’n Brief aan Mamma

06 September 2018 | Rubrieke
Kinders kry is maklik.

Dis om hulle groot te maak, op te voed en te beskerm wat die probleem is.

My ma het altyd gesê baie mense dink jy moet ’n kind net ’n goeie opvoeding gee sodat hulle hul eie lewe kan aanpak en lei.

“Ja, dit is wel so. Jy moet jou kind die beste moontlike begin in die lewe gee, maar jou verantwoordelikheid as ouer hou glad nie op as die kind klaar is met studies en die huis verlaat nie. Om ’n ouer te wees, is ’n lewenslange verbintenis,” het sy gesê.

Daarvan kan ek getuig. Ek is al, kom ons sê maar “gevorderd” in die ouderdom, en tóg, as ek hartseer is, soek ek my ma.

Ek wil soos ’n klein kindjie op haar skoot opkrul en teen haar skouer huil, die enigste probleem hiermee is dat ek nou ’n bietjie te groot is en bang is ek versmoor my ma of druk haar dood. Maar dis nie die punt nie. Ek het my eie lewe, maar as ek regtig in die knyp is en hulp soek, gaan ek na my ouers toe waar ek altyd welkom is en van hulp, raad, liefde en drukkies verseker is.

Ek ken iemand wat tans swanger is en besig is met talle veranderinge in haar lewe rondom dié nuwe hoofstuk.

Ek ken die vrou goed, en het gedink as haar ongebore baba ’n brief sou kon skryf, sou dit só iets wees:

“Liewe Mamma,

Eerstens wil ek vir Mamma sê ek is baie dankbaar jy is my mamma. Kinders het baie liefde nodig en ek weet Mamma se hart loop van liefde oor. Nie net liefde vir my nie, maar liefde vir alles wat leef en beef. Ek luister vir Mamma as jy so met jou vriende gesels, en ek weet waarvan ek praat.

“Kinders het ’n veilige dak oor hul koppe nodig. Ek weet Mamma is tans besig om ’n huis te soek waar ek my eie kamer kan hê, dit gee vir Mamma nou baie stres, maar ek is dankbaar, want ek hoor Mamma in die aande as Mamma slaap so saggies snork en ek is bly dat ek my eie kamer sal kry.

“Dan is ek seker ek sal lekker kan slaap en net vir jou pla as ek honger is of jou mis en ’n drukkie en soentjie soek. Ek weet jy sal daar wees sodra ek roer.

“Kinders het ook kos nodig. Tans ek eet mos wat Mamma eet, en sodra ek die wêreld ingekom het, sal ons ’n gesprek moet hê. Dis nie dat ek honger ly nie, maar ek dink Mamma kan doen met ’n kookles of twee. Ek sê maar net dis iets waaraan ons kan werk. Ek sal Mamma in die kombuis help sodra ek kan staan, maar dit is nog ver in die toekoms en tot dan weet ek Mamma sal vir my sorg en my magie vol hou.

“Nog ’n ding wat ek uit Mamma se gesprekke kan aflei, is dat Mamma my onvoorwaardelik lief sal hê. Dit maak nie saak hoe ek lyk en wat ek eendag gaan wees nie. Ek kan nie wag om die donker plek te verlaat nie en om in Mamma se oë en glimlag te kan vaskyk nie.

“Sien Mamma binnekort,

Liefde, Smallie”

Soortgelyk

 

Geslagsgeweld bron van kommer op Rehoboth

4 ure gelede | Misdaad

Geslagsgebaseerde geweld (GBV) is ‘n groot bron van kommer vir inwoners van Rehoboth, met afhanklikheid wat volgens die Namibiese polisie die grootste bydraende faktor in...

Geingob op pad na Ethiopië

5 ure gelede | Regering

Denver Kisting – Pres. Hage Geingob vertrek môre na Ethiopië vir samesprekings oor die situasie in die Demokratiese Republiek van Kongo (DRK).Gemoedere loop steeds hoog...

Vermeende veediewe se turf sit

17 ure gelede | Misdaad

Elvira Hattingh Die Rehoboth Veemisdaadorganisasie (RLCO) het saam met die polisie verlede week 'n reusedeurbraak gemaak in 'n veediefstalsaak toe hulle nie net die waarskynlike...

Rehoboth-skietstilstand opgehef

17 ure gelede | Plaaslik

Denver Kisting – Die Windhoekse hoërhof het gister die Namibiese weermag (NDF) tot 16:00 gegee om van die perseel van die Rehoboth-skietklub pad te gee.Dít...

Oudsoldate se lêers 'verdwyn' uit pakhuis

17 ure gelede | Ministeries

Augetto Graig Tot 60 personeellêers met inligting van Namibiërs wat voor onafhanklikwording vir die Suid- Afrikaanse weermag (SADF) en destydse Suidwes-Afrikaanse Gebiedsmag (SWATF) geveg het,...

Weer vir 15 Januarie 2019

17 ure gelede | Weer

BINNELAND: Sonnig en baie warm in die Suide. Elders sal dit gedeeltelik bewolk en baie warm tot bloedig warm wees met enkele donderbuie in...

Man in vangwa gegooi, ure aangehou

17 ure gelede | Misdaad

Francoise Steynberg - 'n Egpaar van Swakopmund wat verlede Dinsdagoggend op die strand gaan stap het, het 'n nagmerrie-ondervinding met die polisie gehad.Mnr. Michael en...

Raaiselsterre verskyn en verdwyn by Koës

17 ure gelede | Plaaslik

Elvira Hattingh - Koës-inwoners was die afgelope Saterdag verstom toe ‘n reeks van tussen ses en nege “sterre” omstreeks 20:30 in ‘n reguit lyn in...

Seekoei soek lafenis in swembad

17 ure gelede | Omgewing

Francoise Steynberg - Help, daar's 'n seekoei in my swembad! Dit was een van twee vreemde versoeke die afgelope week aan die bekende wildveearts van...