Mynwerkers: Leierskaptwis verskerp

font face="Verdana" > Augetto Graig - Die Mynwerkervakbond van Namibië (MUN) het gister (31 Januarie 2019) die uitkoms van hul nasionale uitvoerende komitee (NEC) se vergadering van Vrydag 25 Januarie bekend gemaak. Dít is gister deur mnr. Ebben Zarondo, die MUN se sekretaris-generaal, by die vakbond se hoofkantoor in Katutura aangekondig.Mnr. Allen Kalumbu is as die vakbond se nuwe waarnemende president aangewys.Volgens Zarondo is die vakbond se vorige waarnemende president, mnr. Desley Somseb, ná ’n mosie van wantroue terug na sy oorspronklike pos as visepresident geskuif.Somseb het ná mnr. Raimo Hausiku, die voormalige president, in 2016 in ’n motorongeluk gesterf het, die waarnemende pos volgestaan, het Zarondo gesê. Volgens hom is die aanstelling van die president, in ooreenstemming met die vakbond se grondwet, ’n funksie van die NEC. Hy dring ook daarop aan dat slegs die vakbond se nasionale kongres ’n wettige president kan aanstel, wat na verwagting eers in November 2020 sal plaasvind.Somseb het gesê hoewel hy die brief met inligting oor dié verwikkelinge ontvang het, was hy weens ’n sterfte in die familie nie self by die NEC-vergadering teenwoordig nie. Hy vermoed die komitee se besluit is meer polities as administratief. “Ek is nie verbaas nie. Daar was ’n vorige poging laas jaar Junie. Dit word deur faksies gedryf,” het hy gesê. Sy standpunt is: “Ek is in ooreenstemming met die vakbond se grondwet deur die kongres aangestel.“Daar word vir daai poste gestem. Dit is nie net van aanstel nie.” Somseb het regsadvies ingewin oor die grondwetlikheid van die poging om hom te vervang. Hy het gesê hy sal daarná ’n amptelike verklaring uitreik. Intussen het Kalumbu in sy aanvaardingstoespraak genoem hy het 12 jaar by die vakbond deurgebring en van voetsoolvlak af tot by die nasionale uitvoerende komitee gevorder. “My doelwitte sal nie van die doelwitte van die Mynwerkersunie van Namibië verskil, soos in sy grondwet neergelê is nie. Saam met die MUN se nasionale leierskap sal ons ’n goeie verhouding met die Nasionale Unie van Namibiese Werkers (NUNW), en ons ander sustervakbonde, opbou om die beweging te versterk en om die werkersklas voortdurend te beskerm,” sê hy. By dieselfde geleentheid is bevestig me. Saara Kandapo, adjunktesourier, het volledige tekenregte omdat die waarnemende nasionale tesourier in die buiteland is.

Mynwerkers: Leierskaptwis verskerp

Kommentaar

Republikein 2026-02-02

Meld asseblief aan om kommentaar te lewer

Mynwerkers: Leierskaptwis verskerp

Kommentaar

Republikein 2026-02-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.