Mugabe sit hom teë
Onderhandelinge agter toe deure was gister aan die orde van die dag in 'n poging om pres. Robert Mugabe van Zimbabwe te oortuig om die tuig neer te lê.
Estelle de Bruyn - Leiers van die Suider-Afrikaanse Ontwikkelingsgemeenskap (SADC) het gister 'n noodvergadering in Botswana se hoofstad, Gaborone, gehou om die politieke krisis in Zimbabwe te bespreek.
Teen druktyd was die uitkoms van die vergadering nog nie bekend nie.
Pres. Robert Mugabe dring daarop aan dat hy Zimbabwe se enigste wettige heerser is, het 'n intelligensiebron gister aan Reuters gesê. Hy is ook nie te vinde vir mediasie deur 'n Katolieke priester wat probeer om 'n vreedsame uittrede vir die 93-jarige voormalige guerrilla-vegter ná 'n militêre oorname te beding nie.
Die priester, mnr. Fidelis Mukonori, tree as middelman tussen Mugabe en die generaals op wat Woensdag die mag oorgeneem het in 'n geteikende operasie teen “misdadigers” in sy gevolg, het 'n senior politieke bron aan Reuters gesê.
Zimbabwiese intelligensieverslae, wat Reuters onder oë gehad het, dui daarop dat mnr. Emmerson Mnangagwa, wat vroeër vandeesmaand as visepresident afgedank is, vir meer as 'n jaar al met die weermag en opposisie saamwerk om 'n post-Mugabe visie op te stel. Uit Suid-Afrika word berig Mugabe het telefonies aan pres. Jacob Zuma gesê hy is tot sy huis beperk, maar alles is andersins wel en die weermag pas hom en sy familie, insluitende sy vrou, Grace, op.
Ondanks verskeie gerugte dat Grace Mugabe na Namibië gevlug het en hier skuil, het 'n uiters gesaghebbende bron na aan Namibië se direktoraat vir staatsveiligheid, gister aan Republikein gesê sy is nie in die land nie.
Diplomatieke bronne meen dit was 'n slim skuif van die weermag om nie 'n staatsgreep uit te voer nie en eerder die partypolitieke kaart as die regeringskaart te speel.
ZANU-PF SE BESLUIT
“Die boodskap is heel duidelik: 'Die Zanu-PF het jou as president aangestel en die Zanu-PF het die reg om jou te onttrek.' Dis dieselfde as wat die ANC met oudpres. Thabo Mbeki gedoen het. “Die weermag was ook deeglik bewus daarvan dat hulle geen steun van die internasionale gemeenskap, insluitende Zimbabwe se naaste bondgenote, sou kon verwag as dit 'n volbloed staatsgreep was nie.”
Ondanks voortdurende bewondering vir Mugabe, het die Zimbabwiese publiek min ooghare vir Grace. Haar byname, “DisGrace” of “Gucci Grace”, kom van haar voorliefde vir inkopies doen. Nuusagentskappe het gister berig ondanks die politieke drama wat agter toe deure ontvou, was die strate van die hoofstad, Harare, kalm met mense wat voortgegaan het met hul daaglikse take. Die stad was egter steeds onder die wakende oog van soldate in gepantserde voertuie wat op strategiese plekke ontplooi is.
Wie is Emmerson Mnangagwa?
Die man wat in alle waarskynlikheid vir pres. Robert Mugabe van Zimbabwe as staatshoof sal opvolg, Emmerson Dambudzo Mnangagwa is in 1942 gebore en het van 2014 tot 2017 as visepresident van Zimbabwe gedien.
Hy is op 6 November deur Mugabe afgedank vir beweerde sameswering teen die regering.
Met Zimbabwe se onafhanklikwording in 1980 tot 1988 is hy as minister van staatsveiligheid aangestel.
Aan die einde van 1980 word hy die voorsitter van die gesamentlike hoëbevel nadat genl. Peter Walls afgedank is. Sy hooftaak was om Zanla en Zipra, die bevrydingsorganisasies by die ou Rhodesiese weermag, te integreer.
Dit was in hierdie tyd dat die 15de brigade menseslagtings in Matabeleland (ook bekend as die “Gukurahundi”) plaasgevind het.
In 2000 word Mnangagwa die speaker van die parlement, 'n pos wat hy tot 2005 beklee toe hy ná 'n beweerde uitval met Mugabe as minister van landelike behuising aangestel is. Hy beklee hierdie posisie tot 2009.
Nadat hy 'n sleutelrol gespeel het om Mugabe ná die betwiste 2008-verkiesing aan bewind te hou deur 'n magsdelingooreenkoms te beding, word hy van 2008 tot 2013 minister van verdediging. Hy was ook vir 'n kort tyd minister van finansies.
Van 2013 tot 'n kabinetskommeling in Oktober vanjaar, kort voor sy skorsing as visepresident, dien hy as minister van justisie, wetlike en parlementêre aangeleenthede.
