Musk sing nou ander deuntjie oor Tesla

28 August 2018 | Tegnologie
Elon Musk, die uitgesproke uitvoerende hoof van Tesla, het besluit dit is dalk nié so ’n goeie plan om die maatskappy te denoteer nie.

Musk het Vrydagaand laat in ’n blog geskryf hy het nadat hy met Tesla se direksie vergader het, besluit dit is dalk beter om maar eerder nie te denoteer nie.

Tesla is op die Nasdaq in New York genoteer.

“Die direksie het aangedui hulle stem saam om nie die maatskappy te denoteer nie”, skryf Musk.

Musk het sowat twee weke gelede groot chaos veroorsaak toe hy sonder enige waarskuwing getwiet het dat hy beplan om die maatskappy te denoteer.

Die plan was om $420 per aandeel aan te bied.

Volgens hom het hy reeds die finansiering hiervoor gehad.

Sy skielike ommeswaai het spekulasie oor presies hoe hy die transaksie sou finansier, tot ’n einde gebring.

Musk se gedrag, wat ’n tranerige onderhoud met The New York Times ingesluit het, het daartoe gelei dat voorstelle gemaak is dat Tesla ’n bedryfshoof aanstel om hom te help.

Musk het op 13 Augustus in ’n blog geskryf hy glo dat nadat hy gesprekke met Saoedi-Arabië se openbare beleggingsfonds gevoer het, hy die finansiële steun het om Tesla te denoteer.

Nou, twee weke later skryf hy dat hoewel hy steeds glo daar “meer as genoeg finansiering” beskikbaar is, dit té lank gaan neem om die maatskappy te denoteer en dit sy aandag sal aflei.

“Dit is duidelik dat, gegewe die terugvoering wat ek ontvang het, die meeste van Tesla se bestaande aandeelhouers glo dit is beter as die maatskappy genoteer bly,” skryf Musk.

“Hoewel die meeste aandeelhouers met wie ek gepraat het gesê het hulle sal by Tesla bly as ons denoteer, was die gevoel – in ’n neutedop – ‘moet dit asseblief nie doen nie’.”

Musk wou nie Vrydag enige verdere kommentaar lewer oor hoekom hy van besluit verander het nie.

Hy was soos gewoonlik Vrydag laat nog besig om te twiet, maar het op SpaceX en Hyperloop gefokus.

SpaceX is sy maatskappy wat op die ruimte fokus terwyl Hyperloop weer ’n tegnologie is om ondergrondse vervoer moontlik te maak.

Tesla se direksie het in ’n afsonderlike verklaring Musk se besluit bevestig en ook aangekondig hy ontbind die spesiale komitee wat hy geskep het om die uitvoerende hoof se voorstel te oorweeg.

“Ons ondersteun Elon ten volle soos wat hy voortgaan om die maatskappy op die regte pad te plaas,” sê die onafhanklike direksie.

“Dit was net Elon wat wou denoteer,” sê Ross Gerber, uitvoerende hoof van die fondsbestuurder Gerber Kawasaki in ’n twiet.

Stephen Diamond, ’n mede-professor in regte aan die Santa Clara-universiteit in die Amerikaanse deelstaat Kalifornië sê sy raaiskoot oor wat gebeur het is dat “groot beleggers vir Elon gesê het ‘hierdie klink bietjie halfgebak’.”

– Bloomberg, verwerk/Netwerk24

Soortgelyk

 

‘Aarde lag deur haar gebarste gesig’

15 ure gelede | Weer

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

‘Aarde lag deur haar gebarste gesig’

15 ure gelede | Tuisblad

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

Parlement skop Woensdag sy werksaamhede af

1 dag gelede | Regering

Pres. Hage Geingob open Woensdag om 14:30 die Nasionale Vergadering se verrigtinge vir die jaar. Dit sal die negende sitting van die sesde parlement inlui.Die...

Registrasiefooie by NUST nou N$2 000 minder

1 dag gelede | Onderwys

Die Universiteit van Wetenskap en Tegnologie (Nust) se registrasiefooie is met N$2 000 van N$4 200 tot N$2 200 verminder. Dit volg nadat ouers en...

Man sterf in ongeluk naby Rehoboth

1 dag gelede | Ongelukke

‘n Man is Woensdag op slag dood nadat die voertuig waarin hy op reis was, die pad verlaat en omgeslaan het. Volgens die polisie se...

Grondwet mag nie ‘papierdroom’ wees

1 dag gelede | Mense

Ronelle Rademeyer - “Ons kan almal baie dankbaar wees vir die Grondwet wat ons geskryf en eenparig aanvaar het. Namibiërs se vryheid en beskerming lê...

Groter stoom vir TransNamib

1 dag gelede | Vervoer

font face="Verdana" > Augetto Graig - Die nasionale spoorwegonderneming TransNamib het ’n nuwe raad en strategiese besigheidsplan aangekondig waarmee die onderneming ’n nuwe rigting...

NSFAF: Finale betalings voor 28 Februarie

1 dag gelede | Onderwys

Die Finansiële Hulpfonds vir Namibiese Studente (NSFAF) het alle geld ontvang wat aan studente vir 2018-’19 uitbetaal moet word. Volgens die fonds het die verwerking...

Weer, Vrydag 8 Februarie 2019

1 dag gelede | Weer

BINNELAND: Sonning en bloedig warm in die verre noordweste. Elders sal dit gedeeltelik bewolk en baie tot bloedig warm wees met enkele tot wydverspreide donderbuie.KUS:...