Missie onmoontlik wag op Warriors
Tielman van Lill - Die Namibiese Sokkervereniging het twee oefenwedstryde vir die Brave Warriors teen die Malawiese Flames en Zambië gereël voordat hulle op 18 Junie in Windhoek teen Botswana in die 2016 Cosafa-beker kampioenskap gaan opdraf.
Die Warriors sal op 8 Junie tuis teen Malawi speel en daarna sal afrigter Ricardo Mannetti en sy span Zambië besoek om op 12 Junie hul finale planne teen Chipolopolo (The Copper Bullets) op die proef te stel.
Met Peter Butler as afrigter aan die stuur van sake by Dipitse (die Zebras), het die nasionale span van Botswana die afgelope tyd met rasse skrede verbeter en kan nie ligtelik opgeneem word nie.
Die Warriors het intussen laer getrek en is gefokus om Niger môre om 16:00 in die Sam Nujoma-stadion te oorrompel om sodoende die tweede posisie in groep K in te neem.
Dit is van kardinale belang vir die Warriors om teen Niger te wen om momentum te bewerkstellig. Indien hulle dit teen Malawi en Zambië kan volhou, sal die Warriors met groot vertroue teen die Zebras kan opdraf.
“Ek herhaal wat ek tevore gesê het. Dit is van uiterste belang dat ons die Cosafa-kampioenskap op volle vaart tref. Ons speel teen Niger en volgende Woensdag is Malawi aan die beurt en daardie Sondag is ons vir die laaste oefenwedstryd in Zambië,” het Mannetti gesê.
“Dit sal die spelers se fiksheid na die volgende vlak neem om ten volle gerat teen Botswana mee te ding. Ons sal in die laaste drie wedstryde seker moet maak dat ons die regte resulte verkry om die spelers se vertroue ’n hupstootjie te gee.”
AFCON-KANSE
Altesame 52 lande in 13 groepe neem aan die kwalifiserende rondte van die Konfederasie van Afrika-sokker (CAF) se 2017 Afrika Nasiesbeker (Afcon)-kampioenskap deel.
Net 16 lande sal in die eindtoernooi deelneem, wat outomaties die gasheerspan Gaboen insluit.
Die 13 wenners van elke groep vorder na die eindtoernooi, waar Gaboen en die twee topspanne in die tweede plekke ook sal deelneem.
Beide Namibië en Niger kon sover net drie punte inoes. Die Warriors (-3) spog egter met ’n beter doelverskil en bevind hulle in die derde posisie terwyl Niger (-4) vierde is. Senegal met 12 punte en Burundi met ses beklee onderskeidelik die eerste en tweede plekke.
Indien die Warriors môre vir Niger uitoorlê en Burundi verloor teen Senegal, kan Namibië tot die tweede plek opskuif. Die finale wedstryd wat die Warriors se lot gaan bepaal, word in September teen Senegal gespeel.
“Dit is vir ons ’n absolute prioriteit om algeheel tweede in ons groep te eindig wat die Warriors ’n buitekans gee om tot die finale kampioenskap deur te dring,” het die breier gesê.
“Ons het ’n lang pad gestap en is gereed om te veg. Die spelers sal gefokus moet bly en hul oog op die bal hou om daardie noodsaaklike drie punte op te raap. Ek is vol vertroue ons kan dit doen. As ons goed afskop, behoort ons die knoop deur te haak. Niger sal ’n handvol wees, want hulle jaag ook daardie drie ontwykende punte. Dus gaan dit ’n taai en opwindende stryd wees.”
Mannetti kies vandag sy finale span van 18 spelers uit ’n groep van 25 wat môre om 16:00 by die Sam Nujoma-stadion in Katutura gaan saamtrek.
Die oefengroep is: Max Mbaeva, Chris Katjiukua en Deon Hotto (Golden Arrows); Wangu Gome (Bidvest Wits SA); Denzil Hoaseb, Dynamo Fredericks, Willy Stephanus, Ananias Gebhardt, Immanuel Heita en Roger Katjiteo (Black Africa); Da Costa Angula en Hendrick Somaeb (Free State Stars); Benson Shilongo (Gaborone United); Peter Shalulile (Highland Park SA). Patience Gaseb (Mighty Gunners). Riaan Hanamub en Terdius Uiseb (Orlando Pirates); Absalom Iimbondi, David Peterson, Ferdinand Karongee en Romario Ndjavera (Tigers); Tiberius Lombard, Oswaldo Xamseb en Larry Horaeb (Tura Magic); Edmund Kambanda (Unam).
Kaartjies kos N$40 en is landwyd by Computicket in alle Shoprite- en Checkers-winkels beskikbaar.
- NFA.org.a
Die Warriors sal op 8 Junie tuis teen Malawi speel en daarna sal afrigter Ricardo Mannetti en sy span Zambië besoek om op 12 Junie hul finale planne teen Chipolopolo (The Copper Bullets) op die proef te stel.
Met Peter Butler as afrigter aan die stuur van sake by Dipitse (die Zebras), het die nasionale span van Botswana die afgelope tyd met rasse skrede verbeter en kan nie ligtelik opgeneem word nie.
Die Warriors het intussen laer getrek en is gefokus om Niger môre om 16:00 in die Sam Nujoma-stadion te oorrompel om sodoende die tweede posisie in groep K in te neem.
Dit is van kardinale belang vir die Warriors om teen Niger te wen om momentum te bewerkstellig. Indien hulle dit teen Malawi en Zambië kan volhou, sal die Warriors met groot vertroue teen die Zebras kan opdraf.
“Ek herhaal wat ek tevore gesê het. Dit is van uiterste belang dat ons die Cosafa-kampioenskap op volle vaart tref. Ons speel teen Niger en volgende Woensdag is Malawi aan die beurt en daardie Sondag is ons vir die laaste oefenwedstryd in Zambië,” het Mannetti gesê.
“Dit sal die spelers se fiksheid na die volgende vlak neem om ten volle gerat teen Botswana mee te ding. Ons sal in die laaste drie wedstryde seker moet maak dat ons die regte resulte verkry om die spelers se vertroue ’n hupstootjie te gee.”
AFCON-KANSE
Altesame 52 lande in 13 groepe neem aan die kwalifiserende rondte van die Konfederasie van Afrika-sokker (CAF) se 2017 Afrika Nasiesbeker (Afcon)-kampioenskap deel.
Net 16 lande sal in die eindtoernooi deelneem, wat outomaties die gasheerspan Gaboen insluit.
Die 13 wenners van elke groep vorder na die eindtoernooi, waar Gaboen en die twee topspanne in die tweede plekke ook sal deelneem.
Beide Namibië en Niger kon sover net drie punte inoes. Die Warriors (-3) spog egter met ’n beter doelverskil en bevind hulle in die derde posisie terwyl Niger (-4) vierde is. Senegal met 12 punte en Burundi met ses beklee onderskeidelik die eerste en tweede plekke.
Indien die Warriors môre vir Niger uitoorlê en Burundi verloor teen Senegal, kan Namibië tot die tweede plek opskuif. Die finale wedstryd wat die Warriors se lot gaan bepaal, word in September teen Senegal gespeel.
“Dit is vir ons ’n absolute prioriteit om algeheel tweede in ons groep te eindig wat die Warriors ’n buitekans gee om tot die finale kampioenskap deur te dring,” het die breier gesê.
“Ons het ’n lang pad gestap en is gereed om te veg. Die spelers sal gefokus moet bly en hul oog op die bal hou om daardie noodsaaklike drie punte op te raap. Ek is vol vertroue ons kan dit doen. As ons goed afskop, behoort ons die knoop deur te haak. Niger sal ’n handvol wees, want hulle jaag ook daardie drie ontwykende punte. Dus gaan dit ’n taai en opwindende stryd wees.”
Mannetti kies vandag sy finale span van 18 spelers uit ’n groep van 25 wat môre om 16:00 by die Sam Nujoma-stadion in Katutura gaan saamtrek.
Die oefengroep is: Max Mbaeva, Chris Katjiukua en Deon Hotto (Golden Arrows); Wangu Gome (Bidvest Wits SA); Denzil Hoaseb, Dynamo Fredericks, Willy Stephanus, Ananias Gebhardt, Immanuel Heita en Roger Katjiteo (Black Africa); Da Costa Angula en Hendrick Somaeb (Free State Stars); Benson Shilongo (Gaborone United); Peter Shalulile (Highland Park SA). Patience Gaseb (Mighty Gunners). Riaan Hanamub en Terdius Uiseb (Orlando Pirates); Absalom Iimbondi, David Peterson, Ferdinand Karongee en Romario Ndjavera (Tigers); Tiberius Lombard, Oswaldo Xamseb en Larry Horaeb (Tura Magic); Edmund Kambanda (Unam).
Kaartjies kos N$40 en is landwyd by Computicket in alle Shoprite- en Checkers-winkels beskikbaar.
- NFA.org.a
Kommentaar
Republikein
Geen kommentaar is op hierdie artikel gelaat nie