Mwilima bly agter tralies

Marc Springer – Die voormalige DTA-parlementslid Geoffrey Mwilima, wat tans 'n vonnis van 18 jaar weens hoogverraad uitdien, se aansoek om vroeë vrylating om mediese redes is van die hand gewys.Waarnemende regter Kobus Miller het Maandag in die Windhoekse hoërhof in sy uitspraak daarop gewys die medici wat Mwilima gediagnoseer en behandel het, kon nie saamstem of hy weens sy mediese toestand vrygelaat kan word nie.Daarbenewens het hy gesê Mwilima se aansoek was “heeltemal misplaas”, omdat die kommissaris-generaal van korrektiewe dienste reeds in 2016 'n soortgelyke aansoek geweier het.Mwilima se poging om nou die mediese beampte van die Windhoekse korrektiewe dienste te oortuig om hom om mediese redes vry te laat, was hom nie beskore nie. Die mediese beampte is immers slegs gemagtig om só 'n aanbeveling te maak in gevalle waar 'n gevangene aan 'n gevaarlike of aansteeklike siekte ly, wat óf tot sy dood sou lei óf die risiko kon inhou dat medegevangenes geïnfekteer kan word as die misdadiger nie onmiddellik vrygelaat word nie.Aangesien geen van hierdie kriteria, soos vervat in die wet op korrektiewe dienste, hier van toepassing was nie, en die mediese beampte nie gemagtig was om sy vrylating te bekrag nie, het die aansoek nooit ‘n kans op sukses gehad nie.‘INEENGESTORT’In sy aansoek het Mwilima aangevoer hy ly aan kroniese diabetes, nierversaking en hoë bloeddruk, wat nie behoorlik in die tronk behandel word nie. Gevolglik het hy 'n paar keer in die gevangenis “ineengestort” en moes hy na 'n private hospitaal vir behandeling geneem word, het hy gesê.Tydens een van dié voorvalle moes hy drie weke lank in ’n intensiewesorgeenheid behandel word en was hy in 'n koma.Mwilima beweer hy moet gereeld dialise ontvang en het spesiale voedingsbehoeftes waarin die gevangenis nie voorsien nie.Daarbenewens, beweer Mwilima, is sy familie verbied om die nodige voedsel aan hom te voorsien. As gevolg van hierdie “wrede, onmenslike en vernederende behandeling” het sy toestand drasties versleg sedert die begin van sy vonnis, wat ‘n lewensgevaarlike bedreiging geword het.NamRights het reeds 'n beroep op die Verenigde Nasies (VN) se hoëkommissariaat vir menseregte gedoen om Mwilima se vrylating te steun. Die 66-jarige is glo na sy inhegtenisneming op 4 Augustus 1999 gemartel en eis in 'n afsonderlike verhoor vergoeding van N$75 miljoen.Hy is deel van 'n groep van 30 separatiste wat skuldig bevind is op aanklagte van hoogverraad, nege aanklagte van moord en 91 van poging tot moord en is tot gevangenisstraf van tussen drie en 18 jaar gevonnis. Die klagte hou verband met 'n opstand in die voormalige Caprivi (nou Zambezistreek) op 2 Augustus 1999 waartydens verskillende basisse in en om Katima Mulilo aangeval en verskeie mense dood is.Mnr. Profysen Muluti het vir Mwilima verteenwoordig en me. Alice Makemba het namens die respondente verskyn. – republikein@republikein.com.na

Mwilima bly agter tralies

Kommentaar

Republikein 2025-11-04

Meld asseblief aan om kommentaar te lewer

Mwilima bly agter tralies

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.