Moorde by sjebeens

Drie uit die vyf moorde die afgelope naweek het by sjebeens of kroeë plaasgevind.Volgens die Namibiese polisie se misdaadverslag is mnr. Immanuel Fortunate (22) Saterdag om 02:48 naby die Cue-kroeg in Khomasdal met 'n skerp voorwerp aan die linkerkant van sy nek gesteek en hy is op die toneel dood. Die verdagte is onbekend en niemand is in hegtenis geneem nie.In die //Kharasstreek het twee moorde by sjebeens plaasgevind. Op Keetmanshoop is mnr. George Wells Saterdagnag by die YB Inn-sjebeen met 'n skerp voorwerp op sy rug, nek en regterhand gesteek. Hy het in die hospitaal aan sy beserings beswyk. Niemand is in hegtenis geneem nie. Op Noordoewer is 'n 19-jarige man, mnr. Pesha Madi, Saterdag omstreeks 03:00 by die Hoekie-kroeg met 'n panga op die kop gekap. Hy is op pad na die hospitaal op Karasburg dood. Die verdagte is 'n bekende inwoner van Noordoewer, maar is nog nie in hegtenis geneem nie, want hy het op die vlug geslaan.Op Bethanie het mnr. Josef Hendrik Swartz (24) gesterf toe hy Vrydag tussen 18:00 en 19:00 deur 'n 22-jarige verdagte met 'n mes aan die linkerkant van sy nek gesteek is. Die voorval het by die Blok 10-lokasie by Kosis plaasgevind en die verdagte is in hegtenis geneem. Mnr. Gerson Haidula (27) is Saterdag omstreeks 01:50 by die Oshitenda-lokasie in Wanaheda in die hoofstad tydens 'n bakleiery met 'n onbekende verdagte met 'n pistool in die linkerbobeen geskiet. Haidula het later aan sy beserings in die Katutura-staatshospitaal beswyk. Niemand is in hegtenis geneem nie. SELFMOORDEDrie selfmoorde is die afgelope naweek gerapporteer. Mnr. Bonifatius Ngenokesho het homself Vrydag om 17:42 met 'n pistool by sy huis in Havana in Windhoek geskiet. Dit word beweer dat hy vroeër tydens 'n bakleiery iemand met 'n yster twee keer oor die kop geslaan het. “Hy het glo gevrees dat hy die persoon doodgeslaan het, na sy kamer gehardloop en homself geskiet. Die persoon wat hy aangerand het, is in 'n ernstige toestand in die Katutura-staatshospitaal opgeneem,” sê die polisie.Die liggaam van mnr. Dennis Mouton (34) is Saterdag omstreeks 06:45 by die Baines mediese sentrum op Mariental deur 'n verbyganger in 'n boom gesien hang. Geen vuilspel word vermoed nie.Nóg 'n liggaam is Sondagoggend aan 'n tou in 'n boom by die Omadhiya-nedersetting in die Omuntele-gebied in die Oshikotostreek deur 'n familielid gevind. Die oorledene is die 23-jarige mnr. Wilhelm Kafo Issaskary. Hy het geen selfmoordbrief agtergelaat nie.

Moorde by sjebeens

Kommentaar

Republikein 2026-02-05

Meld asseblief aan om kommentaar te lewer

Moorde by sjebeens

Kommentaar

Republikein 2026-02-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.