MTC open eersdaags aanlyn boetiek

Michael Kayunde Net nadat die jaarlikse MTC Windhoekse Modeweek weer in die hoofstad aangebied is, het MTC die afgelope naweek die maatskappy se nuwe klerereeks onder die vaandel, Bluetick, bekend gestel.Dié inisiatief, ‘n breinkind van die toonaangewende telekommunikasiemaatskappy, sal ‘n platform skep vir Namibiese ontwerpers en kreatiewe praktisyns om hul modeskeppings beter aan die “081-nasie” en die groter plaaslike moderuimte te bemark en te verkoop.Die aanlyn winkel, wat ’n bedryf wat steeds onder die Covid-19-pandemie gebuk gaan ‘n hupstoot sal gee en bekostigbare platform sal bied om plaaslik te koop, sal uitgesoekte plaaslike ontwerpers aan meer as 2 miljoen potensiële kopers blootstel. As ’n plaaslike aanlyn winkel-inisiatief is Bluetick ‘n eerste in sy soort en sal op 1 Desember vanjaar begin handel dryf.“Die doel van die inisiatief is om die Namibiese mode- en ontwerpbedryf op te hef deur geleenthede te skep wat talentvolle Namibiese modeontwerpers ondersteun en aanmoedig om hul talent ten toon te stel en ‘n bestaan daaruit te kan maak. Hierdie groep talentvolle ontwerpers het nou met MTC kragte saamgespan om eksklusiewe klere vir verskillende ouderdomsgroepe en bykomstighede vir die MTC-handelsmerk te ontwerp. Hierdie ontwerpe sal eksklusief aan MTC wees, terwyl die ontwerpers die verdienste uit die verkope op Bluetick in hul eie sakke sal steek,” het mnr. Tim Ekandjo, MTC se hoof van menslike kapitaal en korporatiewe sake, gesê. Die aanlyn boetiek sal namens die ontwerpers hul klere en bykomstighede op die MTC e-winkel aanbied en verkoop. Dit beteken die ontwerpers sal hul produkte vervaardig en hul verkooppryse bepaal, terwyl MTC die verkope via die aanlyn winkel sal behartig, en die geld direk na die ontwerper(s) sal gaan.Toe hy uitgevra is oor die keuringsproses vir die MTC Bluetick-ontwerpers, het Ekandjo verduidelik ’n aansoekproses is aangekondig, waarna ontwerpers gekies is. Diegene wat die eerste keer nie die paal gehaal het nie, het steeds ‘n kans, aangesien dié inisiatief ’n voortdurende proses sal wees aangesien die “vraag na plaaslike ontwerpe kledingstukke toeneem,” het Ekandjo gesê.

MTC open eersdaags aanlyn boetiek

Kommentaar

Republikein 2025-12-18

Meld asseblief aan om kommentaar te lewer

MTC open eersdaags aanlyn boetiek

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.