Moody’s gaan wag en kyk

Elvira Wood – Moody’s Investors Service gaan waarskynlik nie Vrydag enige verandering aan Suid-Afrika se kredietgradering aanbring nie, meen ekonome.Volgens die skedule wat die kredietgradeerder maande vooruit opstel, is hy geskeduleer om op 12 Oktober sy jongste besluit oor die land se kredietgradering bekend te maak.Drie van die agt ekonome wat Netwerk24 hieroor gepols het, verwag Moody’s gaan nie eers enigiets sê nie. Die ander vyf meem Moody’s gaan aankondig dat hy geen verandering gaan aanbring nie.Volgens Moody’s is sy skedule net ’n riglyn en is hy nie verplig om enige aankondiging te maak nie.Moody’s hou tans Suid-Afrika se staatskuld op Baa3, sy laagste beleggingsgraad.Moody’s is die enigste van die drie groot kredietgradeerders wat nog nie Suid-Afrika se staatskuld tot laer as beleggingsgraad, sogenaamde rommelstatus, afgegradeer het nie.Thea Fourie, senior ekonoom by IHS Markit, sê hulle verwag Moody’s sal eers wil sien wat die invloed van pres. Cyril Ramaphosa se onlangse inisiatiewe op die ekonomie gaan wees.Prof. Jannie Rossouw, hoof van die sakeskool by die Universiteit van die Witwatersrand (Wits), verwag ook nie enige verandering nie.“Die aanstelling van Tito Mboweni as minister van finansies gaan ’n deurslaggewende rol speel in die besluit oor Suid-Afrika se risikogradering.“Mnr. Mboweni word plaaslik en internasionaal gerespekteer en word beskou as ’n persoon wat ’n stabiliserende rol speel,” sê hy.Dr. Roelof Botha, ekonomiese raadgewer by die Optimum-groep, sê die nuwe minister se eerste taak gaan wees om kredietgradeerders, en spesifiek Moody’s, gelukkig te hou.“As ons net ons beleggingsgraadstatus kan behou, kan ons van volgende jaar af met bietjie geluk weer ordentlik begin groei.“As ons ons beleggingstatus verloor, kan dit ons met ’n dekade terugsit. Hy moet alles in sy vermoë doen om die kredietgradeerders gelukkig te hou.”Lumkile Mondi, senior lektor by Wits, en Isaac Matshego van Nedbank meen Moody’s gaan wag tot ná die mediumtermynbegrotingsrede voordat hy enige besluite neem.Dawie Roodt, hoofekonoom van Efficient Group, voorspel Moody’s kan selfs nóg langer wag.Hy voorspel die gradeerder gaan eers kyk wat in die algemene verkiesing van 2019 gebeur voor hy ’n besluit neem.Ekonome meen ’n aankondiging dat Moody’s nie enige veranderinge maak nie, of selfs as hy geen aankondiging maak nie, kan moontlik ’n klein positiewe invloed op die rand hê. – Netwerk24

Moody’s gaan wag en kyk

Kommentaar

Republikein 2025-11-05

Meld asseblief aan om kommentaar te lewer

Moody’s gaan wag en kyk

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.