Motoriste ry 3 voetgangers dood

Minstens drie voetgangers is die naweek op verskillende plekke in die land doodgery.Daarbenewens is 'n man naby Okakarara in 'n ongeluk dood en 'n vrou is ernstig en drie ander lig beseer toe 'n bakkie van die adjunk- eerste minister, me. Netumbo Nandi-Ndaitwah, in 'n ongeluk betrokke was. Die bestuurder het beheer oor die voertuig verloor en die bakkie het omgeslaan. Sy was nie ten tye van die ongeluk in die bakkie nie. Die bestuurder en twee seuns van 9 en 15 jaar is lig beseer en ’n 50-jarige vrou is ernstig beseer in dié ongeluk wat Vrydag om 13:00 op die hoofpad tussen Mpungu en Tsintsabis plaasgevind het, sê die polisie in sy misdaadverslag van voorvalle die afgelope naweek.Die ander padongelukke wat ondersoek word, is as volg:• Die 26-jarige bestuurder van ’n sedanvoertuig het Vrydag om 23:30 sowat 20 kilometer buite Okakarara op die Okarokape-grondpad beheer verloor en die voertuig het omgeslaan. Kambeibi Havarua (26) is op die toneel dood. Die bestuurder en vyf passasiers is lig beseer. • Na bewering het die 56-jarige bestuurder van ’n sedanvoertuig Saterdag om 02:00 in Tom Swemmerstraat op Walvisbaai roekeloos bestuur en ’n 46-jarige voetganger raakgery. Die voetganger is na die hospitaal geneem waar hy aan sy beserings beswyk het. Niemand is nog in hegtenis geneem nie. • Nog ’n voetganger (66) wat besig was om die hoofpad tussen Omafo en Ongenga by die Ouhongo-nedersetting oor te steek, is doodgery. Die voorval het Vrydag om 22:40 plaasgevind. Die 26-jarige bestuurder is nog nie in hegtenis geneem nie. • Saterdag om 21:40 het ’n 48-jarige bestuurder van ’n sedanvoertuig ’n 57-jarige voetganger doodgery. Die vrou was besig om die B1 tussen Omuthiya en Ondangwa oor te steek. Die bestuurder en haar man is nie in die ongeluk beseer nie.

Motoriste ry 3 voetgangers dood

Kommentaar

Republikein 2025-12-17

Meld asseblief aan om kommentaar te lewer

Motoriste ry 3 voetgangers dood

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.