‘My beste en gunsteling ooit!’

Lloyd Zandberg - Sanet Lambrechts sê sy moet haar creative juices aan die gang hou, anders raak sy verveeld. Vir die afgelope jaar het haar skeppendheid nie opgedroog nie en is sy terug met ’n splinternuwe enkelsnit – “Bedoel vir jou”. Sanet beskou die nuwe snit as “’n tree in ’n nuwe rigting en ’n klinkklare bewys van my uiteenlopende musikale vermoëns”.Sy het die afgelope paar jaar ’n hele rits musiektoekennings ingepalm. Vir haar vorige album, Dorsland, ontvang sy ’n ATKV-veertjie in Julie 2019. Dit ná sy voorheen reeds ’n ATKV-pluimpie-wenner was en boonop in 2016 ’n Nama-toekenning vir vroulike kunstenaar van die jaar ontvang het.“‘Bedoel vir jou’ is dié eerste snit van drie wat ons elke paar maande gaan vrystel, en dan ’n volledige album in 2020. Ons het reeds in 2018 aan ‘Bedoel vir jou’ begin werk.” Sanet se liedjieskrywer is Julanie J.“My opdrag aan Julanie was ’n lekker luister- en dansliedjie wat jou laat goed voel as jy dit hoor! En natuurlik speel liefde ’n groot rol in my lewe en in die lied kom dit sterk na vore,” sê sy. “Ek het saam met Gideon Botes (van Watershed, en ’n bekende Pretoriase vervaardiger en kitaarspeler) aan die snit gewerk. Ons het dit in sy studio in Pretoria opgeneem. “Ek is baie opgewonde oor die nuwe album en musiek. Ek wou die album ’n vars klank gee wat dit ’n lekker luisteralbum vir my aanhangers maak. Die liedjie het ’n dans-pop gevoel. Die gevoel is beslis anders as my vorige vrygestelde musiek. Die lied is net reg vir hierdie Desembervakansie-gevoel wat voorlê. Die musiek is toepaslik en ek dink ’n sanger/liedjieskrywer en musikant moet bly groei. Ek glo ek het dit met die album reggekry.” Sanet het baie van die liedjies op die album self geskryf, waarop sy baie trots voel. Sy noem hierdie album wat in 2020 vrygestel sal word “my beste en gunsteling ooit!”.Musiek het nog altyd ’n reuserol in haar lewe gespeel, sê sy. “In musiek kan jy jouself vind. Wat ek deur musiek kommunikeer, is soms beter vir my as om te praat. Dis oral om my en ek hoor elke klank en kry inspirasie daaruit. My wese en siel is gekoppel aan hierdie klanke wat my gemoed in ’n oogwink kan verander van hartseer na uitbundige blydskap.”Sanet tree oormôre (24 November) saam met haar Fresh-musiekgroep by ’n Kruissangdiens by Lemon Tree in Windhoek op. “Dis my laaste optrede vir 2019. Dis gratis.”Vir die Kerstyd gaan sy en haar gesin by die see vertoef. “Desember sonder die Namib-see is nie Desember nie.”

‘My beste en gunsteling ooit!’

Kommentaar

Republikein 2025-05-01

Meld asseblief aan om kommentaar te lewer

‘My beste en gunsteling ooit!’

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie