Munisipale werkers betoog oor kontrakte

Skoonmakers dring aan op permanente aanstelling

09 July 2020 | Regering
Kristien Kruger – Sowat 600 skoonmakers het gister tydens middagete na die Windhoek munisipale hoofkantore opgeruk om ‘n klagskrif aan die burgemeester, me. Fransina Kahungu, te oorhandig.

Hulle eis permanente aanstelling en indien die versoek nie voor 15 Julie nagekom word nie, waarsku die gegriefdes hulle sal aanhou betoog.

“Ons is met SWANLA-tipe kontrakte aangestel en is patetiese salarisse betaal wat ongetwyfeld die arbeidswet oortree” lui die klagskrif.

Kahungu het gesê die stadsraad sal oor die saak besin.

Volgens die werkers is die skoonmaak van die hoofstad ’n voltydse taak wat altyd die munisipaliteit se verantwoordelikheid sal wees.

Daarom eis hulle permanente aanstellings.

Volgens die werknemers het hulle verlede week kennis ontvang dat hulle kontrakte op 31 Julie beëindig sal word. Die kennisgewing is gerig aan skoonmakers wie se kontrakte op 1 Januarie begin het.

Die werkers sê dis onregverdig dat hulle in hierdie moeilike tyd werkloos sal wees.

Die hoof van korporatiewe kommunikasie by die munisipaliteit, me. Lydia Amutenya, het aan Republikein gesê hierdie werkers is nog altyd op vastetermynkontrakte aangestel, omdat hulle voorheen deur privaatmaatskappye aangestel is.

“Wanneer hulle kontrakte by privaataanstellings verval het, het die staat vir hulle werk gegee,” het sy verduidelik.

Die werknemers het hul besems en vullissakke gebruik om tydens hul opmars die straat skoon te maak. - [email protected]

Soortgelyk

 

Vandag se Covid-19-data

2 ure gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

3 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

8 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

19 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

19 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

19 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

19 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

19 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

19 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...