’n Ware jagluiperd-ondervinding

Die wêreldbekende Jagluiperdbewaringsfonds (CCF) is sowat 40 km buite Otjiwarongo geleë en van daar word die afgelope 24 jaar navorsing oor Afrika se mees bedreigde groot kat gedoen. Die CCF se stigter, dr. Laurie Marker, glo dat jagluiperds – saam met ander inheemse wild – onder die land se grootste natuurlike hulpbronne tel en dat alle mense, maar veral Namibiërs, die geleentheid moet hê om meer oor dié dier te leer.Juis daaroor is die CCF se opvoedkundige sentrum elke dag van die jaar, behalwe 25 Desember, vir die publiek oop. Hier word ’n verskeidenheid opwindende en opvoedkundige aktiwiteite aangebied, insluitend ’n interaktiewe jagluiperd-museum en die ongelooflike geleentheid om ’n paar naby-skote te neem tydens die jagluiperd-safari of die “Cheetah Run” (slegs met ’n afspraak).“Ons nooi almal om ’n paar uur, die dag of selfs oornag saam met die CCF deur te bring, om jou eie ‘jagluiperd-ondervinding’ te geniet,” sê Marker. “Om die ongelooflike spoed en krag van hierdie dier te beleef, is ’n ondervinding wat jy nooit sal vergeet nie.”Die CCF is vir soveel as 40 wees-jagluiperds ’n veilige hawe. Hier kry besoekers die geleentheid om dié diere van naby te besigtig deur middel van die verskillende safari-besigtigingstoere wat op die natuurreservaat aangebied word. Hier leer ’n mens ook meer oor die CCF se bekende vee-bewakingshonde, die Anatoliese skaaphond en die Kangal, wat boere oral in Namibië help om hul lewendehawe teen roofdiere te beskerm.Die CCF se modelplaas deel inligting oor roofdier-vriendelike maniere om lewendehawe en wild te bestuur, en dit dien ook as ’n opleidingsentrum vir die organisasie se “Boere vir Afrika”-program.Vir besoekers of groepe wat meer as net ’n dag hier wil deurbring, bied die CCF ’n verskeidenheid oornaggeriewe wat wissel van die luukse drieslaapkamer-gastehuis, tot die boskamp, Camp Lightfoot, wat 35 mense kan huisves.Spesiale toere deur die CCF se Dancing Goat-botterfabriek word aangebied, terwyl die Cheetah Café heerlike produkte (soos kaas, roomys en fudge) van dié fabriek asook ligte ontbyte, middagete en verversings verkoop. Stuur ’n e-pos aan visit@ccfnamibia.org, besoek www.cheetah.org of skakel 067 306225 vir meer inligting.

’n Ware jagluiperd-ondervinding

Kommentaar

Republikein 2025-05-01

Meld asseblief aan om kommentaar te lewer

’n Ware jagluiperd-ondervinding

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie