Möller-saak: Regter roskam beskuldigde

Verdagte sê probleem lê nie by hom

14 August 2019 | Howe
Elvira Hattingh

Die verhoor waarin vyf mans op onder meer klagte van moord en poging tot moord op Walvisbaai se Möller-gesin tereg staan, is tot eerskomende Dinsdag uitgestel.

Dít nadat een van die beskuldigdes se regsverteenwoordiger ’n tweede keer onttrek het.

Mnr. Panduleni Gotlieb (31), een van die beskuldigdes, se tweede regsverteenwoordiger, mnr. Titus Mbaeva, het onttrek omdat hy en sy kliënt glo nie ooreenstem oor hoe om met die saak voort te gaan nie.

Boonop wil Gotlieb glo ’n versoek om verdere inligting oor die klagte teen hom vir ’n tweede keer aan die staat rig.

Dit volg nadat sy eerste regsverteenwoordiger, mnr. Tuna Nhinda, ook onttrek het.

Regter Dinnah Usiku het Gotlieb ernstig gewaarsku sy sal nie toelaat dat hy die hof “frustreer” deur voortdurend van regsverteenwoordiger te verander nie.



‘GEREGTIGHEID ONTKEN’

“Ek glo jou medebe­skuldigdes wil met die verhoor voortgaan en die saak is vir lank reeds uitgestel. “Geregtigheid wat uitgestel word, is soos om geregtigheid te ontken.

“Boonop is jy nie die enigste party in die saak nie, getuies is na die hof ontbied en ’n klomp middele is vermors deur jou besluit om ter elfder ure nie met jou regsverteenwoordiger voort te gaan nie.

“Neem hierdie as ’n baie ernstige waarskuwing van my af,” het sy gesê.

Gotlieb het geantwoord die probleem lê nie by hom nie.

“Ek wil ’n verteenwoordiger hê wat met my saamstem en nie een wat my nie ’n regverdige verhoor sal gee nie,” het hy gesê.

Regter Usiku het gesê ongeag die omstandighede verwag sy van Gotlieb om sy sake in orde te kry.

Die hof sal Dinsdag om 09:00 hoor of Gotlieb daarin kon slaag om regsverteenwoordiging te kry.


VERHOOR SOU BEGIN

Die verhoor van die saak waarin die Möller-gesin op 16 Junie 2016 in hul huis op Walvisbaai oorval, aangerand en beroof is, sou vandag in die Windhoek Sentrale Gevangenis se hoërhof begin het.

Mnr. Hans-Jörg Möller is in die voorval geskiet en het later aan sy wonde beswyk.

Volgens die klagstaat het mnre. David Tashiya (30), David Shekundja, Elly Hinaivali, Malakia Shiweda en Gotlieb by die Möllers se huis ingebreek en geld en ander waardevolle items van Möller se vrou, Carol-Ann Sowden-Möller, geëis.

Hulle het haar glo met ’n pistool, messe, ’n bandhefboom en ’n skroewedraaier gedreig. Toe Hans-Jörg tot haar redding wou kom, is ’n skoot afgevuur wat hom in die maag getref het.

Die beskuldigdes het Carol-Ann aangerand en vasgebind voor hulle die huis geplunder het.

Hulle het met kontant en gesteelde items ter waarde van sowat N$174 000 op die vlug geslaan. Hans-Jörg het op 18 Junie in die hospitaal gesterf weens die beserings wat hy opgedoen het.

Die beskuldigdes is van onder meer moord, poging tot moord en same­swering tot huisbraak met die doel om te roof, of roof met verswarende omstandighede aangekla.

Soortgelyk

 

Groep 'toegesluit' vir duur van kwarantyn

4 ure gelede | Gesondheid

Henriette Lamprecht 'n Vrou in haar laat sestigs ly aan posttraumatiese stres (PTSD) nadat sy deel van 'n groep was wat in dié deel van...

'Abattoir-ellende skema se skuld'

4 ure gelede | Landbou

Ronelle Rademeyer - “Die kleinveebemarkingskema wat met sy gedwonge binnelandse verslagtingsreëls veronderstel was om waarde tot die skaapbedryf te voeg, het die teenoorgestelde gedoen.“Dit het...

Weer, Maandag 10 Augustus 2020

4 ure gelede | Weer

BINNELAND: Sonnig en matig in die Suide, elders sonnig en warm, maar baie warm in die Noorde. KUS: Gedeeltelik bewolk en koud tot matig met...

Groot kommer oor tekort aan voorbehoedmiddels

4 ure gelede | Gesondheid

Jemima Beukes – ’n Studie voorspel tot 27 900 onbeplande swangerskappe kan in Namibië voorkom weens ’n tekort aan voorbehoedmiddels wat die Covid-19-pandemie tot gevolg...

Pensioenaris borgtog geweier in verkragtingsaak

4 ure gelede | Misdaad

Adolf Kaure’n Swakopmundse pensioenaris, mnr. Desmond Derrick Fick (61), het Donderdag in dié kusdorp se landdroshof verskyn nadat ’n klag van poging tot verkragting en...

Vandag se Covid-19-data

6 ure gelede | Gesondheid

'n Visuele opsomming van die inligting vir Saterdag 8 Augustus 2020, soos om 20:00 vanaand aangekondig deur die uitvoerende direkteur van gesondheid en maatskaplike dienste,...

Drie nuwe Covid-19-verwante sterftes, 97 nuwe gevalle

7 ure gelede | Gesondheid

Die uitvoerende direkteur in die ministerie van gesondheid en maatskaplike dienste, mnr. Ben Nangombe, het drie nuwe Covid-19-verwante sterftes vanaand aangekondig. Twee is in Windhoek...

Eddie sal Farrell-hulle nie oorsien

9 ure gelede | Plaaslik

Eddie Jones sal sy spankeuses slegs op spelpeil grond en Saracens se spelers het dus steeds ’n goeie kans om vir Engeland te speel, selfs...

Saterdag se Covid-19-data

1 dag gelede | Gesondheid

'n Visuele opsomming van die inligting vir Vrydag, soos om 20:00 gisteraand aangekondig deur die minister van gesondheid en maatskaplike dienste, dr. Kalumbi Shangula.