’n Digterlike inval

Ronelle Rademeyer - Liefhebbers van die woordkuns kan hulle regmaak vir ’n vuurwarm woordweek vroeg in Augustus wanneer die doyenne van die Afrikaanse digkuns, Antjie Krog, saam met die ewe geliefde Carina Stander by die Windhoek Woordfees optree.Vanjaar vind hierdie fees van 3 – 10 Augustus plaas, met al die items op die program wat in die Operahuis by die Lemon Tree Restaurant in The Village in Liliencrohnstraat aangebied word.Beide hierdie digters sal tydens die Skrywersgesprekke op Saterdagoggend 10 Augustus oor hulle digkuns gesels. Die wenners van die Daardie aand sal Krog tydens ’n die afsluiting van die Woordfees ook van haar gedigte aan die gehoor voorlees.Krog is volksbesit al van die verskyning van haar eerste digbundel, Januarie-suite, in 1972. Haar beroemde "kaalvoetgedig" aan haar ma bly een van die gewildste gedigte in Afrikaans: “Ma, ek skryf vir jou ’n gedig/sonder fensie leestekens/sonder woorde wat rym/sonder bywoorde/net sommer/’n kaalvoetgedig. . .”Sy het met latere werke soos Country of My Skull (1998), A Change of Tongue (2003) en Begging to be Black (2009) ook ’n reusebedrae tot aktuele diskoerse in Suid-Afrika gelewer.Die nagevolge van kolonialisme, apartheid en ’n nuwe manier van wees in Suid-Afrika word in hierdie trilogie ondersoek.As ’n joernalis wat ná 1994 oor die Waarheids- en Versoeningskommissie in Suid-Afrika verslag gedoen het, het sy ’n belangrike rol in die kritieke ontleding van die gebeure van daardie geskiedkundige tydperk gespeel. Krog gaan tydens die Filosofiegesprek op Donderdagaand 8 Augustus op dié proses terugkyk en besin of die kommissie inderdaad in die post-apartheidsera versoening gebring en vir slagoffers van apartheidsvergrype genesing bewerkstellig het.CARINA STANDERStander – wie se nuwe boek, Wonderwese, in Oktober verskyn, bied op 8 en 9 Augustus van 14:00 – 17:00 ’n poësie-skryfkursus vir voornemende digters aan. Dit vind ook by die Operahuis plaas en inskrywings kos N$1 000 per persoon.Ná 'n meestersgraad (met lof) in Kreatiewe Skryfwerk aan die Universiteit van Kaapstad, het haar digdebuut, die vloedbos sal weer vlieg, in 2006 verskyn. Dit was op die kortlys vir die Universiteit van Johannesburg-debuutprys en agt van dié gedigte is in Groot Verseboek opgeneem. Die ander items op die Woordfees-progam is die Storievuur (Saterdagaand 3 Augustus) en Poppekas vir die jongspan op Woensdag 7 Augustus om 15:30. Dié kinderproduksie is vanjaar weer eens gratis.Vir meer inligting oor die besoekende kunstenaars, die volledige program, kaartjiepryse en -verkope, kan lesers www.windhoekwoordfees.com besoek of vir Olga Maartens by 081 279 0454 bel.

’n Digterlike inval

Kommentaar

Republikein 2026-02-04

Meld asseblief aan om kommentaar te lewer

’n Digterlike inval

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.