Mynbedryf dra 7,3% tot SA se BBP by
Liesl Peyper – Die mynboubedryf het in 2018 7,3% oftewel R351 miljard bygedra tot Suid-Afrika se totale BBP, luidens die jongste syfers wat die Mineraleraad van Suid-Afrika bekend gemaak het.
Die bedryf se bydrae tot Suid-Afrika se uitvoer was R333,2 miljard in 2018 – ongeveer 27% van die totale uitvoer.
Kommoditeitspryse word bepaal deur vraag en aanbod, wat op sy beurt weer afhanklik is van bewegings in rentekoerse in die VSA, die vlak van die Amerikaanse dollar asook toenemende spanning op handelsvlak tussen die wêreld se grootste ekonomieë.
Maar in Suid-Afrika speel die wisselkoers ook ’n beduidende rol: In 2018 het bewegings in die randwaarde van bepaalde kommoditeite dié van die dollarpryse nou gevolg.
Sedert die begin van 2019 was daar wesenlike stygings in kommoditeitspryse wat tot onlangs toe nog beduidend laer was. Dit het daartoe gelei dat indiensneming in die steenkool-, ystererts-, mangaan- en chroom-subsektor toegeneem het. Ongelukkig het afleggings in ander subsektore – goud, diamante en platinum – gelei tot netto werksverliese. – Netwerk24
Die bedryf se bydrae tot Suid-Afrika se uitvoer was R333,2 miljard in 2018 – ongeveer 27% van die totale uitvoer.
Kommoditeitspryse word bepaal deur vraag en aanbod, wat op sy beurt weer afhanklik is van bewegings in rentekoerse in die VSA, die vlak van die Amerikaanse dollar asook toenemende spanning op handelsvlak tussen die wêreld se grootste ekonomieë.
Maar in Suid-Afrika speel die wisselkoers ook ’n beduidende rol: In 2018 het bewegings in die randwaarde van bepaalde kommoditeite dié van die dollarpryse nou gevolg.
Sedert die begin van 2019 was daar wesenlike stygings in kommoditeitspryse wat tot onlangs toe nog beduidend laer was. Dit het daartoe gelei dat indiensneming in die steenkool-, ystererts-, mangaan- en chroom-subsektor toegeneem het. Ongelukkig het afleggings in ander subsektore – goud, diamante en platinum – gelei tot netto werksverliese. – Netwerk24
Kommentaar
Republikein
Geen kommentaar is op hierdie artikel gelaat nie