MVAF help met opleiding

11 September 2018 | Ongelukke
Die Motorvoertuigongelukkefonds (MVAF) het 41 mediese personeellede opgelei om noodbehandeling aan traumapasiënte te verskaf. Dit sluit noodsorgpersoneel, dokters en verpleegsters in.

Die doel van dié opleiding, wat by die Universiteit van Namibië (Unam) se mediese skool aangebied is, is om die kapasiteit in noodsorg binne die ministerie van gesondheid en maatskaplike dienste (MoHSS), sowel as die fonds te verhoog.

Volgens die MVAF is die opleiding genoodsaak deur ‘n gebrek aan voldoende behandeling op ongelukstonele en in veral streke wat hoë ongeluksyfers het. Dit sluit die Khomas-, Hardap-, Karas-, Kavango-Oos- en Otjozondjupa-streek in.

Die MVAF sê in ‘n verklaring die opleiding is in samewerking met Professional Emergency Care (PEC) aangebied, wat in Kaapstad, Suid-Afrika, gebaseer is.

Drie kursusse, naamlik internasionale lewensondersteuning (ITLS), gevorderde hart- en lewensondersteuning (ACLS), sowel as ’n instrukteurskursus in basiese lewensondersteuning (BLS), is volgens een van die opleidingskoördineerders, mnr. Brandon Diergaardt, aangebied.

Diergaardt is ook een van die fonds se gevorderde lewensondersteuningsparamedici.

Sedert die ontstaan van die opleidingsprogram drie jaar gelede het die fonds jaarliks sowat N$240 000 aan 120 deelnemers van die ministerie van gesondheid en maatskaplike dienste (MoHSS) bestee, wat in verskeie noodsorgprogramme opgelei is.

Die mediese skool het op sy beurt opleidingskoste laag gehou deur onder meer opleidingslokale en mediese toerusting te verskaf.

“Ons is trots op die rol wat ons daarin speel om ‘n positiewe bydrae tot die bevordering van nood- mediese sorg te lewer, wat help om lewens te red, kwaliteitsorg te verskaf aan dié wat deur padongelukke geraak word en beseerdes weer so gou moontlik in hul onderskeie gemeenskappe en die ekonomie op te neem,” sê me. Surihe Gaomas-Guchu, hoof van korporatiewe sake by die MVAF.

Soortgelyk

 

Hepatitis E woed landswyd voort

11 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

11 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

11 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

11 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

11 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

11 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

11 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

11 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

11 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...