MLR kies topduikvatter Conradie in droomspan

Andrew Poolman – Wian Conradie se impak tydens sy eerste seisoen van professionele rugby in die VSA het tot sy insluiting in Major League Rugby (MLR) se gedugte en sterbelaaide droomspan vir 2021 gelei.Tydens die keuringsproses is die stemme van 'n paneel van MLR-media, skeidsregters en statistiek-spesialiste getel.Die Namibiese agtsteman se fenomenale seisoen vir die New England Free Jacks het 193 duikslae ingesluit – die gesamentlike meeste en gelyk met Rugby Atlanta se voormalige Griekwas-slot Johan Momsen.Conradie is as die Free Jacks spelers se speler van die jaar bekroon. Hy was in 15 wedstryde onder meer 157 keer as baldraer ingespan en het 881 meter met die bal gevorder. Hy is een van elf lede van die droomspan wat meer as 900 minute speeltyd in die afgelope seisoen opgestapel het.Die Namibiër sal dus 'n leemte by die klub van Boston laat, nadat hy onlangs 'n kontrak met die Engelse premierliga-klub Gloucester onderteken het. Hy het tevore ook een seisoen vir Doncaster Knights op die tweede vlak van die professionele spel in Engeland, die RFC-kampioenskap, gespeel.Die MLR-droomspan vir 2021:1 Chance Wenglewski (23 jaar, Rugby Atlanta), ses toetse vir VSA2 Sama Malolo (23, Utah Warriors), tevore Melbourne Rebels3 Dino Waldren (30, New Orleans Gold), 21 toetse vir VSA4 Nate Brakeley (31, Rugby United New York), 25 toetse vir die VSA5 Johan Momsen (25, Rugby Atlanta), tevore van Maties en Griekwas6 Angus Cottrell (31, LA Giltinis), tevore van Melbourne Rebels7 Lucas Rumball (26, Toronto Arrows), 37 toetse vir Kanada8 Wian Conradie (26, New England Free Jacks), 19 toetse vir Namibië9 Harrison Goddard (23, LA Giltinis), tevore van Melbourne Rebels10 Matt Giteau (38, LA Giltinis), 103 toetse, 30 drieë en 698 punte vir Australië11 DTH van der Merwe (35, LA Giltinis), 61 toetse en 38 drieë vir Kanada12 Billy Meakes (30, LA Giltinis), tevore van Gloucester, Western Force en Australië 7s13 Ben LeSage (25, Toronto Arrows), 18 toetse vir Kanada14 Julian Dominguez (24, New Orleans Gold), Jaguares XV en Argentinië 7s15 Mikey Te'o (28, Utah Warriors), 30 toetse en 16 drieë vir VSA

MLR kies topduikvatter Conradie in droomspan

Kommentaar

Republikein 2025-05-14

Meld asseblief aan om kommentaar te lewer

MLR kies topduikvatter Conradie in droomspan

Kommentaar

Republikein 2025-05-14

Meld asseblief aan om kommentaar te lewer

MELD AAN

Advertensie