Moody’s se vooruitsig vir banke ook nou ‘negatief’

07 November 2019 | Sakenuus
Elvira Wood

Moody’s Investors Service het Dinsdag ná sy besluit Vrydag oor die vooruitsigte vir Suid-Afrika se skuldgradering ook die vooruitsigte vir die land se vyf groot banke na “negatief” verander.

Standard Bank, FirstRand, Absa, Nedbank en Investec se kredietgradering self bly onveranderd op Baa3.

Die aankondiging is in pas met sy vroeëre aankondiging oor die Lughawensmaatskappy van Suid-Afrika (Acsa).

Moody’s sê in ’n verklaring die behoud van die banke se gradering “weerspieël hul finansiële profiele, wat tot dusver te midde van voortgesette uitdagings in Suid-Afrika se bedryfsomgewing veerkragtig was”.“Die vyf banke se raamwerke vir risikobestuur wat in die algemeen robuus is, hul solvensieprofiele en die verbetering in hul likiditeitsmetings, het in hul guns getel.”

Die negatiewe vooruitsig spruit hoofsaaklik uit die negatiewe vooruitsig vir Suid-Afrika se staatskuld omdat die banke beduidende hoeveelhede staatseffekte hou as deel van hul likiditeitsvereistes, wat hul kredietprofiel aan dié van die regering verbind.

Volgens Moody’s was die banke se blootstelling aan die staat teen einde Junie gemiddeld sowat 177% van hul kapitaalbasis.

Moody’s verwag ook dat banke oor die volgende jaar toenemend met slegte skuld sal sukkel.

Hoewel die banke en Acsa se kredietvooruitsigte na negatief verander is, het hulle vergeleke met Eskom lig daarvan afgekom.

Sy kredietgradering is verlaag tot Caa3 – die derde laagste moontlike vlak. – Netwerk24

Soortgelyk

 

B-dag: Maak of breek

7 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

7 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

7 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

7 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

7 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

7 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

7 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

7 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

7 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...