Momentum vir toer opgebou

Tielman van Lill – Die Namibiese Hokkie-unie (NHU) het sy mans- en vroue-oefengroepe bekend gemaak wat vir die komende kwalifiserende ronde vir Sentraal-Suidelike Afrika slyp, met die oog op die kontinentale toernooi.Dié gesogte kwalifiserende toernooi is tevore uitgestel en vind nou van 1 tot 9 Mei in Harare, Zimbabwe, plaas waar Namibië teen die gasheer en Suid-Afrika sal kragte meet.Suid-Afrika se mans is tans 14de op die Internasionale Hokkiefederasie (IHF) se wêreldranglys, terwyl Zimbabwe (54) en Namibië (59) heelwat laer gereken word. By die vroue is Suid-Afrika op nommer 16, Namibië 40ste en Zimbabwe ses posisies laer op 46.Die wenners en naaswenners sal deurdring om in Oktobermaand in die eindtoernooi van die Afrika-Nasiesbeker vir die toplouere te kompeteer.Die 2021 Afcon-vrouekampioen kwalifiseer om in 2022 aan die 15de Veldhokkiewêreldbeker in Terrassa, Spanje en Amstelveen, Nederland, van 1 tot 17 Julie deel te neem. Die Wêreldbeker vir mans is vir 13 tot 29 Januarie 2023 in Indië op die almanak aangeteken.BINNENSHUISE HOKKIEIntussen beplan Erwin Handura, hoofafrigter van die nasionale vrouespan, om vandag en Vrydag tot Sondag 'n stel proewe by die Windhoekse skouterrein te hou.Handura se uitsoekspelers sal Namibië by die 2021 Afrika-Nasiesbeker van 15 tot 18 April in Durban verteenwoordig. Die kontinentale kampioen sal van 3 tot 6 Februarie 2022 sy posisie by die sesde Wêreldbeker in Liège, België, inneem. Namibië se manspan sal ook in KwaZulu-Natal die stokke laat klap. Die Namibiese vroue is die heersende Afcon-binnenshuise kampioen nadat hulle in Junie 2017 by The Dome in Swakopmund die eindstryd teen hul Suid-Afrikaanse eweknieë gewen het. Dié gesogte titel was hul paspoort na die 2018 Wêreldbeker in Berlyn, Duitsland, waar die span ondanks min ervaring besonder goed teen die wêreld se bestes gevaar het. Namibië se vroue word tans deur die IHF as die negende beste ter wêreld gereken, met Suid-Afrika 14de en Zimbabwe op 33. Suid-Afrika se mans (11de) en Namibië (16de) vaar gewoonlik veel beter as Zimbabwe op nommer 24.MANS-OEFENGROEPChristopher D'Alton, David Britz, DJ Strauss (doelwagter), Ivan Semedo, Percy Barthram, Nico Jacobs, JP Britz (almal DTS); Alex Kurangera (doelwagter) en Baggio Karigub (beide Nust); Richter van Rooyen (doelwagter), Brynn Cleak, Cody van der Merwe, Craig McNally, Dakota Hansen, Damien Schutz, Fagan Hansen, Joseph van Niekerk, Liam Hermanus, Nico Neethling, Owen Hatton (almal Saints), Dylan Finch, Ernest Jacobs, Matukaramove Kavikairiua (almal Windhoek Old Boys).Net 18 spelers, wat twee doelwagters insluit, sal na Harare reis, het Trevor Cormack, hoofafrigter van die mans, aan Republikein gesê.VROUE-OEFENGROEPDoelwagter: Petro Stoffberg (DTS). Verdedigers: Sunelle Ludwig, Gillian Hermanus, Sasha Brinkman (almal Saints), Jivanka Kruger, Jahntwa Kruger (beide Windhoek Old Boys), Britta Haensel (Wanderers).Middelveldspesialiste: Joane van Rooyen, Kiana Cormack, Danja Meyer (almal Saints). Middelveld- en voorspelers: Celè Wessels (DTS), Azeylee Philander (Saints).Middelveldspelers en verdedigers: Armin van Staden (Old Boys), Caitlin Gillies (DTS), Amber Dercksen (Saints), Anthea Coetzee (DTS).Voorspelers: Tara Myburgh (Saints), Kaela Schimming (Old Boys), Jaime Gillies (DTS).Die keurkomitees het uit Coenie Fourie, Melissa Gillies, Erwin Handura en Neville Gora bestaan. Die oefengroepe het reeds die groen lig van die Namibiese Sportkommissie ontvang om met hul voorbereiding voort te gaan.Handura sê sy finale toergroep na Harare sal tot 16 verminder word.– tielman@republikein.com.na

Momentum vir toer opgebou

Kommentaar

Republikein 2025-08-04

Meld asseblief aan om kommentaar te lewer

Momentum vir toer opgebou

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie