Méér ‘reënpret’ vir Namibië

Elvira HattinghTerwyl wydverspreide donderbuie vandag slegs oor die Erongo- en Kunenestreek verwag word, juig Namibiërs oor die afgelope paar dae se wydverspreide neerslae. Boonop meen LandWater dat die “reënpret” vir die res van die week sal voortduur, met sterker toestande wat Maandag, Dinsdag en Woensdag volgende week sal voorkom. “Volgende week mag die swaarste reënweek met moontlik die wydste dekking sover vir hierdie reënseisoen wees. Die noordooste is net ietwat meer uitdagend,” het LandWater gister aan Republikein gesê. Landwater is ’n nieregeringsorganisasie wat satellietfoto's wetenskaplik ontleed en interpreteer.LandWater wys na “wydverspreide, groot reënpret in Namibië” oor die komende dae. “As die reën nog nie vandag by ‘jou plek’ uitkom nie, is daar goeie kanse vir ‘later’, met selfs kanse vir die diep suidweste, wat maar altyd ietwat versigtiger met verwagtinge moet wees,” is gesê.REËNSYFERS Intussen het die Namibiese weerkantoor altesaam 81,5 mm reën gisteroggend om 08:00 op Halali in die Etosha Nasionale Park gemeet, terwyl Namutoni 41,5 mm reën ontvang het.Reënmeters het gisteroggend op Khorixas op 77,5 mm gestaan, terwyl dit terselfdertyd 40 mm op Otavi, 37,8 mm op Outjo en 37,6 mm op Oshikango gemeet het, dui die amptelike reënbulletin aan. Verder is 34,4 mm op die plaas Mopanie Pos, 28 mm op Omateva en 27,9 op Eenhana gemeet. Op Grootfontein se lughawe het dit 24,8 mm gereën, op Oshakati 23,2 mm en by Hohenfelde 21 mm. By die Internasionale Lughawe Hosea Kutako het dit 20,6 mm gereën, op Okahandja 19,8 mm en 14 mm by die weerkantoor se hoofkantoor in Windhoek. Op Rehoboth is 13,4 mm gemeet, op Okongo 11,4 mm en by die King Kauluma Village 10 mm.TROPIESE STELSELS Die matige tropiese storm Dumako, wat na verwagting Madagaskar gister sou bereik het, sal glo deur ’n stelsel opgevolg word wat potensieel gevaarlik vir veral Suid-Afrika kan wees. LandWater verduidelik dat die stelsel, binne die regte toestande, verwoestend kan wees. “Dit sal ’n tropiese sikloon word wat ongerieflik naby aan Mauritius en Réunion sal kom, terwyl dit waarskynlik vir Madagaskar gaan bedreig.”Die organisasie het die naam Fezile vir die stelsel voorgestel. Volgens LandWater kan dit ’n bedreiging inhou, sou die “brug” tussen die Suid-Atlantiese hoogdrukstelsel en die Suid-Indiese hoogdrukstelsel op seevlak rondom 25 Februarie versterk. “As die die bolug-hoogdrukdeksel dan oor Suid-Afrika wig, het ons ernstige probleme,” is verduidelik. Die stelsel mag dalk ook die suidelike ontsnaproete neem.’N VOLWASSE LA NIÑA Die Australiese Buro vir Meteorologie het intussen gister in sy jongste Enso-uitkykstatus gesê die La Niña-weerstelsel het intussen sy piek bereik, maar sy invloed oor die weer sal minstens tot in die middel van herfs voortduur. La Niña-weerstelsels word vereenselwig met natter toestande oor Suider-Afrika.Die buro meen ’n neutrale El Niño- Suidelike Ossillasieklimaatspatroon sal dan weer posvat, wat beteken nóg ’n La Niña, nóg ’n El Niño sal vanaf herfs heers. Die atmosferiese en oseaniese aanwysers handhaaf steeds La Niña-vlakke, maar dit het waarskynlik ook sy piek bereik.“Terwyl die seeoppervlak in die oostelike tropiese Stille Oseaan koeler as normaal is, is water onder die oppervlak van die sentrale en oostelike Stille Oseaan weer besig om warmer te raak. “Die verandering in die water se temperatuur onder die oppervlak voorspel dikwels ’n onderbreking van La Niña-weerstoestande.”Daarbenewens is die Indiese Oseaan-dipool (IOD) ook tans neutraal. – elvira@republikein.com.na

Méér ‘reënpret’ vir Namibië

Kommentaar

Republikein 2025-06-27

Meld asseblief aan om kommentaar te lewer

Méér ‘reënpret’ vir Namibië

Kommentaar

Republikein 2025-06-27

Meld asseblief aan om kommentaar te lewer

MELD AAN

Advertensie