’n Kaartjie vir ’n lewe

Die Kankervereniging van Namibië (CAN) se laaste fondsinsameling vir die jaar, Slice of Life, Raffle of Hope, samel geld in vir mans en vroue om vir onder meer bors- en prostaatkanker getoets te word.Die veldtog is ’n vennootskap tussen CAN en die Gondwana Collection of Lodges. Loterykaartjies kan teen N$100 elk gekoop word waardeur lede van die publiek een van ses wegbreeknaweke by enige van die Gondwana-lodges oraloor die land kan wen. Met elke kaartjie wat verkoop word, kan een Namibiese vrou ’n kliniese borsondersoek ondergaan, ’n servikale ondersoek en gevolglike behandeling deur middel van krioterapie ontvang, of ’n verwysing vir ’n kolposkopie of alternatiewe behandeling kry. Ook mans baat by die veldtog. Vir elke N$100-kaartjie word hulle vir prostaatkanker getoets, en kan hul bloeddruk en cholestrol ook getoets word. Volgens CAN is onderrig en bewusmaking ’n sleutelfaktor in die uitreikingsprogram wat streke en landelike gebiede besoek en ook praatjies in gemeenskappe en by skole lewer. Sedert die program se ontstaan in Augustus 2015 is meer as 35 000 Namibiërs vir kanker getoets en is die hoop om alle streke in die land teen 2020 te bereik om kanker sodoende te beveg. CAN-spanne sal vandeesmaand elke Saterdag by die Wernhil- en Grove-winkelsentrums in Windhoek wees om kaartjies te verkoop. Dit is ook by CAN se kantoor en PayToday-, EventsToday- en AirtimeCity-kiosks beskikbaar.“Slegs wanneer ons saamstaan, kan ons teen kanker in Namibië baklei. Elke sent van hierdie fondsinsameling word direk daarin belê om lewens te red. Wanneer ek en my spanne vir weke weg van ons families uitreike doen, doen ons dit omdat ons glo in die werk wat ons doen en die lewens wat ons raak,” het CAN se uitvoerende hoof, mnr. Rolf Hansen, gesê.Kaartjieverkope sluit op 1 Desember en ’n regstreekse trekking sal op 5 Desember op CAN se Facebook-blad saam met ouditeure en vennote van die projek gedoen word. Kontak CAN by (061) 237 740 of projects@can.org.na vir meer besonderhede.

’n Kaartjie vir ’n lewe

Kommentaar

Republikein 2025-11-05

Meld asseblief aan om kommentaar te lewer

’n Kaartjie vir ’n lewe

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.