'n Man wat gestaan het vir waarin hy glo

23 July 2021 | Sport
Boet Matthews – Sedert wyle Bobby Sissing se skielike afsterwe het verskeie persoonlikhede hulde aan die ontslape sport en politieke ikoon gebring. Een van die erkende manne wat met Republikein gepraat het, is Reggie Diergaardt wat geen bekendstelling nodig het nie.

Hy het by navraag aan die koerant gesê: “Ek dink dit is eerbaar en gepas om oom Bob met 'n staatsbegrafnis te vereer vir sy bydrae tot sport, sowel as dat hy as lid van die Swapo-raad gedien het.

“Oom Bob was 'n man met hoë waardes en beginsels en het daarby gestaan ongeag die gevolge.

“Dit is deesdae modieus om geldelike belonings te verwag vir watter bydrae ook al gelewer word. Nie oom Bob nie.

“Alles wat hy gedoen het, was in die beste belang van die gemeen­skap en sport in die algemeen. Hy het geglo waarvoor hy gestaan het en het gestaan waarvoor hy geglo het. Hy het nooit gewankel nie.

“Oom Bob het altyd die beste belang van die jeug gehad. Sy betrokkenheid by sport en veral sokker is die lewendige getuienis hiervan. Hy het die meeste van sy tyd en energie belê in die blink toekoms wat hy voorspel het wat in die toekoms van hierdie land sou gebeur – 'n vrye en demokratiese samelewing onder Swapo as regerende party.

“Oom Bob was sy tyd vooruit. Ek twyfel nie daaraan om kameraad Sissing te vereer met 'n staatsbegrafnis wat die geskikste is vir sy Maker nie. Oom Bob het in die moeilikste tye altyd kalm gebly, wat een van sy sterkste punte was.

“Oom Bob saam met met adv. John Walters was integraal in die onderhandelinge met die stigting van die Namibiese Sportraad.

“Die Namibiese Sportkommissie kon ongelukkig nooit die bydrae van oom Bob tot sport in hierdie land erken nie.

“Ons as 'n samelewing het baie om by Bobby Sissing te leer en almal wat nie van hom weet nie of nog nooit van hom gehoor het nie, is soos 'n Rip van Winkel wat deur die openbaring geslaap het.

“Uiteindelik hoop ons dat die Windhoekse munisipaliteit die Khomasdal-stadion sal herdoop na 'n groot sportlegende wat die sokkerbroederskap met een hand hervorm het”.

Afgelope Woensdag by die Sissings se woning het Mukwaita Shamyengana, spesiale sekretaris van Swapo en adviseur vir adjunkpresident Nangolo Mbumba, benadruk: “Bobby was een van die mees toegewyde en hardwerkende Swapo-kamerade wat sy party met baie passie en waardigheid gedien het. Hy was 'n reguit prater en 'n doener. Swapo het 'n held verloor; hy sal baie gemis word.”

Môre is die gedenkdiens om 09:00 by die Evangeliese Lutherse kerk in Khomsdal. 'n Deurrit by Ramblers-sportveld in Pionierspark word môre gehou (15:00–17:00) waar familie, vriende en kennisse hul inskrywings in 'n boek van meegevoel kan maak, of blomme bring of enigiets wat hulle wil bydra.

Sondag vanaf 11:00 word 'n gedenkdiens by die parlementstuin gehou. Die begrafnis is Maandag om 11:00 by die Pionierspark-begraafplaas.

FOTO
Wyle Bobby Sissing saam met sy vrou Anna. Foto verskaf

Soortgelyk

 

Vier sterftes, 25 nuwe gevalle

7 ure gelede | Gesondheid

Die Covid-sterftes styg met vier (een tuissterfte) tot 3 538. Gister is 25 nuwe gevalle aangemeld, 'n positiewe koers van 2,2%. Dit sluit drie leerlinge,...

PAS IN: Drie uit ses skuldig aan moord

11 ure gelede | Howe

‘n Vrou wat ‘n groep mans betaal het om haar man te vermoor, is vandag in die hoërhof in Windhoek skuldig bevind aan moord.Die oorledene...

MTC en regering gaan saamwerk om inentings teen Covid...

12 ure gelede | Gesondheid

'n Inisiatief tussen die regering en die mobiele telekommunikasiemaatskappy MTC, “Namibia VaxUP081 Incentive", gaan inwoners vergoed wat hul eerste dosis entstof teen Covid-19 ontvang. Volgens...

Net 14,2% van bevolking ten volle ingeënt

12 ure gelede | Gesondheid

Terwyl Namibië se doelwit was om 750 000 van die land se 1,5 miljoen geoormerkte persone vir immunisering teen Donderdag in te ent, het net...

Aandklokreël opgehef

13 ure gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Tweede lugmagongeluk binne enkele weke

1 dag gelede | Ongelukke

Tunohole Mungoba en Ellanie Smit‘n F-7 vegvliegtuig van die Namibiese lugmag het vroeër vandag by die Ondangwa-lughawe neergestort.Die weermag het joernaliste wat kort na die...

Creativity and mental health: Where do we overstep

1 dag gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

1 dag gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

1 dag gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...