Myle gevorder sedert 1990 – Geingob

31 jaar stemmig gevier

23 March 2021 | Regering
Die stryd om ekonomiese vryheid waarin Namibië gewikkel is, is ernstig en omvangryk, het pres. Hage Geingob tydens die land se 31ste onafhanklikheidsvieringe benadruk.

Elkeen se hulp is nodig om voorspoed te verseker, het die staatshoof herhaal. Daadkragtigheid en tasbare suksesse is volgens Geingob nodig.

‘n Uurlange feesseremonie is Sondag regstreeks vanaf Staatshuis gebeeldsend. Die aantal gaste was beperk ná die fel kritiek ‘n jaar gelede toe ‘n groot fees ondanks die Covid-19-pandemie aangebied is.

Geingob het gesê myle is gevorder sedert 1990 en die land is vandag ‘n “bewonderenswaardige tuiste” vir sy inwoners. “Sonder twyfel het ons ‘n beter Namibië,” het hy gesê; iets waartoe almal volgens die staatshoof bygedra het.

Armoede is volgens Geingob van 70% tot 18% verminder en die aantal studente wat na skool verder studeer, het meer as vernegevoudig. Hy het ronduit ontken die jeug word afgeskeep.

Geingob het homself tot nasiebou en die stryd teen armoede en korrupsie herverbind.

Op 21 Maart 1990 is die fakkel volgens Geingob aangesteek om een nasie onder een vlag saam te snoer. Aan die begin van sy vierde dekade van onafhanklikheid staan Namibië volgens die staatshoof ondanks etlike jare se toenemende uitdagings op die drumpel van nuwe belofte en moontlikhede. “Ek is vol vertroue die toekoms is blink,” het Geingob gesê.

Doeltreffende regering is volgens die staatshoof die grondslag van die vrede, stabiliteit en die oppergesag van die reg in Namibië. Die effektiwiteit sal volgens Geingob verder verbeter word saam met groter aanspreeklikheid en beter dienslewering.

Op Facebook was daar tydens die uitsending boodskappe van geluk en ondersteuning, maar ook kritiek, byvoorbeeld oor die ware omvang van armoede in die land.

Soortgelyk

 

Pryse van petrol, diesel styg

3 ure gelede | Energie

Die prys van petrol en diesel styg aanstaande week met onderskeidelik 50 sent elk per liter. Die verhoging tree om middernag op 7 April in...

Baie nuwelinge kry viskwotas

3 ure gelede | Visserye

Ondernemings wat tevore visvangkwotas besit het, maak 29% van suksesvolle aansoekers uit, het die minister van visserye en mariene hulpbronne, dr. Albert Kawana, vanmiddag aangekondig.Dit...

WHO vra vir verdere studies oor oorsprong van SARS-CoV-2-virus

3 ure gelede | Gesondheid

Die verslag van die internasionale span van die Wêreldgesondheidsorganisasie (WHO) oor hul ter plaatse besoek aan Wuhan is vandag bekendgemaak, met die WHO se direkteur-generaal...

Sewe sterftes, 221 nuwe gevalle

4 ure gelede | Gesondheid

Namibië het nou 520 Covid-19-verwante sterftes, nadat nog sewe - twee in Windhoek en een elk in Walvisbaai, Outjo, Omaruru, Walvisbaai en Rundu - aangeteken...

Windhoekers met agterstallige rekeninge se water en ligte gaan...

5 ure gelede | Infrastruktuur

Die Windhoekse munisipaliteit sê inwoners van die hoofstad wie se water- en ligterekeninge 30 dae en meer agterstallig is, het tot Dinsdag 6 April om...

Sluitingsdatum vir Shining Light verleng

6 ure gelede | Kuns en vermaak

Die sluitingsdatum vir die Shining Light juweliersontwerpkompetisie is tot 30 April verleng. Me. Helena Mootseng, woordvoerder van die Namibian Diamond Trading Company (NDTC) sê...

Hoërskool Rehoboth gesluit tot ná Paasnaweek

9 ure gelede | Onderwys

Hoërskool Rehoboth is vanaf vandag tot Dinsdag 6 April gesluit. Volgens die bestuur van die skool sal dié tyd gebruik word om die skoolperseel deeglik...

Waarskuwingskote stuit vermeende diewe

20 ure gelede | Misdaad

Vermeende diewe is vroeër vandag in Robert Mugabelaan naby Bank of Namibia in die hoofstad in hegtenis geneem nadat skote afgevuur is. "Twee waarskuwingskote is...

Robberts bly in aanhouding

20 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...