Motorfietsgeliefde sterf in ongeluk

26 March 2020 | Ongelukke
Francoise Steynberg- ’n Bekende in motorfietskringe, mnr. Tiaan Scheepers (50), het Saterdagaand in ’n motorfietsongeluk in Windhoek gesterf.

Volgens die polisie is Scheepers omstreeks 22:00 by die Pionierspark-begraafplaas op Hosea Kutakoweg op slag dood.

“Hy het van suid na noord gery, die sypaadjie in ’n draai getref en beheer oor die motorfiets verloor. Die polisieondersoek duur voort,” lui die polisie se verslag.

Scheepers se vrou, Linètt, het op haar Facebook-blad geskryf: “Tiaan het Saterdagaand met sy nuwe 1250 GS Adventure-motorfiets op die begraafplaaspad (daai draai!) verongeluk.”

Sondagaand het ’n groot groep motorfietsryers by die Yamaha-motorfietshandelaar in die hoofstad byeengekom en hulde aan die oorledene gebring.

Hulle het hul motorfietse om 18:30 ter ere van Scheepers laat brul.

Sy skoonsuster, me. Jana Weyers, sê hy was ’n baie geliefde mens – nie net in motorfietskringe nie.

“Tiaan se koebaaibraai sal later gehou word as corona eers beter is, want watter 49 mense gaan ons mos nou nooi? Hy sal veras word en ek sal detail deurgee sodra dinge in plek is,” het sy weduwee geskryf.

Huldeblyke het op Facebook ingestroom om medelye met Scheepers se familie te betuig.

Hy word deur sy ma, Breggie, sy suster, Chrisna, sy vrou en twee stiefkinders, Anja en Arno Wiese, oorleef.

- [email protected]

Soortgelyk

 

Air Namibia hervat op 28 Oktober vlugte na SA

1 uur gelede | Vervoer

Die nasionale redery het vanmiddag aangekondig hy hervat op 28 Oktober vlugte vanaf Windhoek na Johannesburg en Kaapstad.Die redery sal nie soos in die verlede...

77 leerlinge van dieselfde skool toets binne vier dae...

3 ure gelede | Gesondheid

Nog agt leerlinge van die senior sekondêre skool Oshakati het positief vir Covid-19 getoets wat die totaal leerlinge van die skool wat positief getoets het...

Geingob sê oor Covid-19-weg vorentoe

5 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Covid-19: Aankondiging kom oor pad vorentoe

6 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Geingob onder skoot oor ‘wit’ opmerkings

19 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

19 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

19 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

19 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

19 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...