Moed opgee is nie ’n opsie nie!

’n Mens se emosies is soms gevaarlike wapens wat jy teen iemand, ’n geliefde of vreemdeling, of teen jouself kan gebruik. Aan die ander kant kan dit jou ook weer laat lewe; jou laat besef dat daar dalk iemand daar buite is wat die moeite werd is om jou gevoelens mee te deel. Partykeer dink jy jy het jou emosies onder beheer, maar dan kom een persoon wat golwe maak, of jy sien of hoor iets wat jou aan jou verlede laat dink. Soos as ek Wham! se “Careless Whisper” hoor, dink ek onmiddellik aan my oudste suster en Margate en hoe baie ek my susters en my ma mis. Ek kom soms in situasies wat my so ver terug vat soos my kinderjare. Dan besef ek dat ek eintlik daardie jare mis. Terwyl jy jonk is, wil jy net ouer wees en grootmensdinge doen, maar glo my, grootmense se lewens is nie so rooskleurig nie. Ek kan elke vakansie onthou en dit was altyd ’n belewenis. Ons het na oorde in Suid-Afrika gegaan en sommer twee weke daar gebly. ’n Mens besef nou eers hoe bevoorreg ons was om meeste vakansies te kon weggaan en vir sulke lang tydperke. In vandag se ekonomiese klimaat is kinders gelukkig om vir ’n naweek weg te breek. Lang vakansie is hulle nie beskore nie. Wanneer emosies en herinnering jou oorval, moet jy net vashou en die golf geniet.Emosies kan ook soms met jou wegloop. Daar is niks daarmee verkeerd nie, maar jy moet net seker maak jy is voorberei op wat kán gebeur. Dit kan goeie emosies soos blydskap, liefde en geduld wees, of negatiewe emosies soos minagting en jaloesie. Dan is daar lugkastele of dagdrome. Die vooruitloop van omstandighede; dit is baie gevaarlik en jy stel jou aan allerlei negatiewe emosie bloot wanneer dinge nie uitwerk soos jy “beplan” het nie.Hoe lank gaan dit vat voor die werklikheid jou inhaal en jy besef jy lewe in ’n droomwêreld; en net jy het die lugkastele gebou, ten koste van jouself? Die ander persoon is myle agter jou en probeer sy/haar bes om by te hou, maar jy is al so gekonfyt met die denkbeeldige bouery dat jy dit nie eens agterkom nie. Soms sit jy met deurmekaar gevoelens en jy voel jy wil ontplof, maar daar is niemand om dit mee te deel nie en te sê alles is nie verlore nie; alles sal oukei wees. Dit is waar die werklikheid moet inskop. Daar waar realiteit jou riglyn moet wees, nie jou brose emosies nie. Maar weer eens is dit makliker gesê as gedaan, veral in 2020 waar elke dag ’n uitdaging is.Soms kom mense op jou pad wat net die spanner in die works gooi. Jy moet net leer om kop bo water te hou en aan te hou swem. Moed opgee is nie ’n opsie nie!

Moed opgee is nie ’n opsie nie!

Kommentaar

Republikein 2026-06-24

Meld asseblief aan om kommentaar te lewer

Moed opgee is nie ’n opsie nie!

Kommentaar

Republikein 2026-06-24

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.