Monetêre beleid: Wag en kyk
Onsekerheid bestaan die afgelope maande oor die vooruitsig vir Namibië se monetêre beleid met verskeie verwikkelinge wat oor die potensiaal beskik om die besluit van die Bank of Namibia (BoN) te beïnvloed.
Dit was die reaksie van Eloise du Plessis, analis en ekwiteitstrateeg van PSG Namibia, op die BoN se monetêre beleidsaankondiging gister.
Soos verwag, het die sentrale bank sy repokoers onveranderd op 7% gelaat, wat beteken plaaslike handelsbanke se prima-uitleenkoers is steeds 10,75%.
Die volgende aankondiging, op 7 Desember, gaan afhang van hoe sommige verwikkelinge ontvou, sê Du Plessis.
Namibië se reële bruto binnelandse produk (BBP) het in die tweede kwartaal vanjaar ingekrimp en monetêre reguleerders is toenemend oor die ekonomiese groeivooruitsigte bekommerd, sê sy.
Hoewel inflasie die afgelope tyd 'n plato van bykans 7% bereik het, verwag PSG dat prysdruk teen jaareinde weer gaan toeneem. Die rand – en dus die Namibiese dollar - het verlede week vanweë politieke risiko suid van die Oranje opnuut les opgesê. Du Plessis sê die geldeenheid sal kwesbaar bly vir solank as 'n swaard oor Pravin Gordhan, Suid-Afrika se minister van finansies, se kop hang en rommelstatus dreig.
Die risiko van stygende inflasie in die buurland en rand-druk wat uit die moontlikheid spruit dat die Amerikaanse Federale Reserweraad (Fed) in Desember rentekoerse gaan verhoog, kan die Suid-Afrikaanse Reserwebank (SARB) noop om sy repokoers te verhoog. Sou die SARB volgende maand dié stap doen, is die kans goed dat die BoN sy voorbeeld in Desember gaan volg, sê Du Plessis.
Dit was die reaksie van Eloise du Plessis, analis en ekwiteitstrateeg van PSG Namibia, op die BoN se monetêre beleidsaankondiging gister.
Soos verwag, het die sentrale bank sy repokoers onveranderd op 7% gelaat, wat beteken plaaslike handelsbanke se prima-uitleenkoers is steeds 10,75%.
Die volgende aankondiging, op 7 Desember, gaan afhang van hoe sommige verwikkelinge ontvou, sê Du Plessis.
Namibië se reële bruto binnelandse produk (BBP) het in die tweede kwartaal vanjaar ingekrimp en monetêre reguleerders is toenemend oor die ekonomiese groeivooruitsigte bekommerd, sê sy.
Hoewel inflasie die afgelope tyd 'n plato van bykans 7% bereik het, verwag PSG dat prysdruk teen jaareinde weer gaan toeneem. Die rand – en dus die Namibiese dollar - het verlede week vanweë politieke risiko suid van die Oranje opnuut les opgesê. Du Plessis sê die geldeenheid sal kwesbaar bly vir solank as 'n swaard oor Pravin Gordhan, Suid-Afrika se minister van finansies, se kop hang en rommelstatus dreig.
Die risiko van stygende inflasie in die buurland en rand-druk wat uit die moontlikheid spruit dat die Amerikaanse Federale Reserweraad (Fed) in Desember rentekoerse gaan verhoog, kan die Suid-Afrikaanse Reserwebank (SARB) noop om sy repokoers te verhoog. Sou die SARB volgende maand dié stap doen, is die kans goed dat die BoN sy voorbeeld in Desember gaan volg, sê Du Plessis.
Kommentaar
Republikein
Geen kommentaar is op hierdie artikel gelaat nie