Moedertaalonderrig, reg of weg?
- Monique van der Merwe, Graad 12, Privaatskool Moria, Outjo
Die wêreld vier vandag Internasionale Moedertaaldag.
Dit is ’n dag waarop die wêreld én Namibië se diverse tale en kulture gevier word, maar dit is ook ’n dag waarop die plek van moedertaalonderrig oorweeg moet word.
Om onderrig in ’n universele taal soos Engels te ontvang, klink dalk ideaal, maar dit is nie noodwendig voordelig vir alle leerlinge nie.
Om in ’n ander taal onderrig te word, moet die leerling eers sy moedertaal baasraak.
Daar is baie gevalle waar mense slegs hul moedertaal kan praat, maar kan dit nie lees of skryf nie.
As so ’n leerling in ’n vreemde taal onderrig word, presteer hy/sy nie altyd na wense nie, aangesien die moedertaal die fondament is waarop kennis van ander tale gebou word.
Dus presteer leerlinge wat onderrig in hul moedertaal ontvang beter as dié wat in ’n tweede taal onderrig word.
Onderrig in ’n universele taal kan ‘n voorsprong vir leerlinge inhou, aangesien hul taalvaardighede van ’n jong ouderdom af ontwikkel word.
Hulle sal in enige land ter wêreld met inwoners kan kommunikeer en omgaan.
Al hierdie voordele kan net bereik word wanneer die fondasie van hul moedertaal goed vasgelê is. Wanneer dit nie is nie, kan dit lei tot gebroke Engels (of enige ander universele taal) en min begrip van die taal.
Leerlinge moet ten minste in die laerskool reeds in hulle moedertaal onderrig ontvang sodat ’n goeie fondasie gelê kan word.
Dit sal slegs tot voordele lei.
Die leerlinge sal makliker en vinniger vreemde tale kan aanleer en ’n beter begrip daarvoor hê, aangesien hulle hul moedertaal onder die knie het.
Pierre Edwards (hoof van die Afrikaans Hoër Seunskool in Pretoria) se stelling kan dus volwaardig ondersteun word:
"As ’n dosent, onderwyser en hoof kan ek met vrymoedigheid getuig dat moedertaalonderrig die leerling en student ’n groot voorsprong in sy akademiese vordering sal gee."
Die wêreld vier vandag Internasionale Moedertaaldag.
Dit is ’n dag waarop die wêreld én Namibië se diverse tale en kulture gevier word, maar dit is ook ’n dag waarop die plek van moedertaalonderrig oorweeg moet word.
Om onderrig in ’n universele taal soos Engels te ontvang, klink dalk ideaal, maar dit is nie noodwendig voordelig vir alle leerlinge nie.
Om in ’n ander taal onderrig te word, moet die leerling eers sy moedertaal baasraak.
Daar is baie gevalle waar mense slegs hul moedertaal kan praat, maar kan dit nie lees of skryf nie.
As so ’n leerling in ’n vreemde taal onderrig word, presteer hy/sy nie altyd na wense nie, aangesien die moedertaal die fondament is waarop kennis van ander tale gebou word.
Dus presteer leerlinge wat onderrig in hul moedertaal ontvang beter as dié wat in ’n tweede taal onderrig word.
Onderrig in ’n universele taal kan ‘n voorsprong vir leerlinge inhou, aangesien hul taalvaardighede van ’n jong ouderdom af ontwikkel word.
Hulle sal in enige land ter wêreld met inwoners kan kommunikeer en omgaan.
Al hierdie voordele kan net bereik word wanneer die fondasie van hul moedertaal goed vasgelê is. Wanneer dit nie is nie, kan dit lei tot gebroke Engels (of enige ander universele taal) en min begrip van die taal.
Leerlinge moet ten minste in die laerskool reeds in hulle moedertaal onderrig ontvang sodat ’n goeie fondasie gelê kan word.
Dit sal slegs tot voordele lei.
Die leerlinge sal makliker en vinniger vreemde tale kan aanleer en ’n beter begrip daarvoor hê, aangesien hulle hul moedertaal onder die knie het.
Pierre Edwards (hoof van die Afrikaans Hoër Seunskool in Pretoria) se stelling kan dus volwaardig ondersteun word:
"As ’n dosent, onderwyser en hoof kan ek met vrymoedigheid getuig dat moedertaalonderrig die leerling en student ’n groot voorsprong in sy akademiese vordering sal gee."
Kommentaar
Republikein
Geen kommentaar is op hierdie artikel gelaat nie