Munisipaliteit vra om verskoning

Die Windhoekse munisipaliteit het by monde van sy hoof van korporatiewe kommunikasie verkoning aangeteken vir die chaos wat die afgelope tyd by die hoofstad se busdienste geheers het. Volgens mnr. Joshua Amukugo sal die stadsvaders ''n deeglike ondersoek van stapel stuur om te bepaal waar busroetes aanstaande jaar verander kan word. Amukugo was tydens ''n spesiale mediakonferensie aan die woord, met geen lid van ''n reëlingskomitee wat teenwoordig was om vrae van die media te beantwoord nie. Amukugo se verskoning was gemik op grootskaalse ongerief wat deur die munisipaliteit se nuwe busroetes veroorsaak is. Hy het erken die munisipaliteit het nie met gebruikers oor die beplande veranderings in roetes gekonsulteer nie. Volgens hom het die reëlingskomitee nie sy huiswerk ordentlik gedoen nie en is die busroetes eenvoudig ingestel en onmiddellik daarmee begin. Sommige van die bushaltes wat as deel van die nuwe stelsel aangewys is, kon nie maklik gevind word nie, met passasiers wat nie geweet het waar die bushaltes is nie. Volgens Amukugo beskik die munisipaliteit ook nie oor genoeg busse nie, met die gevolg dat passasiers nie betyds by hul bestemmings uitkom nie. Ook het die bushalte by die Wernhil-inkoopsentrum nie die nodige kapasiteit om die nuwe stelsels vlot te laat verloop nie. "Die munisipaliteit het daarom besluit om die nuwe stelsel te skrap. Die reëlingskomitee sal weer vergader om na die uitdagings te kyk, terwyl vergaderings ook met gemeenskappe gehou sal word om oplossings te vind vir die ongerief wat veroorsaak is."Hy het gemaan "pamflette" kan nie net uitgedeel word met die hoop dat die boodskap en inligting sodoende by gemeenskappe uitkom nie. Amukugo het gesê die departement verantwoordelik vir openbare vervoer in die munisipaliteit sal probeer om ekstra busroetes in te stel, maar dit sal onmoontlik wees om spesiale roetes vir die busse in te stel.

Munisipaliteit vra om verskoning

Kommentaar

Republikein 2026-03-20

Meld asseblief aan om kommentaar te lewer

Munisipaliteit vra om verskoning

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.