‘n Nat naweek glo op pad

Elvira Hattingh - Namibië kan ‘n nat naweek verwag, met die eerste lentereëns wat na verwagting wydverspreid oor die land kan voorkom, sê die Namibiese weerkantoor.Die weerkantoor se hoofvoorspeller, mnr. Odillo Kgobetsi, het aan Republikein gesê dit volg ná dit sedert gister oor veral die noordoostelike dele van die land gereën het. “Daar bestaan ‘n kans op reën môre (Saterdag) oor die noordoostelike dele, met dié moontlikheid wat versterk oor die sentrale en suidelike dele van die land, maar ook die ooste sal bereik,” het hy gesê. “Na verwagting kan reën voorkom vanaf sentrale dele in die Otjozondjupa-, Khomas-, Omaheke en suidelike streek. “Reën word tot oor die sentrale en suidelike kusgebiede verwag. Dit is net in die verre noordooste by Rundu, Tsumkwe in en die Zambezistreek waar dit na verwagting vir eers droog sal bly,” het Kgobetsi gesê. Hy sê dit het sedert gister reeds in die Etosha Nasionale Park en op Grootfontein, Otjiwarongo, Gobabis en oor dele van die Otjozondjupastreek gereën.Op die Facebook-groep Reën in Namibië het me. Karin van Dyk gesê hulle het 22 mm reën op Gobabis gemeet, terwyl nog lede gesê het dit reën tans op Otjiwarongo en by Eunda in die Omusatistreek. In die Kombat-omgwing het dit blykbaar gister 30 mm met hael gereën, terwyl ‘n plaas by Grootfontein tussen 70 en 89 mm gemeet het.Nog plekke wat gister glo reën ontvang het, sluit in Omuthiya, Ogongo en Rundu. FOTO'S: Mnr. Luke Schmidt het die foto’s van hael en reën op Mokuti Etosha Lodge op die Facebookgroep Reën in Namibia gedeel.

‘n Nat naweek glo op pad

Kommentaar

Republikein 2025-11-19

Meld asseblief aan om kommentaar te lewer

‘n Nat naweek glo op pad

Kommentaar

Republikein 2025-11-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.