Mugabe het “oneerbiedigheid, 'n gebrek aan lojaliteit, misleiding en onbetroubaarheid” as redes vir sy skorsing aangevoer. - Eie berig/Nampa/Reuters/AFP/Wikipedia
Teen druktyd was die uitkoms van die vergadering nog nie bekend nie.
Pres. Robert Mugabe dring daarop aan dat hy Zimbabwe se enigste wettige heerser is, het 'n intelligensiebron gister aan Reuters gesê. Hy is ook nie te vinde vir mediasie deur 'n Katolieke priester wat probeer om 'n vreedsame uittrede vir die 93-jarige voormalige guerrilla-vegter ná 'n militêre oorname te beding nie.
Die priester, mnr. Fidelis Mukonori, tree as middelman tussen Mugabe en die generaals op wat Woensdag die mag oorgeneem het in 'n geteikende operasie teen “misdadigers” in sy gevolg, het 'n senior politieke bron aan Reuters gesê.
Zimbabwiese intelligensieverslae, wat Reuters onder oë gehad het, dui daarop dat mnr. Emmerson Mnangagwa, wat vroeër vandeesmaand as visepresident afgedank is, vir meer as 'n jaar al met die weermag en opposisie saamwerk om 'n post-Mugabe visie op te stel. Uit Suid-Afrika word berig Mugabe het telefonies aan pres. Jacob Zuma gesê hy is tot sy huis beperk, maar alles is andersins wel en die weermag pas hom en sy familie, insluitende sy vrou, Grace, op.
Ondanks verskeie gerugte dat Grace Mugabe na Namibië gevlug het en hier skuil, het 'n uiters gesaghebbende bron na aan Namibië se direktoraat vir staatsveiligheid, gister aan Republikein gesê sy is nie in die land nie.
Diplomatieke bronne meen dit was 'n slim skuif van die weermag om nie 'n staatsgreep uit te voer nie en eerder die partypolitieke kaart as die regeringskaart te speel.
ZANU-PF SE BESLUIT
“Die boodskap is heel duidelik: 'Die Zanu-PF het jou as president aangestel en die Zanu-PF het die reg om jou te onttrek.' Dis dieselfde as wat die ANC met oudpres. Thabo Mbeki gedoen het. “Die weermag was ook deeglik bewus daarvan dat hulle geen steun van die internasionale gemeenskap, insluitende Zimbabwe se naaste bondgenote, sou kon verwag as dit 'n volbloed staatsgreep was nie.”
Ondanks voortdurende bewondering vir Mugabe, het die Zimbabwiese publiek min ooghare vir Grace. Haar byname, “DisGrace” of “Gucci Grace”, kom van haar voorliefde vir inkopies doen. Nuusagentskappe het gister berig ondanks die politieke drama wat agter toe deure ontvou, was die strate van die hoofstad, Harare, kalm met mense wat voortgegaan het met hul daaglikse take. Die stad was egter steeds onder die wakende oog van soldate in gepantserde voertuie wat op strategiese plekke ontplooi is.
Wie is Emmerson Mnangagwa?
Die man wat in alle waarskynlikheid vir pres. Robert Mugabe van Zimbabwe as staatshoof sal opvolg, Emmerson Dambudzo Mnangagwa is in 1942 gebore en het van 2014 tot 2017 as visepresident van Zimbabwe gedien.
Hy is op 6 November deur Mugabe afgedank vir beweerde sameswering teen die regering.
Met Zimbabwe se onafhanklikwording in 1980 tot 1988 is hy as minister van staatsveiligheid aangestel.
Aan die einde van 1980 word hy die voorsitter van die gesamentlike hoëbevel nadat genl. Peter Walls afgedank is. Sy hooftaak was om Zanla en Zipra, die bevrydingsorganisasies by die ou Rhodesiese weermag, te integreer.
Dit was in hierdie tyd dat die 15de brigade menseslagtings in Matabeleland (ook bekend as die “Gukurahundi”) plaasgevind het.
In 2000 word Mnangagwa die speaker van die parlement, 'n pos wat hy tot 2005 beklee toe hy ná 'n beweerde uitval met Mugabe as minister van landelike behuising aangestel is. Hy beklee hierdie posisie tot 2009.
Nadat hy 'n sleutelrol gespeel het om Mugabe ná die betwiste 2008-verkiesing aan bewind te hou deur 'n magsdelingooreenkoms te beding, word hy van 2008 tot 2013 minister van verdediging. Hy was ook vir 'n kort tyd minister van finansies.
Van 2013 tot 'n kabinetskommeling in Oktober vanjaar, kort voor sy skorsing as visepresident, dien hy as minister van justisie, wetlike en parlementêre aangeleenthede.
Mugabe het “oneerbiedigheid, 'n gebrek aan lojaliteit, misleiding en onbetroubaarheid” as redes vir sy skorsing aangevoer. - Eie berig/Nampa/Reuters/AFP/Wikipedia
Kommentaar
Republikein
Geen kommentaar is op hierdie artikel gelaat nie