MTC-aandele 'nié vir die welgesteldes'
Sprake dat magtige individue met politieke bande toustaan om aandele in een van die regering se mees winsgewende konglomerate te bekom, is deur die minister van staatsondernemings weerlê.
Ogone Tlhage – Die minister van staatsondernemings, mnr. Leon Jooste, sê die regering gebruik nie MTC se aanvanklike openbare aanbod (IPO) as 'n geleentheid om aandele van dié uiters gesogte entiteit in die hande van welgestelde individue met politieke bande te plaas nie, maar as 'n manier om sy eienaarskap te verbreed.
Ons susterkoerant Namibian Sun het van 'n betroubare bron verneem dat die notering goedgekeur is, wat vir dié telekommunikasiereus 'n geleentheid skep om van sy aandele aan nie-staatseienaars af te staan.
Die regering het reeds in 2016 die verkoop van MTC-aandele op die Namibiese aandelebeurs (NSX) voorgestel, terwyl die tweede fase van die Harambee-welvaartsplan (HPP II) beoog om soveel as N$3 miljard uit die verkope te werf. Dié fondse sal vir die regering se skuldverminderingsinisiatiewe gebruik word.
Volgens die inligting wat in die maatskappy se jaarverslae vervat is, het die regering vanaf 2016 tot 2020 slegs N$1,72 miljard aan dividende van MTC ontvang.
MTC het ook 'n belangrike rol gespeel deur verskeie infrastruktuurbeleggings in die telekommunikasiesektor te maak, soos blyk uit sy 081Nation-projek waarin meer as N$1 miljard op die verbetering van sy nasionale netwerk gemik was.
Daar is egter verskeie gerugte dat invloedryke individue aandring op die goedkeuring van die notering sodat hulle hul finansiële hulpbronne kan gebruik om hul kloue in dié winsgewende staatsentiteit te slaan.
As sodanig het hierdie individue klaarblyklik die regering aangeraai om sy greep op die telekommunikasiesektor te verslap en private instansies in dié ruimte toe te laat.
Vele Namibiërs wonder dus waarom die regering sy belang in die land se mees winsgewende staatsbeheerde entiteit verminder.
Die maatskappy het, byvoorbeeld, N$569,5 miljoen dividende vir die 2019-'20-boekjaar verklaar, in vergelyking met die N$2,7 miljoen wat deur sy sustermaatskappy Telecom Namibia verklaar is.
'HEELTEMAL ONWAAR'
“Die bewering dat die aandele deur 'welgestelde individue met goeie konneksies' geteiken word, is heeltemal onwaar,” het Jooste Woensdag aan Namibian Sun gesê.
“Trouens, die tweede doel van die IPO is om ekonomiese bemagtiging uit te brei deur gewone Namibiërs se eienaarskap in 'n winsgewende openbare entiteit te bevorder,” het die minister gesê oor die regering se motivering om van die aandele in sy “goue gans” te verkoop.
Volgens Jooste het noterings wat in die verlede gedoen is, aangedui dat institusionele beleggers soos die regering se pensioenfonds (GIPF) en batebestuursmaatskappye dikwels die meerderheid van die aandele wat aangebied is, gekoop het.
“Die afgelope vier IPO's in Namibië het getoon dat die institusionele beleggers vir tussen 69% en 83% van die beleggings verantwoordelik was, terwyl die kleinhandelsektor (publiek) die balans verteenwoordig. Die institusionele beleggers is pensioen- en effektetrustfondse en verteenwoordig dus 'n breë voorstelling,” het hy gesê.
Volgens Jooste sal dié IPO ook die grootste in Namibië wees sodra MTC genoteer is.
BEHOU HOOFAANDEEL
“Dit sal 'n aanloklike geleentheid vir institusionele beleggers skep om in plaaslike – eerder as buitelandse – bates te belê en sodoende hierdie beleggings in ons plaaslike ekonomie te behou,” het die minister gesê.
Die regering beplan om 'n hoofaandeel van 51% in MTC te behou wanneer die selfoonoperateur op die plaaslike aandelebeurs genoteer word, wat 49% van die aandele beskikbaar sal laat.
Die GIPF, wat voorheen belangstelling getoon het om aandele in die onderneming te koop, sal as 'n institusionele belegger 'n 20%-aandeel in die selfoonoperateur kry, en MTC se personeel sal na verwagting ook aandele onder 'n werknemersvoordeelskema kry.
