Moedertaal kry voorkeur

Noodsaaklik vir syfer-, lettervaardigheid

18 April 2019 | Onderwys
Henriette Lamprecht



Die huidige hersiene weergawe van die Taalbeleid vir Skole is daarop gemik om die beleid en sy doelwitte duidelik te maak sodat niemand voel hul moedertaal word bedreig of beperk nie.

Die hersiene beleid is deur die minister van onderwys, kuns en kultuur, me. Katrina Hanse-Himarwa, in die parlement ter tafel gelê.

Die ministerie het 'n taalbeleid vir skole ontwikkel wat die infaseer van Engels as medium van onderrig vooropstel.

Die Taalbeleid vir Skole is in November 1991 gepubliseer en het ten doel gehad om Engels as die amptelike medium van onderrig te vestig en ook die gelyke ontwikkeling van Namibiese tale te bevorder.

Die aanvanklike dokument het egter nie uitgestippel hoe nasionale tale oftewel moedertale in skole gebruik moet word nie. Verskille is ook van streek tot streek gevind in die implementering van die taalbeleid weens waninterpretasie en die manipulasie van die beleid omdat onderrig in Engels as medium van instruksie eerder as moedertaal in junior primêre fases verkies is. Voorheen benadeelde leerlinge is verder benadeel omdat nie-Engelssprekende onderwysers onderrig in Engels moes gee.

Baie leerlinge het nie die geleentheid gehad om in hul moedertaal te leer nie, terwyl baie skole ook nie inheemse Namibiese tale as vakke tot op graad 12-vlak aangebied het nie.

Volgens die hersiene dokument is tweetalige onderrig belangrik omdat daar 16 tale is wat hiervoor gebruik kan word. Dit maan onderrig in die moedertaal, en veral in die eerste ses skooljare, is noodsaaklik om konsepte te vorm, sowel as vir syfer- en lettervaardigheid.

“'n Taal kan net oorleef as moedertaalsprekers daarin kommunikeer. Om funksioneel geletterd te wees, moet 'n mens nie net die taal praat nie, maar ook skryf en goed lees om te kommunikeer en ander te verstaan,” lui die verslag.

In die oorspronklike sowel as die hersiene beleid word die gebruik van moedertaal as 'n medium van instruksie in die vormende skooljare vanaf preprimêr tot graad 3 voorgeskryf. Ook dat dit as 'n skoolvak vir verdere onderrig aangebied word.

“Die moedertaal speel ongetwyfeld 'n positiewe en noodsaaklike rol in die verkryging van enige tweede taal. Omdat Engels die amptelike taal in Namibië is, sal dit gebruik word as 'n medium van instruksie en evaluering vanaf graad 4 deur die hele onderwysstelsel in staatskole.”

Engels as medium van instruksie sal slegs vanaf graad 1 by staatskole gebruik word met die skriftelike toestemming van die minister van onderwys, kuns en kultuur. Versoeke om Engels as 'n medium van instruksie vanaf preprimêr te gebruik, moet aan die minister voorgelê word en nadat onderwysers se bevoegdheid daarin vasgestel is. Betrokke onderwysers moet vaardig wees in Engels-onderrig, terwyl die sillabus vir Engels as eerste taal gebruik moet word.

Graad 4 is die oorgangsjaar waarin die verandering na Engels as medium van onderrig plaasvind en moedertaal 'n ondersteunende rol inneem. Vanaf graad 4 tot 12 is die medium van onderrig Engels en word moedertale as vakke in die betrokke grade aangebied. Word Engels nie as moedertaal aangebied nie, moet dit as 'n vak en byvoorbeeld 'n tweede taal aangebied word.

Volgens die taalbeleid moet alle leerlinge ten minste twee tale as vakke vanaf graad 1 tot 12 hê waarvan Engels een moet wees. Die enigste uitsondering is vir leerlinge wat toegelaat word vir 'n eentaalleerplan waar hy of sy moedertaal nie op eerstetaalvlak aangebied word nie. Alle evaluering moet gedoen word in die taal waarin die spesifieke vak aangebied word.

Met verwysing na private skole sê die hersiene beleid dié skole kan 'n ander taal as Engels as medium van onderrig deur die primêre siklus van graad 1 tot 7 gebruik word, met dien verstande dat Engels en een ander Namibiese taal as vakke aangebied word.

Die medium van onderrig vir dowe leerlinge is Namibiese gebaretaal, terwyl slegs Geskrewe Engels verpligtend vanaf graad 1 tot 12 is.

Die taalbeleid word elke vyf jaar hersien.

Soortgelyk

 

Vlieëniers vlieg ‘blind’

9 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

9 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

9 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

9 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

9 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

9 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

9 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

9 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...

Namibia committed to curbing abuse by 2022: Imalwa

9 ure gelede |

Prosecutor-general Martha Imalwa said the Namibian justice system is taking gender-based violence (GBV) cases seriously and aims to make huge progress against it by 2022.“By...