Moontlikheid vir ‘te veel water’ in reënseisoen

Elvira Hattingh - Die bolugstelsel of ’n geslotelaag, wat vandeesweek sterk reën na die suidoostelike Botswana, asook die noordoostelike dele van Suid-Afrika kan bring, sal na verwagting eers net ligte reën na die suide van Namibië bring.Tog blyk dit dat langtermynvooruitsigte beter lyk, met weerstoestande wat gunstig is vir reën in Suider-Afrika – veral gedurende Oktober en November. “Ons mik al sterker hiérna . . .” het Landwater, 'n nieregeringsorganisasie wat satellietfoto's wetenskaplik analiseer en interpreteer, gesê en bygevoeg: “Klimaatsverandering dryf uiterstes. Ons beweeg tans sterk daarna om oor die komende maande met die uiterste van ‘te veel water’ te sit.”“Net tyd sal leer hóé wyd en syd hierdie sal voorkom: Die Ooste sal sterk in die spel wees, met die Weste, waaronder die Noord-Kaap en Namibië, wat 'n beduidende kans staan om ook uiterste episodes te beleef,” het LandWater op sy Facebook-blad verduidelik. LandWater sê egter wat vandeesweek se weer betref, sal die bolugstelsel na verwagting vir groot volumes reën vanaf vandag en môre sorg – veral naby sy kern. “Die noordelike of noordoostelike dele van Noordwes, westelike dele van Limpopo, asook die noorde en sentrale dele van Gauteng behoort goeie reën te ontvang, wat na verwagting na Mpumalanga sal uitbrei. “Namibië se suide, die noordelike en noordoostelike dele van die Noord-Kaap, asook die westelike dele van Noordwes kan meer verspreide reën verwag,” het LandWater gesê.Dit volg nadat die Australiese Buro vir Meteorologie sowat ’n week gelede hul Enso-uitkykstatus amptelik na ’n La Niña verander het – dit nadat dié weerstoestand oor die tropiese Stille Oseaan posgevat het.La Niña-toestande word dikwels vereenselwig met beter reënneerslae in Suider-Afrika. Volgens die Australiërs dui weermodelle daarop dat dié toestande minstens tot in Januarie 2021 sal voortduur.Nog positiewe nuus is dat die jongste waardes vir die Indiese Oseaan-dipool (IOD) ook weer negatief is. Volgens ses weermodelle behoort dit tot Oktobermaand te bly, terwyl nog drie weermodelle voorspel dat dit tot in November negatiewe waardes sal bly handhaaf.Mnr. Johan van den Berg, landbouweerkundige-konsultant by Santam Suid-Afrika, het vroeër gesê La Niña-toestande wat met ’n negatiewe IOD vereenselwig word is “’n baie positiewe vooruitskouing vir somerreën”.Hy het ook gesê na verwagting sal reëntoestande vir Namibië drasties “vanaf omtrent November” verbeter en sal dit ’n “piek tussen Januarie en Maart 2021 bereik”. - elvira@republikein.com.na

Moontlikheid vir ‘te veel water’ in reënseisoen

Kommentaar

Republikein 2026-06-26

Meld asseblief aan om kommentaar te lewer

Moontlikheid vir ‘te veel water’ in reënseisoen

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.