ook nie op enige sodanige wet gewys nie) wat die HPCNA skep of instel en daaraan sekere magte, bevoegdhede, funksies en pligte verleen nie.
Die mag of reg om te waak oor gesondheidstandaarde van die verskillende gesondheidsberoepe in Namibië berus by die verskillende rade self, naamlik die “Social Work and Psychology Council of Namibia”, die “Allied Health Professions Council of Namibia”, die “Nursing Council of Namibia”, die “Pharmacy Council of Namibia” en die “Medical and Dental Council of Namibia”, ingestel deur die onderskeie wette uitgevaardig in 2004, en nie by die HPCNA oorhoofs nie.
Die vyf betrokke rade moes ‘n gesamentlike registrateur aanstel om die werk van registrateur in die onderskeie wette ten opsigte van elke betrokke raad te verrig. Indien die registrateur namens ‘n betrokke gesondheidsberoep optree, tree hy of sy op as registrateur van die raad van die betrokke beroep (bv. in die geval van die aptekersberoep en die Aptekersraad as registrateur van daardie raad) en nie as registrateur van die HPCNA nie.
Kommentaar
Republikein
Geen kommentaar is op hierdie artikel gelaat nie