Volgens die fiskale strategie vir die 2021-'22 tot 2023-'24 mediumtermyn-uitgaweraamwerk, word MTC vir tussen N$6 miljard en N$7,2 miljard gewaardeer. MTC sal die eerste staatsonderneming wees wat op die NSX genoteer word.
– [email protected]
Ons susterkoerant Namibian Sun het van 'n betroubare bron verneem dat die notering goedgekeur is, wat vir dié telekommunikasiereus 'n geleentheid skep om van sy aandele aan nie-staatseienaars af te staan.
Die regering het reeds in 2016 die verkoop van MTC-aandele op die Namibiese aandelebeurs (NSX) voorgestel, terwyl die tweede fase van die Harambee-welvaartsplan (HPP II) beoog om soveel as N$3 miljard uit die verkope te werf. Dié fondse sal vir die regering se skuldverminderingsinisiatiewe gebruik word.
Volgens die inligting wat in die maatskappy se jaarverslae vervat is, het die regering vanaf 2016 tot 2020 slegs N$1,72 miljard aan dividende van MTC ontvang.
MTC het ook 'n belangrike rol gespeel deur verskeie infrastruktuurbeleggings in die telekommunikasiesektor te maak, soos blyk uit sy 081Nation-projek waarin meer as N$1 miljard op die verbetering van sy nasionale netwerk gemik was.
Daar is egter verskeie gerugte dat invloedryke individue aandring op die goedkeuring van die notering sodat hulle hul finansiële hulpbronne kan gebruik om hul kloue in dié winsgewende staatsentiteit te slaan.
As sodanig het hierdie individue klaarblyklik die regering aangeraai om sy greep op die telekommunikasiesektor te verslap en private instansies in dié ruimte toe te laat.
Vele Namibiërs wonder dus waarom die regering sy belang in die land se mees winsgewende staatsbeheerde entiteit verminder.
Die maatskappy het, byvoorbeeld, N$569,5 miljoen dividende vir die 2019-'20-boekjaar verklaar, in vergelyking met die N$2,7 miljoen wat deur sy sustermaatskappy Telecom Namibia verklaar is.
'HEELTEMAL ONWAAR'
“Die bewering dat die aandele deur 'welgestelde individue met goeie konneksies' geteiken word, is heeltemal onwaar,” het Jooste Woensdag aan Namibian Sun gesê.
“Trouens, die tweede doel van die IPO is om ekonomiese bemagtiging uit te brei deur gewone Namibiërs se eienaarskap in 'n winsgewende openbare entiteit te bevorder,” het die minister gesê oor die regering se motivering om van die aandele in sy “goue gans” te verkoop.
Volgens Jooste het noterings wat in die verlede gedoen is, aangedui dat institusionele beleggers soos die regering se pensioenfonds (GIPF) en batebestuursmaatskappye dikwels die meerderheid van die aandele wat aangebied is, gekoop het.
“Die afgelope vier IPO's in Namibië het getoon dat die institusionele beleggers vir tussen 69% en 83% van die beleggings verantwoordelik was, terwyl die kleinhandelsektor (publiek) die balans verteenwoordig. Die institusionele beleggers is pensioen- en effektetrustfondse en verteenwoordig dus 'n breë voorstelling,” het hy gesê.
Volgens Jooste sal dié IPO ook die grootste in Namibië wees sodra MTC genoteer is.
BEHOU HOOFAANDEEL
“Dit sal 'n aanloklike geleentheid vir institusionele beleggers skep om in plaaslike – eerder as buitelandse – bates te belê en sodoende hierdie beleggings in ons plaaslike ekonomie te behou,” het die minister gesê.
Die regering beplan om 'n hoofaandeel van 51% in MTC te behou wanneer die selfoonoperateur op die plaaslike aandelebeurs genoteer word, wat 49% van die aandele beskikbaar sal laat.
Die GIPF, wat voorheen belangstelling getoon het om aandele in die onderneming te koop, sal as 'n institusionele belegger 'n 20%-aandeel in die selfoonoperateur kry, en MTC se personeel sal na verwagting ook aandele onder 'n werknemersvoordeelskema kry.
Volgens die fiskale strategie vir die 2021-'22 tot 2023-'24 mediumtermyn-uitgaweraamwerk, word MTC vir tussen N$6 miljard en N$7,2 miljard gewaardeer. MTC sal die eerste staatsonderneming wees wat op die NSX genoteer word.
– [email protected]
Kommentaar
Republikein
Geen kommentaar is op hierdie artikel gelaat nie